الموضوع: انا محتار اجيب تيريوس بلاتينيوم هاي لاين ولا قشقاي؟

المشاركة الأصلية كتبت بواسطة مدحت البلبيسى

لو تقبل نصيحتى بريليانس v5وتقدر حضرتك تدخل على قسم البريليانس وتشوف التقرير والقرار ليك بس عن تجربة ومقارنة وكنت واقع فى نفس الحيرة وجبيت البريليانس والحمد لله ربنا كرمنى بيها مع ان معايا فلوس اجيب اعلى بس بعد المقارنات طلعت صفقة رابحة وتحت امرك فى اى سؤال وطبعا الخيار ليك اولا واخيرا

متشكر جدا علىالنصيحة لكن انا مقدرش اجيب غير ياباني او اوروبي
بس يا ريت تديني فكرة ايه المميزات اللي لقتها في البيرليانس - هي سيدان مش كده ولا suv

اشكر الجميع
انا اشتريت التيريوس GLX وهي دفع خلفي ABS, AirBag والكاسيت DVD وكاميرا خلفية ومحرك 1500 سي سي
على قكرة كل التريوس دفع خلفي او رباعي
العربية جميلة في ان مستواها اعلى من باقي العربيات حتى اعلى من القشقاي شوية ومن الجوك طبعا
هي عربية مناسبة جدا للاسرة والزحمة خصوصا لو معاك اطفال
استهلاك البنزين اقل من المتوسط او متوسط لكن هي فعلا مش بتاعة جري يعنى اكتر من 120 كم / ساعة مش مناسب ليها
بالنسبة لسعرها وامكانياتها اعتقد انها انسب من القشقاي لان القشقاي غالية في حاجات كتيير خصوصا الفانوس ابو 5500 جنيه
التوكيل معاملته كويسة جدا وان كان الملاحظات اللي قلتلهم عليها ماتعالجتش كلها زي الفرامل خفيفة مش بتجمع بسرعة في السرعة البطيئة وال bluetooth مش بيلقط بسهولة فنزلو سوفت وير جديد لكن ماحسنش الوضع
لما اعمل صيانة ال 5000 هاعيد تاني عليها
انا بحب اقضي بيها مشاوير البيت لانها خفيفة وركنتها سهلة شاسيها مش طويل زي الفانتازيا اللي معايا وكمان علوها باسطني جدا لانه تجديد في نوع العربية وطريقة القيادة بس باكد هي مش بتاعة شقاوة
كان حظي حلو اني حجزتها في شهر 12 ب500 جنيه بسعر 143500 وقبل ما استلمها في يناير بقت ب 149500 فالحمدلله ان القرار بالحجز كان بدري وماستنتش لمعرض اوتوماك ودي نصيحة للكل ماتاجلش قرار الشراء لشهر يناير عشان خاطر المعرض لان الاسعار يتتجنن في الوقت ده
لو قابلتني اي مشاكل فيها اكيد هقولكم عليها