احسن كافيه عجبك

**amrelsha3er** · 25-11-2012 04:40 PM

ياريت ياجماعه نبادل بعضنا الاراء فى احسن كافيه لو كافيه ومطعم يكون كويس مفيش مانع
وياحببذا لو فى شيشه عشان كافيه من غير شيشه بيبقى بايخ بالنسبالى يعنى:d
عاوزين نقيم الكافيهات سواء فى القاهره او فى المحافظات اللى حوالينا زى اسكندريه مثلا
من حيث الخدمه والاسعار والخامات نفسها والشيشه :d

**amrelsha3er** · 25-11-2012 04:41 PM

عن نفسى بحب اوى دار القمر بلو نايل ده كافيه ومطعم والشيشه بتاعته مميزه جدا ولو انه غالى حبه بس جميل وكفايه المنظر النيل طبعا

**RUN** · 25-11-2012 07:10 PM

الحرافيش فى شيرى حلو بردو

**amrelsha3er** · 25-11-2012 09:55 PM

مفيش حرافيش فى شييرى :d

**fouaa** · 25-11-2012 10:36 PM

انا هاقولك الاماكن الى انا معتاد التردد عليها باستمرار ويمكن اسبوعين وهيا كالاتى
اولا الاماكن الغاليه الى فيها منيمم
1 كافيه تشيلو فالاير مول فالمطار خدمه ممتازه فيه اكل كمان وبيتزا وعلى اعلى مستوى والشيشه هناك ملهاش مثيل فاى مكان تانى فاخر طبعا المنيمم من السبت للاربع 50 والخميس والجمعه 100 واحياننا لما بيبقى مفيش شغل بيبقى مفيش منيمم بس كده كده الشيك بيجى عالى جدا
2 من الاماكن المميزه جدا فالقاهره والحلوه اوى لبيستيك الى فالشيراتون جمب جامع الصديق الكافيه فيه ميزه انو مدرج يعنى كل ترابيزه فمستوى فيه خصوصيه شويه اسعارو شويه معقوله فيه منيمم 40 جنيه بيعملو اكل برضو حلو جدا وفيه شيشه حلوه جدا
3 ميراج ده فسانت فاطيما مصر الجديده بيبقى فيه منيمم 30 جنيه ايام معينه بس هوا غالى شويه مكان جميل وفيه شيشه معقوله
4 فشارع المشير احمد اسماعيل فيه اتنين كافيه جمب بعض الاتنين كويسين واسعارهم متوسطه بس الخدمه معقوله اوى
وطبعا فى فالشيراتون المضيفه ودى مكان كبير جميل رخيص وفيه مطعم صغير بيعمل سندوتشات عاديه
فى فالرحاب فالسوق التجارى كزا مكان برضو متوسط والناس لزيزه جدا
اسكندريه بقى انا شخصيا بعشق سلطنه استانلى المكان ده ملوش حل واحلى حاجه فيه النت سريع جدا ههههههههه
فطنطا فى كافيهات على الطريق مبين طنطا والمحله برضو حلوين جدا مستوى عالى وخدمه ممتازه

**abono** · 25-11-2012 11:28 PM

يا جماعة فى مطعم فى 6 اكتوبر فتح جيد أسمه برجر اوكسيد بيعمل شوية برجر غريب جامد اوى و اسعاره تحفة

**dede_dodo88** · 25-11-2012 11:33 PM

المشاركة الأصلية كتبت بواسطة fouaa

من الاماكن المميزه جدا فالقاهره والحلوه اوى لبيستيك الى فالشيراتون جمب جامع الصديق الكافيه فيه ميزه انو مدرج يعنى كل ترابيزه فمستوى فيه خصوصيه شويه اسعارو شويه معقوله فيه منيمم 40 جنيه بيعملو اكل برضو حلو جدا وفيه شيشه حلوه جدا

هو مش ده في فلوريدا مول برضه؟!..

**youssef_u** · 25-11-2012 11:37 PM

arabian cafe في ٦ اكتوبر بعد الحصري بشويه مقابل جامعة ٦ اكتوبر

**3mr Farrag** · 25-11-2012 11:41 PM

المشاركة الأصلية كتبت بواسطة abono

يا جماعة فى مطعم فى 6 اكتوبر فتح جيد أسمه برجر اوكسيد بيعمل شوية برجر غريب جامد اوى و اسعاره تحفة

ده فين بالظبط يا باشا
واسعاره ايه

**Y a r i s** · 25-11-2012 11:57 PM

موضوع جميل ... بس ياريت ياجماعة علشان الكل يستفيد محدش يجي يقول مطعم اسمو كزا وخلاص او كافية اسموا كزا. ياحبذا يكتب معلومات مفيدة الاسعار المكان بالزبط كده يعني بلاش الله يرضى عليكم المشاركات المختصرة

انا من النوع البخيل ... بس بصراحة في مطعم في نزلت الزمالك من اولها من وانتا جي من ميدان لبنان ونازل نزلت الزمالك اول متنزل على ايدك اليمين حتت مطعم ايطالي هناك. سعر الطبق تترواح ب ٦٠ جنية بس بصراحة متستحرمش الي بتدفعوا ابداً طبق السلطة ب ٤٥ جنية بس طبق طبق وجبة في حد ذاتها وغير طبق السلطة الي بناكلو خالص ... ومكان شبابي وعائلي ومحترم هو حاطط شمسيات امام مطعمو كده وجربوة وتدعولي انشاء الله

الموضوع: احسن كافيه عجبك

LinkBack

أدوات الموضوع

عرض

احسن كافيه عجبك - انشر الموضوع فى :

-

-

-

-

-

-

-

المواضيع المتشابهه

اكتر لون عجبك فى النترا 2012

ما هو اكثر لون عجبك في الفلوينس

سجل اعجابك بموضوع عجبك فى المنتدى

نت كافيه بالبطاقه

إيه أكتر مسلسل عجبك في رمضان؟!

الكلمات الدلالية لهذا الموضوع

المفضلات

المفضلات

ضوابط المشاركة