يا جماعه حد يقدر يرد عليا ويقولي اعمل ايه بجد؟؟؟؟
يا جماعه حد يقدر يرد عليا ويقولي اعمل ايه بجد؟؟؟؟
لو هى نزلت بيه فى فئة معينة ممكن تركبه
مش صعب بس مكلف
معلش سؤال هو الفرامل سيئة بدونه لدرجة كبيرة ؟؟
علشان شوقت عضو كريم بينصح بشراء العربية دي ب abs كشئ ضروري ..
متابع
هي الفرامل مش وحشه ولا حاجه بس دي حاجه للامان جنب الايرباج الي فيها
مينفعش يا باشا ... هتغير حاجات كتير جداااا ... و عمرها ما هتبقى كويسه
انسى الموضوع ده و تعايش مع العربيه
مش هيظبطها التوكيل او اللي هيركب لك الـabs دي حاجة بتبقي جايه من المصنع والمهندسين هنا في مصر بتوع كيا بسم الله ما شاء الله ميقدروش يعملوا حاجة كبيره زي كده اخرهم تغيير زيت صوت دبه في العربية من ورا كده يعني
الموضوع مش صعب بس مكلف جداً بالنسبة لتمن العربية
من رأيي بيعها وهات واحدة تانية فيها abs
ممكن حل وسط يريحك حامد عملته من النيو اكسنت 2006 لما كانت معايا
غيرت الدشم الي ورا بدشم ديسكات زي اللي قدام الفرامل زبطت جاااااااااااااااااامد اوي بس المشكله التيل مش موجود ف مصر ف بيتجاب استيردا التوكيل كان بيجيبه ب 500 جنيه تقريبا
بالنسبه للريو بتاعتك كل المطلوب منك لو العربيه نزلت في مصر ب دشم خلفيه ديسكات التيل هيبقى متوفر
ف هتعمل ايه هتروح الحرفيين تغير دوشمك بدوشم استيراد ديسكات وتبقى قويت الفرامل جدا جدا جدا
والتيل متوفر بتجيبه عادي
الabs مبيزيدش قوه الفرامل ولا حتى 1%
دى معلومه غلط عند الناس انه بيزود القوه الفرملية
كل فايدتة ان لما العربيه تبقى فى تراب او زمية العجل ميقفش وتقدر تتحكم فى اتجاهك وانت بتفرمل
هو ده الكلام الصح
يا راجل دا لما الواحد بيركب لمبة ولا حاجة زيادة بيبقى خايف على عربيته
مش هتخاف انك تخلى صنايعى يلعب لك فى فرامل العربية
لو الموضوع ضرورى اوى معاك بيعها و هات واحدة اختها بـ abs و هتبقى التكلفة تقريبا هى هى بس هتبقى اشتريت دماغك
و زى ما قال blazer باشا فعلا هو مش بيزود قوة الفرامل .. انت بس بتتحكم فى اتجاه العربية و انت ضاغط على الفرامل عكس الفرامل العادية متقدرش تغير اتجاه العربية و انت ضاغط عليها
اعتقد حتقابلك مشكله في الكنترول لان اللي عندك مش متعرف له وحد الاي بي اس يعني حتحتاج تغير كنترول وساعتها ممكن تدخل في مشكله ان العربيه مش بتدور ومحتاج تكويد للايموبلايزر (لو موجود عندك)
يعني وجع دماغ وفي احتمالات الخطاء كتير فبلاش تدخل فيه
والافضل هو تعديل نظام الفرامل نفسه
لو ورا قباقيب تخليها ديسكات لو قدام ديسك (solid) تغيره بديسك وماستر (ventilated) وكده
هتحتاج تغير ضفيره + كنترول + تركب دوشم فيها مكان لحساسات ال abs فى ال4 فرد + ديسكات ورا + الطرمبه بتاعة الabs
هتلاقى نفسك صارف ما يقارب ال 10 الاف مثلا
الاحسن ليك تشترى طنابير امامية ebc وتيل ebc red
هتلاقى التحسن لايقل عن 35%
+1 ...
