لمبة الايرباق بقت تنور عندي وتطفي في لانسر 2007 ومش عارف ايه المشكلة بس قريت على النت انه حوه الدريكسيون في شريط ايرباج جواه 6 اسلام واحد منهم ممكن يكون مقطوع وقريت طريقة لفك الدريكسيون واخراج الايرباق بس طبعا خايف اعمل حاجة بدل ما اصلح ابوظ اكتر
عرض للطباعة
لمبة الايرباق بقت تنور عندي وتطفي في لانسر 2007 ومش عارف ايه المشكلة بس قريت على النت انه حوه الدريكسيون في شريط ايرباج جواه 6 اسلام واحد منهم ممكن يكون مقطوع وقريت طريقة لفك الدريكسيون واخراج الايرباق بس طبعا خايف اعمل حاجة بدل ما اصلح ابوظ اكتر
بتحصل عندنا فى ميجان وفكيت الدريكسيون بالفعل
هو غالبا شريط إيرباج شوف لو ليه فيشة تحت الكرسى جايز تكون مهزوزة أو مش راكبة كويس
معنى إنها بتفصل وتنور إن ممكن يكون فيشة أو يكون الشريط بيشاور عقله وبعد شوية هتلاقيها منورة على طول
ممكن يكون سينسور الاير باج بيهيس
شوف الموضوع دا خد فكرة عن اللى بيحصل فى الشريط دا لو كان مقطوع
http://www.nilemotors.net/Nile/304678-a.html
هي نورت عندي لما ركبت انذار في اللانسر
رحت التوكيل حطوها على الجهاز وطفوها
ورجعت تنور في بداية التدوير وتطفي بعدها عادي
iي فعلا شكلها من الشريط لأني رحت لمركز صيانه انهردة وقالي انه غالبا من الشريط بس قالي انه الشريط مش موجود وبيتبجاب استيراد وتركيببه بس بـ 120 جنيه ....
السؤال بقى الشريط ده لو اتقطع مش ممكن يتلحم تاني بدل تغييره ؟؟؟ والغريب عندي ان لما اللمبة تنور اول ما ادوس على الكلاكس بتفصل على طول ...
يتلحم تانى عادى جدا لو كان مقطوع من على الطرف لو مقطوع من النصف انسى لازم شريط غيره
عامة هو الشريط مش غالى لكن الفكرة كلها عندى مثلا فى الميجان بيغيروا العلبة اللى جواها الشريط اللى هى فيها دراع المساحات والإضاءة دا اللى بيغليه
لأن عوامل دا يعتبر من عوامل الأمان وممنوع اللعب فيه لو باظ بيتغير بالليلة اللى حواليه
وتقريبا هتلاقى نظام عمله عندك شبيه للميجان ولأى عربية تانية
اللى يلحم الشريط دا يكون واحد فاهم وعايز مكواة لحام قصير سنها رفيع جدا وأفوميتر للقياس لضمان عدم تلامس الأطراف