راى فى كارينز 2013 بعد حوالى 150 كم

**mido_a_s** · 26-11-2012 07:01 PM

السلام عليكم
حبيت اقلكم على الحاجات الكويسة والحاجات الى ما عجبتنيش فى الكارينز 2013 يمكن تنصحونى بحاجة
اولا - انا عربيتى 2013 اول فئة اتوماتيك
المزايا :
1 - عفشة ظريفة
2 - التسارع محترم جدا
3 - العربية طبعا واسعة جدا
4 - استهلاك البنزين فى راى معقول جدا الى الان
5 - وظائف التابلوه بسيطة وما تتوهش
العيوب:
1- اكبر عيب فعلا ان السماعات زبالة وصوتها وحش جدا ولغاية دلوقتى انا مجربتش غير الراديو لسه محطتش سديهات
2 - العربية واطية فعلا ولازم تاخد بالك فى المطبات المعقربة ( وبالمرة كنت عاوز اسال اذا كانت العربية مصفحة من تحت ولا لا؟)
3 - الاستبن اصغر من بقية الجنوط !!!!
4- الابعاد بتاعة العربية لسه غريبة عليا شوية وبالذات فى الركن (لكن بصراحة المرايات بتاعت العربية ممتازة والنقط العمياء فيها اظن قليلة جدا .
ده مبدأيا والخلاصة انى فرحان بيها والعربية حلوة جدا

**Hosam_Optrawy** · 26-11-2012 07:22 PM

ربنا يباركلك فيها وفى انتظار تقييمك بعد فتره من الاستخدام

**Ahmed_Adham** · 26-11-2012 08:59 PM

المشاركة الأصلية كتبت بواسطة mido_a_s

السلام عليكم
حبيت اقلكم على الحاجات الكويسة والحاجات الى ما عجبتنيش فى الكارينز 2013 يمكن تنصحونى بحاجة
اولا - انا عربيتى 2013 اول فئة اتوماتيك
المزايا :
1 - عفشة ظريفة
2 - التسارع محترم جدا
3 - العربية طبعا واسعة جدا
4 - استهلاك البنزين فى راى معقول جدا الى الان
5 - وظائف التابلوه بسيطة وما تتوهش
العيوب:
1- اكبر عيب فعلا ان السماعات زبالة وصوتها وحش جدا ولغاية دلوقتى انا مجربتش غير الراديو لسه محطتش سديهات
2 - العربية واطية فعلا ولازم تاخد بالك فى المطبات المعقربة ( وبالمرة كنت عاوز اسال اذا كانت العربية مصفحة من تحت ولا لا؟)
3 - الاستبن اصغر من بقية الجنوط !!!!
4- الابعاد بتاعة العربية لسه غريبة عليا شوية وبالذات فى الركن (لكن بصراحة المرايات بتاعت العربية ممتازة والنقط العمياء فيها اظن قليلة جدا .
ده مبدأيا والخلاصة انى فرحان بيها والعربية حلوة جدا

التسارع هيقل بنسبه 20-25% لما تشغل التكييف في الصيف. عشان متتخضش وقتها. بس لو سواقتك هاديه الموضوع ده مش هيفرق معاك ولو عايز تشد شويه ابقى سوقها مانيوال وهتحس بفرق ايجابي في السحب.

السماعات مش وحشه خالص. شغلها على سيديهات أو usb أو mp3 وظبط اعدادات الصوت وهتبقى تمام. خد بالك كل مصدر صوت له اعدادات منفصله يعني الراديو غير السي دي غير ال usb غير ال aux.

بالنسبه للارتفاع. لازم تتابع ضغط العجل مره كل اسبوع أو اسبوعين. خلى العجل على 35 هوا على البارد يعني تكون لسه طالع من البيت على المحطه ومتزودش العجل وانت جاي من مشوار والعجل سخن لأنه هينزل تاني لما العجل يبرد.

الاستبن صغير عشان موجود تحت الشنطه مش جواها وخد بالك هوه معمول عشان يبقى مؤقت بأي حال ولازم تبقى عارف ان لو الاستبن راكب أخرك في السرعه 80 ومتمشيش عليه مسافات طويله.

فعلا العربيه ضخمه شويه بس لما تتعود عليها هيبقى الركن سهل خصوصا ان المرايات كبيره. خد بالك ان وسع العربيه دي ادمان يعني بعد ما تتعود عليها وتركب بعد كده عربيه سيدان هتحس انك مزنوق حتى لو العربيه واسعه ودي مشكله عشان لو حبيت في يوم تغير الكارينز مفيش حاجه تانيه هتملا عنيك.

ربنا يباركلك فيها ولو فيه أي استفسار أنا معاك.

**S O P H O S** · 26-11-2012 09:05 PM

ربنا يبارك يا باشا
انا شايف ان العيوب مش جوهرية ..

