بيجو 408 2012 أو رينو فلوانس 2013 أو اوبل استرا سيدان 2013

**محمد بدر** · 26-11-2012 10:45 AM

بحثت وانتظرت كثير علشان الهوندا سيفيك 2010 وفشل بحثى مفيش حاجة مرضية بغض النظر عن السعر
وعلشان مش عايز اتعب اكثر من كده فى البحث فكرت ادخل على الزيرو وده ديما طريقى الزيرو
بس مش عجبنى السيفيك 2012
بالأمس شوفت البيجو 408 موديل 2012 بصراحة عجبتنى وسعرها 143 ألف وممكن تقل الف أو الفين فى اماكن ثانية - المشكلة انا حاسس ان ممكن القرار فى شراء البيجو ممكن يكون مجازفة لأنى ميال ليها أكثر من الأوبل والفلوانس ومحتاج مساعدتكم فى هذا الإستطلاع جزاكم الله كل خير

**محمد بدر** · 26-11-2012 07:13 PM

فى ناس كلمتنى ورشحت لى الهوندا سيفيك 2013
اول مرة اشتت بهذا الشكل دائما كان الموضوع مبيطولش اكثر من اسبوع دلوقت الأختيار اصبح صعب
يا اهل الخير انتشلوا اخوكم من هذا التشتت

**A.Adel** · 27-11-2012 03:33 PM

أنا رأيي
opel astra
renault fluence
peugeot 408

لان الاسترا

1.اجدد شكل في ال 3 (ال fluence نزل بره شكل جديد )
2.فتيس 6 سرعات
3.موتور 115 حصان في مقابل 105 لل fluence و 110 للبيجو
4.لو جبت الفئة التانية (cosmo) هتبقى الاوبشانز كويسة جدا
5.اعلاهم في عوامل الأمان ESP و 6 ايرباج

ال 3 اوروبي فسعر اعادة بيعهم قريب
ال 3 مش بتوع جري
ال 3 بيشتغلوا 92 عادي
ال 3 انتشار قطع غيارهم برده قريب

و ربنا يوفقك في اختيارك

**A.Adel** · 27-11-2012 08:34 PM

المشاركة الأصلية كتبت بواسطة blazer

انا راى تبص على الامبريزا الجديده
عربية هتغير احساسك بالقياده
ولو الهوندا سيفيك الشكل الجديد اعتقد لسه هينزل بعد 6 شهور مش قبل كدا
و الاسترا ممتازه برده

أنا موافقك إن عربية مقابل عربية,
الامبريزا في رأيي تكسب و دي مشاركة سابقة ليَّ موضح فيها ليه

http://www.nilemotors.net/Nile/3874654559-post2.html

بس نعمل إيه في السوق العجيب بتاعنا ؟؟
يعني لو ال 3 الاوروبي سعر اعادة بيعهم و انتشار قطع غيارهم معقول
دي اقل كمان منهم

الشكل الجديد ده مش هتلاقي حاجته خااالص بره التوكيل لانه لسة نازل في العالم كله أساسا
بس ممكن تحل المشكلة دي بانك تأمن و تتعامل مع التوكيل بس اتاكد إنه موفر قطع الغيار

عشان كده أنا رشحت الاسترا ,لانها بشكل عام أحسن
متوقع لها انتشار كبير و حاجتها مشتركة مع الاسترا ال hb اللي موجودة أصلا
ما عدا الضهر طبعا

**S O P H O S** · 27-11-2012 08:57 PM

المشاركة الأصلية كتبت بواسطة blazer

انا راى تبص على الامبريزا الجديده
عربية هتغير احساسك بالقياده
ولو الهوندا سيفيك الشكل الجديد اعتقد لسه هينزل بعد 6 شهور مش قبل كدا
و الاسترا ممتازه برده

+11111111
المشكلة بس قطع الغيار والانتشار

**محمد بدر** · 27-11-2012 11:55 PM

اتقدم بالتحية والشكر لكل الساده المشاركين
فعلا" اضفتم لى الكثير
وبعد قرآت مشاركتكم جميعا شايف من وجهة نظرى ان الكفة الراجحة هى فى صف الأوبل استرا
ومضطر اشوفالامبريزا الجديده وخايف ادخل فى حيرة أكبر
وموضوع الهوندا سيفيك شكل جديد دية مفاجئة جديدة بالنسبى لى لأنى اعلم ان الهوندا الشكل الجديد 2012 لسه نازل يعنى ممكن هوندا تغير شكل بعد سنة ؟
والله لو الهوندا هينزل نفس الشكل تانى ل 2010 يبقى اكيد هنفذ من غير تردد .
والرينو فلوانس سمعت عنها وبدون تجربة ان سحبها مش تمام .
والفورد قالوا لازم بنزين 95 ومشكلة عدم الأنتشار انا بخاف منه جدا - يعنى بفضل السيارة واسعة الأنتشار حتى لو بشكل محدود المهم يكون ليها وجود فى الشارع
والبيجو 408 برضوا رغم من وجودها فى المعارض لفترة دامت اكثر من سنة . لسة مش موجدة فى الشارع وموجوده فى المعارض وتقريبا بيدللوا عليها - ده غير 110 حصان ممكن يقلق شوية - والأكثر موضوع ان مصنعها فى الصين وطبعا احنا عرفين ان بيجو ليها تجربة فاشلة فى تركيا
وبما إنى راجل ركيب كورى والحمد الله لى تجارب ناجحة مع الكورى وأول مره اخرج من هذا الثوب - احياننا اتراجع وأقول خليك فى الإلنترا ولاكن الواحد كان بيفضل الكورى علشان سعره كان مناسب بس طبعا دلوقتى الأسعار ارتفعت جدا والإلنترا وصلت لـ 170.000 جنيه - ومن المميزات إللى بتشتت التفكير انك لو حبيت تبيع الكورى بعد شهرين من إستلامها واستخدامها الخسارة هتبقى قريبة
فى الآخر احب اعتزر على الإطالة وارجوكم اعذرونى
لإنى فهلا مشتت جدا
وبشكركم للمرة الثانية والثالثة والعاشرة على مشاركتكم ربنا يجعل هذا فى ميزان حسناتكم