عندي مشكلة : العربية بتسخن
السلام عليكم
عندي مشكلة غريبة
العربية بتسخن في الزحمة , بعد مشوار زحمة جامدة على الدائري الاقي الحرارة ترتفع من 4 شرط إلي 6 شرط و شوية تنزل و تقعد كده طالعة نازلة طول الزحمة
أول ما الزحمة تفك و أجري الحرارة تثبت على أربع شرط
أو أشغل التكييف الحرارة برضه تثبت على 4 شرط !!!!! ( أعتقد بسبب ان المروحة بتشتغل بالسرعة التانية )
رحت لعثمان موتورز قالي معندكش حاجة و غسل السربنتينة بالمياه
بإختصار العربية بتسخن في الزحمة و الطرق السريعة تبقى عادية
هل المشكلة في : المروحة أو ترموستات الكوعة أو ايييييه علشان مش عايز اروح التوكيل و يتوهني
ملحوظة : المياه في منسوبها لم تنقص خالص
اسف على الأطالة و أتمنى ألاقي عندكم النصيحة