**mohamed_selim** · 27-11-2012 10:05 AM

المشاركة الأصلية كتبت بواسطة mido_a_s

السلام عليكم
حبيت اقلكم على الحاجات الكويسة والحاجات الى ما عجبتنيش فى الكارينز 2013 يمكن تنصحونى بحاجة
اولا - انا عربيتى 2013 اول فئة اتوماتيك
المزايا :
1 - عفشة ظريفة
2 - التسارع محترم جدا
3 - العربية طبعا واسعة جدا
4 - استهلاك البنزين فى راى معقول جدا الى الان
5 - وظائف التابلوه بسيطة وما تتوهش
العيوب:
1- اكبر عيب فعلا ان السماعات زبالة وصوتها وحش جدا ولغاية دلوقتى انا مجربتش غير الراديو لسه محطتش سديهات
2 - العربية واطية فعلا ولازم تاخد بالك فى المطبات المعقربة ( وبالمرة كنت عاوز اسال اذا كانت العربية مصفحة من تحت ولا لا؟)
3 - الاستبن اصغر من بقية الجنوط !!!!
4- الابعاد بتاعة العربية لسه غريبة عليا شوية وبالذات فى الركن (لكن بصراحة المرايات بتاعت العربية ممتازة والنقط العمياء فيها اظن قليلة جدا .
ده مبدأيا والخلاصة انى فرحان بيها والعربية حلوة جدا

1- محستش بموضوع السماعات ده ... يمكن محتاج تظبط الاعدادات ؟
2- هو الجنط عندك كام؟ عندى جنط 16 و عادى ... يعنى فى مطبات كتير بعديها عادى و قدامى عربيات لازم تاخدها بالورب ... هو عامة العربيه مش واطيه ... هى المسافه بين العجله الامامى و الخلفى كبيره فبتخليك تنزل قدام من على المطب قبل ما تطلع من ورا فبيخليك تحك لو المطب عالى شويه ... لو المطب معمول صح مش هتحك

**mastr_n** · 27-11-2012 11:01 AM

[justify]

عقبال 150 الف كيلو ان شاء اللة
بصراحة سوقتها مرة واحدة بس وفى وسط البلد ومع انى راكب سيراتو
بصراحة أتعودت على ابعادها علطول
مع انى بصنفها من فئة العربيات ال van بس مرايتها كبيرة
وشوية بشوية هاتركنها وانت بتتكلم فى التلفيون كمان ماتقلقش هية مسألة تعود بس

[/justify]

**mido_a_s** · 27-11-2012 01:29 PM

المشاركة الأصلية كتبت بواسطة ahmed_adham

التسارع هيقل بنسبه 20-25% لما تشغل التكييف في الصيف. عشان متتخضش وقتها. بس لو سواقتك هاديه الموضوع ده مش هيفرق معاك ولو عايز تشد شويه ابقى سوقها مانيوال وهتحس بفرق ايجابي في السحب.

السماعات مش وحشه خالص. شغلها على سيديهات أو usb أو mp3 وظبط اعدادات الصوت وهتبقى تمام. خد بالك كل مصدر صوت له اعدادات منفصله يعني الراديو غير السي دي غير ال usb غير ال aux.

بالنسبه للارتفاع. لازم تتابع ضغط العجل مره كل اسبوع أو اسبوعين. خلى العجل على 35 هوا على البارد يعني تكون لسه طالع من البيت على المحطه ومتزودش العجل وانت جاي من مشوار والعجل سخن لأنه هينزل تاني لما العجل يبرد.

الاستبن صغير عشان موجود تحت الشنطه مش جواها وخد بالك هوه معمول عشان يبقى مؤقت بأي حال ولازم تبقى عارف ان لو الاستبن راكب أخرك في السرعه 80 ومتمشيش عليه مسافات طويله.

فعلا العربيه ضخمه شويه بس لما تتعود عليها هيبقى الركن سهل خصوصا ان المرايات كبيره. خد بالك ان وسع العربيه دي ادمان يعني بعد ما تتعود عليها وتركب بعد كده عربيه سيدان هتحس انك مزنوق حتى لو العربيه واسعه ودي مشكله عشان لو حبيت في يوم تغير الكارينز مفيش حاجه تانيه هتملا عنيك.

ربنا يباركلك فيها ولو فيه أي استفسار أنا معاك.

