حد يعرف منطقة صن مول (مول القوات المسلحة) بزهراء مدينة نصر ويقوللى تفاصيلها
أنا شفت العمارة المطلة مباشرة على المول فما هى مميزات وعيوب المنطقة دى وأسعارها علما بأن العمارة اللى شفتها أول نمرة على شارع الميثاق وتطل على باركنج الصن موول
وياترى أخبار المرافق ايه لإن المنطقة دى مفيهاش تراخيص وازاى أتأكد من أوراق الملكية وشكرا لكم
متابع ومنتظر وياريت لو حد يعرف حد ساكن هناك يسألهولى وشكرا لكم
متابع
صن مول بزهراء مدينة نصر بجانب نقطة الزهراء لسه مفتوح جديد انا مش فاهم العمارات اللى حضرتك بتتكلم عليها هل هيه امامه و لا خلفه.اقتباس:
المشاركة الأصلية كتبت بواسطة alrabeh
بص حضرتك فيه عمارة أول نمرة خلف باركنج السيارات الخاص بالمول واسمه برج الأندلس يعنى بيبص على شارع الميثاق والباركنج
وأمامه مسجد على الناحية التانية من شارع الميثاق
بص هى المنطقه اللى هناك دى كلها قلق, بسبب عدم وجود التراخيص و طبعا مش حيكون فيه مرافق .
انا من راى بلاش الحته دى او اتاكد من وجود التراخيص, انا خالى واخد عند السلاب ومن كام سنه ومش عارف يعمل فيها حاجه خالص, بالاضافه ان البناء بتاعهم تعبان جدا (على حسب خالى بيقولى السقف مقوص من فوق) يعنى مش مدين الصبه بتاعة السقف حقها خالص.
حاول تشوف مساكن الظباط هناك , حيكون سعرها اكتر شويه بس مضمونه, والله المستعان.
متابع
أظن هو يقصد العمارات اللى خلف المول مباشرة و أظن من تصميمها الموحد إنها تبع الجيش يعنى أكيد مستوفية الإجراءات و فيها كل المرافقاقتباس:
المشاركة الأصلية كتبت بواسطة ahmed_selmy
شكرا للإخوة الأفاضل اللى قاموا بالرد أعزكم الله
حأحاول أوصفلكم تانى المكان وهو ان وأنا جاى من سوق السيارات بيبقى صن مول على شمالى بأعمل يو تيرن وأرجع بألاقى فيه عمارت قبل المول لونها برتقالى او طوبى مش فاكر ولما تخلص العمارات دى تلاقى على طول شارع على ناصيته مكان لركن السيارات خاص بالمول
لو دخلت الشارع ده يمين الميثاق حتلاقى مدخل على شمالك لمكان الركن ده وبعديه مباشرة برج لم يكتمل حوالى خمس ادوار بيطل على مكان ركن السيارات
أرجو ان تكون الوصفة وضحت ولما تقف فى بلكونة العمارة بتبص على الباركنج وشارع الميثاق وفيه جامع على الناحية التانية من الميثاق
علما بأن آخر سعر وصلتله 2000 جنيه قسط و 1800 كاش
حضرتك اسال المالك هل فى تراخيص ولا بنا من غير تراخيص؟
لو من غير تراخيص يبقى اخلع احسنلك
من غير تراخيص والمنطقة كلها من غير تراخيص بس دى ميزتها انها بتبص على شارع الميثاق الرئيسى والمول
بص الحته دى فيها عمارات سليمه و عمارات مش سليمه يعنى بتفرق فى المقاول او صاحب الارض اللى بيبنى يعنى فى ناس فى المنطقة دى معروفين انهم مقاولين كويسين و فى مقاولين نصابين يعنى ممكن يبيع الشقه كذا مره اه و اللهى على العموم هسألك هوه فى واحد مشهور فى الحته دى انه نصاب هبقى اعرفلك اسمه و ابلغك ان شاء الله.و هبقى اعرفلك مين المقاولين الكويسين و هقولك.
