ممكن يتعمل مفتاح داخلى بجوار الجرس ليتم فصل الكهربا عنه وقتما تشاء .
يعنى ممكن لو خارجين نبقى نفصل الكهربا عن الجرس ونرجع الزرار تانى لما نكون فى البيت وقاعدين مش خارجين .
وربنا يسترها
عرض للطباعة
ممكن يتعمل مفتاح داخلى بجوار الجرس ليتم فصل الكهربا عنه وقتما تشاء .
يعنى ممكن لو خارجين نبقى نفصل الكهربا عن الجرس ونرجع الزرار تانى لما نكون فى البيت وقاعدين مش خارجين .
وربنا يسترها
فصل الكهرباء عن البيت كله غير عملة علشان التلاجه والديب فريز
الصح بقى زرار داخلى لفصل الجرس
بس المشكلة مش فى الجرس لوحده
الكارثة اللى بتقول عليها ممكن تحصل من اى جهاز كهربائى بالذات الحاجات اللى صناعتها ردئية
وممكن تحصل من مشترك كهرباء ردئ الصنع أو عليه احمال زيادة
أو من فيشه كهرباء تعبانه
أو من غلاية شاى
أو من شاحن موبايل من الانواع الزبالة اللى مالية بيوتنا
أو من صاعق الناموس مرة واحنا فى الجامع جه دبور كبير أو حشرة كبيرة على الصاعق وفضل يطلع شرار وولع
ونزل الدبور المحترق على القاعده البلاستيك بتاعة الصاعق وفى ثوانى اشتعل ونزل على موكيت المسجد
والحمد لله لحقناه وطفيناه بسرعه
حتى اللمبات اللى فى البيوت ممكن تولع بدون سبب مفهوم زى لمبات النيون
واللمبات الموفرة حصلت فى البيت مرتين
فجأة لاقيت اللمبة الموفرة طفت روحت منور لمبة تانية
بعد ثوانى شميت ريحة شياط بصيت على اللمبة اللى طفت لاقيتها بتدخن
والموضوع ده اتكرر مرتين
والحمد لله انى كنت موجود فى البيت واخدت بالى
من ساعتها معدتش بسيب لمبة موفرة منورة لما اكون خارج المنزل أو نايم
الشكر لله
شكرا على النصيحه
جزاك الله خيرا
السبب حاجه من اتنين:-
1- اللمبه. متجيبش لمبات موفره غير باناسونيك أو فيليبس. بتدي اضائه اعلى بنفس الوات مقارنه بالماركات التانيه (الموفره برضه) وهتركبها وتنساها لأنها نادر جدا جدا لما تتحرق.
2- الدوايه. الاحسن انك تغيرها أو تجيب قواعد لمبات بتشينو. لو الدوايه مش كويسه هتحرق 10 لمبات عليها ده غير انها ممكن تسيح على اللمبه وتعمل كارثه.
لو الاتنين دول تمام يبقى اللمبات عنده هتكون امان لحد كبير.
فعلا دة حقيقة
لمبات الباناسونيك والفيليبس اللي من 23-26 وات بتبقى في حدود 25-28 جنيه يعني بتمن اتنين من الصيني بس بتعيش أد 10 منهم واضائتها أقوى لنفس الوات. أنا أقدم واحده عندي عمرها أكتر من 6 سنين وشغاله فى الطرقه من المغرب لحد الصبح كل يوم وده يديك تصور عن عمر تشغيل اللمبات دي عامل ازاي.
قواعد اللمبات البتشينو الواحده ب 8 جنيه يعني بتمن دوايتين من الصيني وهيه منفصله يعني بتتركب للمبات اللي بتبقى لوحدها مش بتركب في نجف وهيه عباره عن قرص كبير وفيه دوايه وجودتها ممتازه يعني مش بتحرق اللمبات.