الموضوع: رأي واحد مبيفهمش حاجه عن الManagement في باسم يوسف وCBC اللي هو أنا !!!!

المشاركة الأصلية كتبت بواسطة ahmed a rahman

رأي واحد مبيفهمش حاجه في ال management
اللي هو أنا :)
باسم يوسف وقناة cbc

القناة فعلا بتهبط وفعلا بتقع ولو اتسابت كده حتروح مكان المحور ما راحت.
بالمناسبة حد فاكر المحور ؟؟؟؟
كل الناس عارفه انها قناة فلول
ايه الحل ؟؟؟؟؟
تعالوا نحلل كل prespective بتاع كل واحد

1. مذيعين دماغتهم جزمة والهجوم على الثورة كبرهم وبعدها الهجوم على الاخوان كبرهم اكتر
هما اصلا عارفين ان اللي شهرهم هي الشتيمة في التيار الاسلامي عموما
وبالتالي يبقى عبط اني اتخيل ان في يوم لميس الحديدي حتبطل شتيمه فيهم
ومن الهطل اني اطلب من عماد اديب انه يبطل نفاق

2. صاحب قناة كل همه الrevenues او العائد السنوي وده بييجي من خلال الاعلانات ومنها بتيجي فلوس شرا كل المسلسلات زي ما حصل رمضان اللي فات
وعلى فكرة مش غلط انه بيهتم بالفلوس الغلط انه يهتم "بس" بالفلوس

3. باسم يوسف , طبيب محبوب بين الناس, جراح قلب واشتغل في كليفلاند
يعني اكيد board certified
يعني بالعربي لو كل اللي بيعمله باظ
اول تذكرة على اي بلد عربي ومش حنقول امريكا كمان
مرتب البورد certified في السعودية مبيقلش عن 70 ريال في الشهر
ريال على فكره مش جنيه
عملية واحدة يعملها كل شهر تعيشه ملك
بس فيه مشكلة واضحه : انه بيحب الاعلام (مش حنقول عليها نقطة ضعف بس حنسميها "مدخل" ندخل بيه ونتفاوض مع باسم)

واضح كده ان القناة ريحتها فاحت
وواضح ان عائداتها في النازل
تخيل لو كل عيلة فيها ثورجي وقاعدين بيتفرجوا على التليفزيون حيحول القناة على طول
وبالتالي انهيار لعائدات الاعلانات وسقوط للقناة !
نعمل ايه؟؟؟؟

إعمل زي . أنا جاتلى حالة قرف من كل اللى بيتذاع . كلهم كلهم بلا إستثناء حتى قنوات الإخوان و السلفيين تفرغوا للحرب على بعضهم و ناسيين مشاكل الناس .
متصورين إن مشاكل الناس هى الديموقراطية و التوافق و الحوار و الهبل اللى فى دماغتهم و ناسيين إن الغرب لم يصل لهذه المرحلة إلا بعد عشرات السنين بل قرون من المعاناة على مستوى المواطن الأوروبى.

مثال صغير : هل يعتقد أحد أن الست الفلاحة اللى بتغسل المواعين فى الترعة أو جوزها المزارع أو العامل اللى بيشقى علشان يججيب تمن أكل بيته يفرق معاهم الحوار و التوافق أو حتى الدستور نفسه و لا مين يحكم و لا سيطرة تيارات ليبرالية أو إسلامية . الناس اللى زى دى 70 % من الشعب المصرى اللى للأسف بيستغلوا جهله أو فقره فى صراعاتهم.

من الآخر إعمل زى و فكك من كل ده . مالها النايل كوميدى و ميلودى أفلام