انا متشكر جدا لمشاركتك المفيدة وكنت عاوز اسال حضرتك فى كام حاجة:
1 - انا لسه هجرب السماعات فى اى حاجة غير الراديو وهجرب اظبط الاعدادات واقلكم على راى فى ساعتها .
2 - موضوع الاطارات وظبطها اول ما طلعت من التوكيل قالولى اظبطها على 30 !! مش 35 بس الى قالى كده كان مندوب المبيعات فايه رأى حضرتك ؟
3 - لو فى حاجة مهمة اسال عليها او اظبطها فى صيانة الالف كيلو يا ريت حضرتك تقولى عليها
4 - هو انا بعد صيانة اول الف كيلو المفروض بعمل صيانة كل قد ايه ؟؟ وبتكلف كام فى اول مرة والمرات الى بعد كده لو هعمل العادى؟
5 - ايه رايك لو انا ركبت الاكصدامات النيكل من ورا وقدام ...هل ده بيأثر على العربية ..وسعرهم تقريبا قد ايه؟

**mido_a_s** · 27-11-2012 01:34 PM

المشاركة الأصلية كتبت بواسطة mastr_n

[justify]

عقبال 150 الف كيلو ان شاء الله
بصراحة سوقتها مرة واحدة بس وفى وسط البلد ومع انى راكب سيراتو
بصراحة أتعودت على ابعادها علطول
مع انى بصنفها من فئة العربيات ال van بس مرايتها كبيرة
وشوية بشوية هاتركنها وانت بتتكلم فى التلفيون كمان ماتقلقش هية مسألة تعود بس

[/justify]

شكرا لحضرتك خالص

المشاركة الأصلية كتبت بواسطة s o p h o s

ربنا يبارك يا باشا
انا شايف ان العيوب مش جوهرية ..

ده حقيقى العيوب مش جوهرية ابدا وقدامها مزايا خرافية

المشاركة الأصلية كتبت بواسطة new_man

عربيه محترمة جدا واللى مركبهاش معرفش يعنى ايه انك قاعد فى عربيه نقل من الوسع بتاعها
فعلا هى اكبر عربيه عائليه ممتازة شكلا وامكانييات وسعرا كمان
صفقه رابحه بكل المقاييس
ربنا يباركلك فيها بجد

شكرا لحضرتك

المشاركة الأصلية كتبت بواسطة hosam_optrawy

ربنا يباركلك فيها وفى انتظار تقييمك بعد فتره من الاستخدام

الف شكر لحضرتك

**Ahmed_Adham** · 27-11-2012 07:17 PM

المشاركة الأصلية كتبت بواسطة mido_a_s

انا متشكر جدا لمشاركتك المفيدة وكنت عاوز اسال حضرتك فى كام حاجة:
1 - انا لسه هجرب السماعات فى اى حاجة غير الراديو وهجرب اظبط الاعدادات واقلكم على راى فى ساعتها .
2 - موضوع الاطارات وظبطها اول ما طلعت من التوكيل قالولى اظبطها على 30 !! مش 35 بس الى قالى كده كان مندوب المبيعات فايه رأى حضرتك ؟
3 - لو فى حاجة مهمة اسال عليها او اظبطها فى صيانة الالف كيلو يا ريت حضرتك تقولى عليها
4 - هو انا بعد صيانة اول الف كيلو المفروض بعمل صيانة كل قد ايه ؟؟ وبتكلف كام فى اول مرة والمرات الى بعد كده لو هعمل العادى؟
5 - ايه رايك لو انا ركبت الاكصدامات النيكل من ورا وقدام ...هل ده بيأثر على العربية ..وسعرهم تقريبا قد ايه؟

2- ولا كلامي ولا بتاع المبيعات. افتح باب السواق هتلاقي على القايم ستيكر ضغط الهوا هيقولك 33 لو التحميل بسيط و 35 لو التحميل كتير (يعني العربيه بيبقى فيها 3-5 ركاب) وأنا شخصيا بعملها على 35 على طول لأن ممكن في أي وقت العربيه يبقى فيها ناس كتير ولو الضغط منخفض هتحك في أي مطب. لكن 30 دي حاجه كده افتكاسه ونتيجه المشي على ضغط منخفض ان العربيه سحبها بيقل وبتستهلك بنزين أكتر وبتنحل في الكاوتش بمعدل أكبر.

3- مفيش حاجه معينه. هما بيظبطولك عفشه العربيه وبيغيرولك الزيت وفلتر الزيت. لازم تعمل أول صيانه على الاقل في التوكيل عشان تفعيل الضمان.

4- بعد ال الف فيه 10 تلاف وكل واحده فيهم ب 320-380 جنيه مش فاكر الرقم بالظبط. وبعد كده كل 10 الاف فيه صيانه وممكن بينهم كل 5 الاف تروح تعمل التشييك المجاني يعني على 5 الاف و 15 الف و25 الخ الخ. دي بتبقى تشييك على العربيه ومفيهاش تغيير زيت ومفيهاش دفع فلوس.

5- مرشحلكش الدفندرات دي لأنها بتركب في الشاسيه وأي خبطه فيها هتسمع في الشاسيه. كده كده الاكصدامات وظيفتها انها تتجرح وتتخربش وتتخبط فخليها تعمل وظيفتها.