شايفيين الصورة دي لاحظوا كويس اللي مكتوب وخلوا بالكوا دي عربية مانيوال 2013
http://www9.0zz0.com/2012/11/29/09/460755967.jpg
عرض للطباعة
شايفيين الصورة دي لاحظوا كويس اللي مكتوب وخلوا بالكوا دي عربية مانيوال 2013
http://www9.0zz0.com/2012/11/29/09/460755967.jpg
توفير نفقات
عايز اعرف اشغل ازاي كمبيوتر الرحلات.... وكمان انا حاسس بتزييق في دواسة البنزين ، ومعلش حاتقل عليكوا مؤشر الحرارة عند مبيشتغلش أو ما العربية تدور ... بيقعد شوية من غير ولا وشرطة وبعدين بيطلع شرطتين ... ولما بامشي بالعربية بتبقى اربع شرط ... انا لازم استنى لحد ما المؤشر يبقى اربعة ولا عادي امشي وخلاص .
حاجة اخيرة .... اعرف ازاي ان العربية عايزة مياه ... وبحط اي مياه ولا لازم حاجة معينة .... وبحطها فين ؟
بص يا معلم اولا الف مبروك ومتخفش هو هو نفس الموتور بس علبة فلتر الهواء هى المتغيره وده ليه ؟؟؟؟ لان المكنه ده الى بتنزل لاوربا لانهم هناك اسم السياره دشيا فتقريبا المنصنع بيتاع المغرب متوفرش ليه مكن فبعتولو مكن من الى بيطلع لاوربا والله اعلم
لتشغيل كمبيوتر الرحلات دوس على الزر الذى فى طرف دراع المساحات (الدراع الايمن) وفى كل دوسة ستظهر معلومة جديدة حتى تعود الى الشاشة الاصلية التى تظهر المسافة الكلية.
مؤشر الحرارة كده طبيعى وحسب كلام الكتالوج ممكن تدور وتمشى ولكن على سرعة محدودة حتى تصل الحرارة الى اربع شرط .
لمعرفة مستوى المياه راجع قربة المياه الشفافة وهى خلف الموتور تحت البرابريز الامامى ويجب ان تكون المياه الخضراء بها بين العلامتين min, max
باشا ألف مبروك وربنا يباركلك فيها , بس ممكن اسألك العربيه عامله ايه معاك اصل محتار بينها وبين الفيرنا واالانوس والأسبيرانزا وال بي واي دي هتجنن مش عارف اجيب ايه
بص يا باشا العربية دلوقتي عاملة معايا 1250 كيلو ... منهم 1200 على الطرق السريعة .
العيوب :
هيا عيوب متعارف عليها في قسم اللوجان زي في سخونية طالعة من الكونسول ... بس مش نار يعني
الحاجة التانية هيا صوت الموتور ........ ودي اكتر حاجة مخلياني مضايق بس عرفت انه حيهدى شوية بعد ما اعدي 3500 كيلوا ..... وعلى فكرة هو مبتحس انه عالي غير لما تعدي سرعة 100 كم .
قطع الغيار معرفش عنها حاجة بس سعرها كل يوم بيقل .
المميزات :
عفشتها حلوة وعالية عن الارض ... وانت ماشي مش شايل هم انك تحك في مطب من مطبات مصر الجميلة .
الكنبة واسعة وتاخد 3 افراد مستريحين اوي ......... طبعاً شنطة واسعة .......... اقتصادية جداً في البنزين تخيل انا مستوى استهلاك البنزين كان في الاول 11 لتر ودلوقتي وصل 6 لتر
المقارنة :
اللوجان تكسب الفيرنا واللانوس في كل حاجة من شكل وكماليات ( ما عدا قطع الغيار وموتور الفيرنا ) البي واي دي عربية حلوة بس عيبها انها شغالة تاكسي فتحس انها مش ركوبة ليا واحد صاحبي لسة جايبها وهاريها مشاوير من الفيوم لدمياط لبورسعيد للشرقية كل يوم وبيشكر فيها ..... وقطع غيارها رخيصة ...... نيجي للإسيبرانزا m11 كشكل ملهاش حل احسن من اللوجان الف مرة بس كاعتمادية معرفش عنها حاجة ( كنت متحير بينها وبين اللوجان بس اخترت اللوجان علشان شايفها في الشارع اكتر )
نصيحة خلي مقارنتك بين اللوجان والبي واي دي و m11 سيبك من الفيرنا واللانوس زمانهم راح خلاص ، ولو ممكن تستنى شهرين ثلاثة وتشوف الإيمجراند حتعمل ايه يبقى افضل .