السلام عليكم
هل فيه فرق تقنى بين الويندوز الأصلى من ميكروسوفت والويندوز اللى متكرك غير إنى ممكن أحدث الويندوز الأصلى من ميكروسوفت ؟؟؟
وما هى متطلبات تشغيل ويندوز 8
عرض للطباعة
السلام عليكم
هل فيه فرق تقنى بين الويندوز الأصلى من ميكروسوفت والويندوز اللى متكرك غير إنى ممكن أحدث الويندوز الأصلى من ميكروسوفت ؟؟؟
وما هى متطلبات تشغيل ويندوز 8
يا باشا الويندوز المتكرك بيتعملو update بردو =)
بس الفكرة في ان الواحد بصراحة مستحرم و في نفس الوقت سعرها غالي جدا =(
مااعتقدش ان في فرق
هو سعر النسخة الاصلية بكام ؟ وبتتباع فين ؟
النسخة الأصلية أول ما نزلت كانت بألف جنيه
لكن إنخفش السعر حاليا قليلا يعنى وصل
موجود حاليا عند كومبيو مى و كان عليه عرض بـ 500 جنيه فقط من أسبوعين بس مش عارف مستمر و لا إنتهى
النسخة الأصلية ويندوز 8 بعد الخصم 800 جنيه
800 جنيه كتير اوي
النسخ بتكون هى هى, على فكره انت لما بتشترى مش بتشترى النسخه انت بتشترى الlicense بتاعة النسخه , انما النسخ كلها واحد( مدام متلعبش فيها زى النسخ اللى بتلقيها على ماى ايجى), ولهذا بتلاقى نسخ لجهاز واخرى ل10 اجهزه واخرى ل500 جهاز, بتكون كلها نفس النسخه والlicense لجهاز او اتنين او ميه, يعنى الLicense كمان ممكن تكون لاكتر من جهاز بس بتفرق فى سعر طبعا يعنى لو اشتريت نسخه ب License لعشر اجهزه بتكون ارخص من انك تشترى 10 نسخ كل واحده بlicense لوحدها , وعلشان كدا الشركات الكبيره بتجيب النسخ اللى لعدد كبير من الاجهزه علشان توفر.
مفيش فرق كبير
المهم النسخة تكون خام بدون اي تعديل عليها او الحذف منها
ومن ثم اضافة التفعيل الصحيح ..
بالظبط أنا مبحبش النسخ الملعوب فيها
وعارف إن ليها رخصة ليسانس بتبقى ليها ورقة مكتوب عليها رقم النسخة بتاعتك عند ميكروسوفت وعليها علامة مائية ميكروسوفت ومعدى فيها خط زى اللى بيعدى فى الجنيه المصرى كدا من النصف مكتوب عليه ميكرسوفت بالإنلجيزى
وغالبا لو اشتريت لاب توب معاه نسخة أصلية بتبقى ملزوقة عليه من تحت بيبقى ليها مكان خصيصا ونفس الكلام لو جهاز مكتبى معاه نسخة أصلية
من كلامكم الفرق ليس تقنى إنما الفرق أخلاقى
والكلام دا سألت فيه دكتور حاسبات ومعلومات فى الكلية وأكد لى إنه الفرق أخلاقى إنما تقنيا مفيش اختلاف
شكرا لكم جميعا
هل ينفع نظام تشغيل أبل أو إس يشتغل على الأجهزة الأخرى ؟؟ وهل أنظمة تشغيل ميكروسوفت تعمل على أجهزة أبل ؟؟؟
نلاقى الاتنين بيتفقوا فى البروسيزور والرامات تقريبا والهارد وكارت الشاشة كل الحاجات دى تقريبا مش بتصنعهم أبل
ممكن يكون الاختلاف فى المزر بورد ؟؟
وهل يوجد أنظمة تشغيل أبل معمول ليها كراك زى أنظمة ويندوز من ميكروسوفت ؟؟
ابل بيشتغل ب mac os
وده نظام تشغيل خاص بيه لحد زمان مكنش ينفع تنزيل ويندوز علي اجهزة ابل
لكن فالفترة الاخيرة اعتقد الموضوع بينفع فالاجهزة الاخيرة بعد تغير المعالج الخاص ب ابل تقريبا
اما عن العكس وتنزيل الماك علي الاجهزة العادية فاعتقد لا ينفع
والي ممكن بيحصل هو تنزيل برامج لشكل الواجهة والايكونات الخ فقط وليس النظام الحقيقي
لان نظام ماك مخصوص لاجهزة ابل وهي المصصمة ليه
وانظمة ابل الي هي الماك بتيجي مع شراء الجهاز ولا داعي للقلق
والله اعلم
تحياتي ..