الله يفتح عليك ... وزود عليهم كمان تغيير الكبالن ... بكبالن مجهزه لتركيب abs
يعنى بأختصار فيلم فاشل الى ابعد الحدود ... هتبوظ عربيتك بعك الصنايعيه و هترمى فلوسك فى الأرض
وبعدين يا باشا احب اضيف معلومه ان العربيات اللى فيها abs مش شغال عمال على بطال
انا سايق عربيه فيها abs و بقالها معايا شهرين .... و طول الشهرين ال abs مشتغلش غير مره واحده ... علشان ليه سرعه معينه و قوه فرمله معينه علشان يشتغل .... غير كده فى الفرامل العاديه مبيشتغلش
وفى نفس الوقت ال abs مش بيخلى العجلة تقفش وتفك عشان تقدر تتحكم فى الدريكسيون وتفادى الشئ اللى ممكن تصطدم بيه يعنى هو كمان بيطول مشوار الفرامل فى المواقف الحرجة
بس كدا أسحن من ان العربية تكسح وتنزلق برا الطريق أو تكسح وتخبط وانت لاتملك التحكم فيها خصوصا لو كانت عربية ثباتها مش قد كدا من بتوع اليومين دول
يمكن قصده عرفت إزاى ان الـABS إشتغل؟!!! :U_thin1[1]:
عموما هى بتبان أوى لأى less-than average driver ان الـabs إشتغل فـ الفرملة!
بالنسبة لمعلومة ان بيطول زمن الفرملة.. خاطئة طبعا؟؟!!! :rolleyes:
إلا لو قصدك على موديول الـMando-Hella اللى بيركب فـ الكورى؟!! معرفش الصراحة :duh:
أعتقد أفضل إقتراح لصاحب الموضوع انه يـupgrade الفرامل زى ما الأعضاء قالوا..
ديسكات ورا (لو طنابير) وventilated قدام (لو solid)، وممكن يستخدم sport-bads أو حتى ديسكات زى الـEBC!!
بس كـــــــــــــــــــل ده.. لو انت عندك مشكلة فـ الفرامل، ضعيفة بالنسبة لإستخدامك لو سواقتك عنيفة وبتـfade منك.. وكده
لو مفيهاش مشكلة.. كبر ووفر فلوسك!!
أنا حسبتها أزاى بيطول مشوار الفرملة بفرض ثبات العربيتين عربيتين بى أم دبليو الفئة الثالثة وفى طريق مستقيم
وعلى سرعة 160 والاتنين ضربوا فرامل على طريق مستقيم من غير أى تغيير فى اتجاه العربية بما إن دى عربيات ثابتة جدا
أنا بقول فى الحالة دى العربية اللى من غير ايه بى اس هتقف الأول ولو هتكسح
لأن دى طاقة لما احنا بندوس على الفرامل مرة واحدة من غير وجود ايه بى إس مع وجود نظام فرملة قوى معناه ان العجل بيغلق وويمنع الحركة تماما ولكن جسم هيجبر العجل إنه ينزلق بالقصور الذاتى
فى ال abs العجلة هتقفل وتفتح على الطريق
العربية هتكسح بسيط ولكن هتفك فى أجزاء من الثانية وتفضل على الحال دا لحد ما تقف
يعنى عن تجربة شخصية كنت ماشى 90
حصل موقف فجائى ضربت فرامل فجأة حسيت بتخبيط من العجل نفس الأحساس اللى هتحس بيه لو فيه عجلة مش مربوط صواميلها كويس
لكن الأحساس هنا بيقل شوية ودا نتيجة للصدمة بتاع التيل مع العجل وبعدين يفك تانى ويصدمها تانى
فطبيعى انك تحس بغربلة
دا اللى أنا أقصده يا فورميلاتور
يا أستاذ محمد فوزى بالفعل انا قصدى عرفت ازاى الأيه بى أس لأنه تقريبا فى أى موقف فرامل فجائى هيشتغل وتقريبا برضه هتحس بالدقدقة دى فى مواقف الفرملة الشديدة
لكن مثلا نيجى لفيرنا بإيه بى أس هتقف الأول ليه لأنها من غير إيه بى إس مش هتقف خالص الفرامل هتهيس والعربية
ومش هتعرف العربية أساسا رايحة فين
لكن لو إيه بى أس هيروضها شوية
يعنى أنا بتكلم فى حالة أن العربية تكون بتصميمها أساسا عربية ثابتة
الموضوع كله إن دى قوة ولازم نشتتها طريقة تشتيت الإيه بى إس سياسة بتخليك تقف فى مسافة أطول بفارق بسيط مع امكانية التحكم فى الدريكسيون
أما سياسة الفرامل العادية بفرض ثبات العربية العربية تقف فى مسافة أقصر مع عدم أمكانية التحكم فى الدريكسيون نظرا لاحتكاك الشديد
