الموضوع: انا محتار اجيب تيريوس بلاتينيوم هاي لاين ولا قشقاي؟

المشاركة الأصلية كتبت بواسطة SonaSteel

معظم اللي جايبنها اصلا بنات وسيدات ..... وده امر عجيب لان قدامهم الجوك مش فاهم ايه حبهم في القشقاي :))
بس برده لازم تروح تقعد فيها وتشوف هي هاتستريح فيها ولا لأ ؟؟

هي لو زوجتك بس اللي هاتركبها مش عائلة خليها تشوف الجوك ... صغننة و فيها كماليات اكتر و شيك اوي برده

يعني انت انزل معرض نيسان وشوف الاتنين وربنا ييسرلك الخير يارب :d

انا روحت جربت الجوك...لالالا دي ضيقة جدا من ورا والشنطة صغيرة قوي...يا دوب تحط كيس برتقان :-)
والصراحة حجمها مش متناسب مع سعرها خالص وال options الكتيير اللي فيها على قد ماهي روعة لكن تخوفي من التوكيل وتوافر قطع الغيار وكفاءة الصيانة مسببالي قلق كبير

اعتقد انا ميال شوية للتيريوس والعامل الاكبر هو فروق الاسعار لان سعر الفانوس ابو 5500 او البوجيهات ب 700 ده بيشل تفكيري

المشاركة الأصلية كتبت بواسطة mohamed_rhem

من ناحية الامكانيات حدث ولا حرج

اما بالنسبة للسعر فوكيل bmw بيبيع عربيات ماشية من 1000 كم الي 5000 كم

وبيدهالك بالضمان وبتترخص كأنها زيرو ممكن تكلمهم وتستفسر

انا اول مر اعرف الموضوع ده ... بس برضه اعتقد ان السعر مش هايقل عن 200 الف ولا ايه؟
انت تعرف وسيلة اتصال ب bmw ؟

المشاركة الأصلية كتبت بواسطة hosam_optrawy

لا مجال للمقارنه :)

التيريوس اخرها تتقارن بالجوك , والجوك تكسبها بجداره كمان , فمابالك بالقاشقاى

رأيى الشخصى التيريوس حرام فيها سعرها وامكانياتها ومواصفاتها فقيره وضعيفه

طبعا امكانيات الجوك هايلة بس ماينفعش تتقارن بالتيريوس لان التصنيف على الاقل مختلف
غير ان الجوك ضيقة والتيريوس اوسع
لكن الجوك كتكنولوجي وامكانيات لا غبار عليها بس قصاد ده السعر عالي جدا واكتر من اللي تستاهله وانا مش متوقع سعر اعادة البيع للجوك هيرضي صاحبها
يمكن لو هفكر من الناحية الاقتصادية التيريوس تكسب
ام بقى تحفة نيسان اللي اسمها قشقاي فطبعا هايلة لكن برضه اسهارها مش متناسبة ابدا مع امكانياتها
على فكرة شاكلك برضه متعصب للنيسان رغم ان مشاكل التوكيل مأثرة جامد على قرار الشراء وانا بعد اللي شفته مع منصور اصبح التوكيل عامل مهم

شكلي كده اما افضى هاعمل مقارنة كبيرة بين التيريوس والقشقاي

المشاركة الأصلية كتبت بواسطة mohssenrashed

بص هيا اخر العداد اصلا 180 و اخرها 150 او 160 بالكتير و بعد ال 120 تقلق و ده مش التيريوس بس على فكرة ده في تقريبا معظم ال 4*4

انا مركبتش الفانتازيا بس ركبت ال a5 كتير و ثبات خرافي مقارنة بالتيريوس و اكيد الفانتازيا زي ال a5 ده لو ماكنتش احسن.

الفانتازيا فعلا ركوبة فخمة وثيات رائع على الطريق وده اللي مقلقني من التيريوس لكن اتساعها من جوه وعلوها بيلبي طلبات ناس كتيير عندي في البيت :-)

المشاركة الأصلية كتبت بواسطة Hosam_Optrawy

التصنيف مش مختلف ولا حاجه ياباشا الاتنين فى فئة ال Mini SUV و Mini Crossover

وبالورقه والقلم الجوك اطول واعرض من التيريوس اى نعم بفرق بسيط 7 سم بس اكبر , التيريوس سقفها اعلى وقاعدة عجلاتها اكبر ويمكن دا اللى مديها وسع شويه بس مش بفرق كبير

دايهاتسو معندهاش عربيه تنافس بيها فى فئة القاشقاى وغيرها

ولو بتفكر فى اقتصاديه وسعر كويس واعادة بيع معقوله هات كيا سول وريح دماغك :)

انا اول مرة اعرف ان في mini SUV انا كنت فاكر ان ال cross over هو التصنيف الاقل
بس انا لما عاينت التنين على الطبيعة:
الجوك تكنولوجيا رائعة وصالون حديث وروش وكمان فتيس جديد انا نفسي اجربه لكن الابعاد سيئة جدا لان الكنبة ورا تاخد اتنين ونص والشنطة فعلا ضايعة والسقف المايل لورا مالوش اي لازمة هو ممكن يزود كفاءة ال aerodynamic لكن بهدل الشنطة وكمان عامل جناب للعربية وبروز طيب ليه ما استفدش بالعرض ده ودخله في الصالون مش لازم يعمل بلكونة :-)

اما التيريوس فالصالون بسيط لكن مودرن وواسعة من جوه والنهاردة اكتشفت ان الموتور بتاعها بالطول لانها دفع خلفي وده شجعنى اكتر اختار ال GLx اللي هي دفع ثنائي وجنوط سبور وكاسيت ديفي دي وتكيف عادي ب 143.5 الف فمن الاخر:

تكنولوجيا يبقى الجوك
اتساع يبقى التيريوس
الشكل دي مسئلة اذواق
عائلية تبقى التيريوس
شبابية تبقى الجوك
اقتصاديا يبقى التيريوس ودي مهمة قوي
انا راكب عربية فانتازيا فاكيد مش هاقل في المكانيات بعد ما جربتها عشان كده الموديل ده GLX قريب في ما عدا الطارة متعددة الاستخدام والتكييف ال climatronic والثبات ربنا يستر منه

بالمناسبة انا لاوم اشكر كل الناس في الحوار ده لانه خلاني انظم افكاري اكتر واعرف اشوف المميزات في كل عربية وان شائالله احجز التيريوس قريب




جيت على الجرح هههههههههههههه

بيتهيألى انا اخر واحد ممكن يتحيز لنيسان او بشترى نيسان من أصله :) مش لعيب فيها ولكن دى اذواق وانا شخصيا بافضل عليها منافسيها فى معظم الفئات ( صنى - تيدا - جوك - قاشقاى ) بيبقى عندى بدايل افضل بالنسبه لى

بس كل مايمنعش ان الواحد لازم يقول رأيه بامانه وكلمة الحق خصوصا فى مقارنة زى اللى احنا فيها ( قاشقاى - تيريوس )