الماك مؤخرا من ساعة ما بقوا يستخدموا بروسيسورز انتل بقى ممكن يستخدموا ويندوز بشكل رسمي اما اللي مش ماك ممكن ينزل عليه الmac os بس محتاج فيلم هدي كبيييييييييييييييييييييير و مبيبقاش كويس كمان
أصل أنا حابب أجرب برمجيات أبل فقلت بما ان أجهزة أبل حاليا بتتفق مع باقى الأجهزة تقريبا فى البروسيزور والرام وكارت الشاشة والهارد دا مساحة تخزينية فشايف إن الاختلاف هو البوردة ودا ممكن يكون الخلاف مهو أبل مش هتعمل جهازها أبدا انه يقبل ويندوز بسهولة او تخلى برمجياتها تشتغل على أى جهاز
بس سفارى المتصفح الرسمى بتاعها بيشتغل على و يندوز عادى فليه لأ ميكونش الآى أو غس مبيشتغلش على الأجهزة التانية زى اتش بى توشيبا سونى وديل وباقى الماركات ؟؟؟
وبعدين مين اللى هيبقى معاه الأو أس وينغيره بويندوز
كنت بكلم واحد ع الفيس بوك من فترة جامدة قال لى انه كان معاه لاب أبل ماك إير بوك ونزل عليه ويندوز لكن الأداء أصبح أقل بدرجة ملحوظة بناءا على كلامه
بس لما تشوف اللاب الأبل على الطبيعة قدامك تحس إنه فاكهة الأجهزة هههههههههه ولا جايز عشان مش منتشر وسعره غالى شوية فدى تهيؤات عندى
الفرق بين النسخ الأصلية و غير الأصلية غير موجود تقريباً طالما النسخة المتكركة مش ملعوب فيها.
ينفع تنزل ويندوز على أبل...........العكس مش سهل.....بس ممكن تنزلها على حاجة أسمها VMware و ده برنامج بينزل على ويندوز.
نسخة ويندوز 8 لحد يومين فاتوا كانت على موقع مايكروسوفت بتتباع ب 40 دولار نسخة تحميل مش سي دي
يعنى تدفع الفلوس و هيديك لينك تنزل منها ويندوز و هيديك السيريال.
فيه نسخ تجريبية ممكن تنزلها من على النت هتشتغل معاك 90 يوم تقريباً بس مش هينفع تحط لها سيريال و تشتغل نسخة عادية.
أنا نزلت نسخة منهم على ال VWware و منصحكش بويندوز 8 حالياً..............خليك فى 7 أحسن.
فيه مثل شائع مع مستخدمي أبل...........once you go mac you can't go back
والمثل دا معناه إن الأبل حاجة تانية
طيب يا أستاذ أحمد أنت نزلت أنهى نسخة على ال vware دا ؟؟ نسخة آى أو إس ولا نسخة ميكروسوفت ويندوز ؟؟
وبالنسبة للبرنامج دا إيه قوامه يعنى بيشتغل على ويندوز ياخد منك ملفات الآى أو إس ويبتدى يعملها ست أب على الجهاز فى درايف جديد من على الدوس وكدا
ولا هو بيديك شكل الآى أو أس مش أكتر ولا أقل
الvmware ده بيعمل جهاز وهمى virtual machine جوه جهازك تنزل عليه أى os و تجربه عادى
بس خلى بالك عشان محتاج جهاز جامد و بالذات رامات كبيرة عشان يشتغل كويس
أنا طول عمرى أسمع إن ال آى أو إس مش بيحتاج متطلبات تشغيل عالية على أجهزة أبل فى نفس الوقت أداؤه أعلى من الويندوز وأكثر أمان
الvmware نفسه هو اللى محتاج جهاز كويس و رامات كبيرة مش الos اللى هتشغله عليه
Mac OS X ينغع ينزل على PC عادي
بس هو النقطة ان لازم الكمبيوتر بتاعك يكون EFI Compliant
دور على جوجل على حاجة اسمها Hackintosh هتلاقي سايتس كتيرة بتشرح ازاي تنزل Mac OS X على PC
و هما الاتنين فعلا عادي لان مؤخرا الماك بقى Intel based
شكرا يا جماعة هجيب اللاب وهجرب قريب أن شاء الله
بس يا أستاذ أحمد قصد حضرتكككك Mackintosh ولا Hackintosh