مش فارق للدرجادي الفرامل حلوه من غيرها
الفرامل ال abs بتنفع خالص يالذات في المفاجات والمبارح عرفت قيمتها اكتر كنت مستعجل والدنيا زحمة وشغال بعافر وسط الزحمة وعربيات منتهية الصلاحية اساسا عندنا في الصعيد المهم باخد غرزة تقريبا علي 50-60 مش اكتر من كدا تطلعت من يمين عربية وباخد الغرزة انزل شمال وهب عربية رمسيس سيرفيس راكنة علي اليمين قرر يطلع مع نفسه هوب التاكسي اللي قدامي وكانت عربية داتسون قديمة صاج براميل راح نازل شمال عشان يفاديه كنت انا تقربيا كبوت العربية في مستوي نص الرفرف اللي ورا بتاع التاكسي طبعا الله يسمحه او ينتقم منه (فوضت امري ليك يا رب) كان الباشا سواق التاكسي غالبا مبرشم وبيتكلم في التلفون نزل كله شمال من غير مايبص في المرايا طبعا كبست فرامل ولانه العربية كان الحمل ناحية الشمال العجل قفش وزحفت مع اني طول عمري بضبط رجلي علي الفرامل علي الشعرة يعني مش بكبس للاخر حتي في المواقف الحرجة بس غالبة المرة دي اتخضيت(عليا الطلاق اتخطيت يا حاج كامل) لاني كنت لسه مضبط الفيبر وفوانيس الشبورة وراشش الاكصدام وملمع العربية وانا اساسا بتشأم لما العربية بتكون بتلمع المهم العربية كسحت ولطشة في الرصيف الحمد لله اني في اللحظة اللي لمست الرصيف رفعت رجلي من علي الفرامل ولميت الطارة سنة يمين ودوست تاني طبعا قولت هنزل الاقي العربية مدمرة بس الحمد والشكر لله مليون مرة اتسترت طبعا وقفت بس طبعا بالعرض قفلت علي بتاع التاكسي و السرفيس ونزلت بصيت علي العربية لقيت ريشة من بتوع الجنط يادوب اتجلخت و حرف الكساحة الفييبر مجروح وطبعا ودن الاكصدام اتقطعت والاكصدام فاتح لبرة واللي يحرق الدم بتاع التاكسي قاعد بيكمل مكلمته ومش هنا اصلا وبتاع السرفيس بيقولي فيه ايه خلينا ...حسبي الله ونعم الوكيل...
طبعا لو كان العربية(نيو اكسنت) فيها abs مكنش الكلام ده كله حصل والناس اللي بتقول مش فارقة ده كلام غلط لانه في موقف معين فعلا بتحتاجه(طبهعا ربنا يستر طريق الناس كلها) بس في ناس كتير بجد متعرضش لموقف يدرك فيه قيمة الabs بس اللي جرب عارف قيمته يكفي قدرتك علي المناورة رغم ضغطك الشديد للفرامل وعلي فكرة الabs مش بيطول المسافة بتاعت التوقف ده كلام غلط بالعكس لما العجل بيقفش بيحتك بالارض فبيسخن ويبداء في الاحتراق وطبعا بيصبح اطري بكتير وده بيزود مسافة الانزلاق لاكن لما يوقف ويتحرك طبعا الجزء اللي قفش لف تاني وقفش في حتة جديدة من الفردة وهكذا فبيقلل المسافة مش بيزودها....وبالنسبة للعضو الي بيقول لو عجلة في مياه او رمل او زيت الabs ليه دور بس مش فعال لدرجة اللي هيا اللي فعال جدا في الموضوع ده الebd>>>>
وربنا يحفظ الناس جميعا ويارب ما تتحطوا في موقف تحتاجه فيه abs ولا ebd
عجل ايه اللى بيحترق ... و يطرى لما تفرمل ده .... يمكن قصدك التيل مش العجل
للأسف يا باشا الكلام ده مش صح علميا و عمليا
انا معايا عربيه فيها abs و صحابى كتير
اولا ال ABS فعلا بيطول فتره الفرمله لما بيشتغل ... و الصناع تغلبوا على النقطه دى بأنهم حطوا حساسات متخليش ال ABS يشتغل عمال على بطال ... و الا هيبقى ضرره اكتر من نفعه .... انا سعات بنسى اصلا ان العربيه فيها ABS لانه مبشتغلش الا فى سرعات معينه و بقوه ضغط على الدواسه معينه
ال ABS بيديك ميزه واحده بس و هى القدره على المناوره اثناء الفرمله غير كده ملوش فايده
احمد ربنا ان الموقف اللى انت بتحكيه ده ... عربيتك مفيهاش ABS و الا كنت خيشت لا قدر الله