الحلقه دي من مسلسلي الشهير العبد لله والكيا مش مشكله ده طلب تعديل ااانا عارف ان مكانه مش هنا بس الناس هنا عارفاني ومبيتاخروش عليا خالص المهم انا محتاج استشاره منكم منكم دي للجميع وللخصوص سبعاوي باشا وشودي بيه ومحمد محسن وكل حبايبي ناوي اركب فلتر هواء رياضي اولا تفتكروا هيزود استهلاك البنزين ولا يقلله ثانيا هيضر الموتور ولا لا ثالثا انا عايز الفلتر من غير تعديل يعني مكان الفلتر الاصلي وشكرا تفتكروا هلاقي ولا لا وفين وبكام رابعا طولت عليكم وشكرا مقدما للردود العربيه كيا برايد 1998
بص هو تقريبآ لو هتجيب فلتر رياضى يبقى هتغير علبة الفلتر لواحده رياضية و طبعآ هتزودك 3 حصان بالكتير و اذا زاد ااباور اكيد هتستهلك بنزين زياده بس طبعآ علشان تحس بالفرق الجامد اضبط تاكيهات و هاتلك بوجيهات ngk iruidium البوجيهات ديه قنبله و قدم كهربه شويه و شوف الفرق و كده انتا هتوفر لو عملت التعديلات ده أولآ ال1300 اصلآ مبيستهلكش بنزين فلو زاد الأستهلاك مش هتفرق معاك قوى ثانيآ المحرك داخله نسبة هواء اكتر و البوجيهات حرقها حلو فبكده مش هتسب ترسبات كربون على البوجيهات فهتطول فى عمرها ثالثآ لو كانت مبتدورش معاك الصبح كويس دلوقتى هتدور من اول تدويره و رابعآ انت حصلت على اداء ممتاز من 1300 سىسى.
طيب هل الكلام ده ينفع الشاهين ال 1600 موديل 2006 انجكشن؟؟؟
مع العلم اني كنت جربت ركبت بوجيهات ان جي كي بس عاديه ومتناسبتش مع الكمبيوتر وكانت لمبة الكمبيوتر كل شوية تنور والموتور يطفي او ما تنور ولكن معرفش الريديوم هتنفع ولا لأ؟؟؟ ينفع
هو للأسف ملقتش العربية الشاهين فى قائمة العربيات اللى تنفع يركبلها البوجيهات ديه اللى اعرفوا علشان تستفاد بالبوجيهات ديه لازم تقدم كهرباء شويه و لازم اسلاك البوجيهات برضوا تتغير حتى لو كانت سليمة و يفضل من نوع ngk لأن بوحيهات ngk ليها مقومة مختلفة مع مقاومة السلك علشان كده ممكن كانت لمبة الشيك اينجن بتنور و المفروض انها انجكشن يعنى ملهاش تقديم كهربة متجازفش بابوجيهات ديه غير لما تسأل توكيل ngk علشان الأريديوم غاليه
طيب ايه التعديلات اللى ممكن تتعمل في الشاهين علشان تزود التسارع بتعها وتزود الهورس باور وكمان تهدي سوت الموتور لانه عالي شوية
ركبلها فلتر رياضى و شكمان devil ده اللى ممكن تعملو و هيديك تسارع ممتاز و جرب تضبط تاكيهات علشان اهم حاجة ضبط التاكيهات علشان لو فى صوت تكتكه تروح و تزود التسارع
منين اجيب الفلتر الرياضي والشكمان الديفيل وهيتكلف كام ومين يركبهملي؟؟؟
معلش اصل معلوماتي في الحاجات دي ضعيفه جدا
انا شوفت و احد كان عامل التعديلات ديه فى شاهين بس غالبآ بتتركب فى الحرفيين و و سبلى يومين كده اشوفلك الشكمان و الفلتر بالعمة بيتباعو فين يا ريت اكون عرفت اساعدك
ملحوظة هاما جدا بخصوص الشاهين: فتلر رياضى وشكمان ديفيل=مزيد من الحمل الحرارى على دورة التبريد، واخد بالك معايا؟:funny34d:اقتباس:
المشاركة الأصلية كتبت بواسطة eldeplomasy
انا بردو بقول كده علشان لازم يغير الرادياتير بواحد نحاس 3 ماسوره
هههههههههههههه ماهي دي مشكلتي الحاليهاقتباس:
المشاركة الأصلية كتبت بواسطة shoudy2005
واخد بالي يا باشمهندس سبعاوي بس انا شايف انه العكس لما فلتر الهواء الرياضي يدخل هوا اكتر والشكمان يخرج هوا اكتر ده هيبقى افضل للموتور في السحب وكمان هيريحه اكتر
وبعدين عندي تساؤل صغير هل التعديلات دي مش هتأثر على العمر الافتراضي للموتور او تتعبه؟؟؟
اكيد فيه تأثير و لكن مش زى تأثير التيربو و المهم ان العربيه مبتعانيش من السخونيه قبل التعديل