بالمناسبة امكانيات الجهاز اللى هشتريه كالآتى
نوعه HP
موديل pro book 4540 s
الأمكانيات
معالج : Intel core i5-3210 2cores -2.5 gh
كاشات : 3MB l3
ذاكرة : 4 جيجا ويقبل لحد 16 جيجا
كارت الشاشة : AMD Radeon HD 7650M 2 GB dedicated DDR3
قرص التخزين : 750 جيجا بايت سرعته 5400 لفة فى الدقيقة
بيقرأ اسطوانات بلو راى بجانب النسخ على الاسطوانات السى دى والدى فى دى
بعد شرائى اللاب طلع الهارد 640 والسعر النهائى بالشنطة بالشحن بكله 3950
من سنتين ونصف تقريبا اشتريت إيسر أسباير 5740 g عجبتنى جدا خاماته
لما اشتريت اللاب دا بالرغم من إنه من برا الغطاء ألومونيوم لكن لوحة المفاتيح خامتها مش قد كدا
تحس إنهم بيحاولوا يوفروا على حساب أى حاجة ولذلك ممكن تلاقيهم بيقدموا نفس المواصفات فى لاب تانى فئة تانية بسعر أغلى
اللاب خفيف مش تقيل
الشنطة خامتها قماش عادى مش زى الشنط بتاع زمان المحترمة جدا فى الخامة
طبعا اللاب بكل محتوياته ومشتملاته مصنوع فى الصين
إيه رأيكم فى الجهاز دا يا جماعة ؟؟؟
فيه توفير جامد فى الزراير يعنى الإيسر كان البلوتوث ليه زرار لوحده والويرلس الشبكة ليها زرار لوحدها دا الاتنين مدمجين فى زرار واحد
التتش باد هنا أفضل واللوك بتاعها عبارة عن نقطة فى التتش باد بتضغط عليها مرتين متتاليتين والزراير فى التاتش باد أنعم شوية من الإيسر
بالنسبة للويندوز فيه ويندوز سفن 32 و 64 إيه الفرق بينهم مع اختلاف طبعا فيه هوم وفيه بريميم هوم وفيه بروفيشنال
ممكن توضحولى الاختلافات بين السستمز دى ؟؟
الويندوز ال 32 بتقرا لحد 4 جيجا رام
اكتر من كده بيبقى لازم و يندوز 64
الإختلافات بين الهوم و البروفيشنال و الألتيمات إختلافات فى إمكانيات النسخة نفسه
فيه حاجات مش موجودة فى الهوم و موجودة فى الأتنين التانيين
و فيه حاجات مش موجودة فى الهوم و البروفيشنال و موجودة فى الألتيمات.
لو عاوز تعرف بالظبط أدخل على اللينك ده
Compare Windows 7 - Microsoft Windows
مدام الرمات 4 يبقي تنزل 32 عادي لو تحب
لان 64 للرمات فوق ال 4 لحد 8 علشان يتعرف عليها
بمعني ان لو جهازك رامات 6 ونزلت نسخة 32 مش هيقري من الرمات غير 4 فقط
انما لو نزلت نسخة 64 هيقري 6 كلهم .
طيب كارت الشاشة ذاكرته محسوبة مع الرامات هو أنا عندى و يندوز 7 ultimate حاليا وقرأ الرام عادى هل كارت الشاشة محسوب مساحتة ضمن الرام ؟؟
يعنى هو 2 جيجا مساحته الشخصية لوحده
و4 جيجا مساحة الرام نفسها
ولا كارت الشاشة ملوش علاقة بالرام ؟
لا يا باشا كارت الشاشة طبعا ليه علاقة بالرامة لانه بيحسب منها
يعني كارت الشاشة كل ما ارتفع كلما زاد من استخدامه للرامة
لــكن استهلاك نسبي يعني مش هيستهلك الرامة كلها هو بياخد جزء فقط
علشان كده يفضل ان كارت الشاشة العالي يكون فالمقابل رامات عالية
والله اعلم ..
شوف يا باشا الكارت دا مساحته هو نفسه 2 جيحا وبيقطع من الرام حوالى 1.5 جيجا كمان يبقى الباقى 2.5 جيجا
شوف اللنك دا بالنسبة لل 32 و 64 بت
Windows 7 system requirements - Microsoft Windows
طيب يا باشا متفق علي الكلام ده
انا مقولتش حاجة عكسه ..