جزاك الله خيرا ومعلش حأتعبك
هو البرج اسمه الأندلس
طيب هل سؤال الحى حيفيدنى فى حاجة ولا حيضللونى فى الإجابة وفين مكان الحى
حى مدينة نصر عند مسجد نورى خطاب فى مصطفى النحاس و انت طالع على قسم تانى و المدينه بتاعة جامعه الازهر و امن الدوله
المفروض يفيدوك ... خد معاك صور لاى ورق ليه علاقه بالمكان او على الاقل وصف تفصيلى للمكان و العنوان و يحبذ لو صوره من المكان على جوجل مابس عشان يعرفو انهى مكان ... بس انا مش فاهم الحى هيقولك ايه؟ ماهو انت بتقول مفيش تراخيص فبالتالى الحى مش هيكون عارف اى حاجه رسميا؟
الحى مش حيقولك حاجه فعلا علشان مفيش تراخيص, بالسعر اللى انت بتول عليه دا ممكن تلاقى حاجه لسه بتتبنى بتكون فى حدود 2500 جم للمتر فى المنطقه التاسعه وفيها تراخيص ومرافق وكل شى , خليك فى المضمون افضل , ومتنساش الاستخاره
نصيحة يا فندم بالش انا ساكن في الزهراء في عمارات الضباط العمارات دي كانوا هيزيلوها قبل كده ده غير ان ورا حضرتك العزبة و المستوي مش قد كده خالص حضرتك لو تحب يبقا عمارات الضباط افضل خصوصا ان العمارات اللي جنب المول بدون ترخيص و اي استفسار انا تحت امرك
الف مليون شكر لكل من ساعدنى وتفضل بالمشاركة ولو حد عنده معلومة اضافية أرجو ألا يبخل على
مش عارف الى ممكن أفيدك بيه
بص أنا ساكن فى الواحه و كل معلوماتى عن زهراء مدينه نصر أنى بشوفها وأنا رايح الشغل
فى مساكن محترمه و ديه مساكن الظباط أنما غير كده فى مساكن تانيه شكلها غريب و معظمهم طلعوا بسرعه بعد الثوره
كمان الشوارع الداخليه ضيقه جدا ,تخيل بقى لما كل العمارات ديه تسكن حتلاقيها قلبت عشوائيات (بغض النظر عن هيه مترخصه ولا لأ)
عشان تسال على العماره اعتقد مش فى الحى بتاع م.نصر تروح جهاز القوات المسلحه لان الاراضى دى بيتعملها عقد اسمه عقد تقنين بين المقاول او صاحب الارض والجيش ومعتمده لانى انا ساكن فى شارع السلاب وده اللى عملته
اخدت الورق بتاع الارض واديته للمحامى واتاكد انه سليم ودلوقتى كل المرافق شغاله من كهرباء ومياه واسانسير
انت تاخد نسخه من الورق ده لو معاه وتسال على مكان جهاز القوات المسلحه ده فين لانى مش انا اللى رحته
لو مش معاه ورق يبقى انسى ماتكملش
انا ابن عمى نزل مره اتفرج لوحده وناس اكلت دماغه وانا بعديها رحت لقيت برج كبيييييييير جدا عدد الشقق فى الدور
اكتر من 15 شقه وكان طالع فى دماغه يشترى لانها رخيصه واما نزلت للمكتب بتاعهم لقيتهم عاملين منظر وكل واحد قاعد قدام لاب توب هو مش عارف انه لاب اصلا وشكلهم حشاش اساسا بعد ما خرجت مش هاقولك بقى عملت ايه
فى ابن عمى عشان ماتوقفش من المنتدى
وانا تحت امرك فى اى حاجه
اقتباس:
المشاركة الأصلية كتبت بواسطة tmhami
شكرا لرد سيادتك
بالفعل الشوارع الداخلية عشوائيات ولذلك اخترت هذه العمارة لأنها أول عمارة على الشارع وبتبص على الميثاق والمول مباشرة
فعلا كده ده اول الطريق فعلااقتباس:
المشاركة الأصلية كتبت بواسطة salahlanser
كتر الف خيرك ، حفظك الله
سأتصل بيه وأسأله على الموضوع ده