عرض للطباعة
الاخوة الافاضل
عندي افيو 2010 جير عادي
وعملت قبل كده صيانة الـ 15 الف كيلو
والان العربية عاوز اوديها تتعمل صيانة الـ 20 الف كيلو
انا مش موجود بمصر الان
وخليت صديق يتصل بالتليفون بمركز صيانة منصور الى اول طريق مصر اسكندرية
قال انها تتكلف في حدود 900 جنيه
مش المبلغ كثير ولا ايه .... وايه المفروض يتغير بالعربية ...؟
ارجو الافادة
حيث انه لاتوجد اي شكوى من العربية فقط الصيانة العادية وتغيير زيت موبل ون
:U_thin1[1]:
انا لما عملت صيانة ال20 الف غيرت حاجات غير الزيت و فلتر الزيت ... زى مثلا تيل الفرامل و فلتر الهواء و فلتر البنزين و البوجيهات
لان فى حاجات ممكن تتغير قبل اللى مكتوب فى جدول الصيانة (بالكيلومتر) لو مشيك بالعربية مش كتير ... او لو البنزين اللى بتحطه مغشوش من المحطة فبيقصر عمر البوجيهات زى ما حصل معايا ...
و كانت الفاتورة كالاتى :
مصنعية 180
زيت موبيل 5000 122
فلتر زيت 20
فلتر هواء 50
فلتر بنزين 63
تيل فرامل 190
بوجيهات 55
اسبراى تنظيف 25
مزيل صدا 18
الاجمالى كان تقريبا 817 جنيها
شكرا جزيلا دكتور عصام تقبل تحياتي