سيارتي الجديدة هيونداي سنتافي 2012

**محـمد عادل** · 29-11-2012 07:53 AM

بسم الله ماشاء الله

الف مبروك ياباشا

**Ahmed_Adham** · 30-11-2012 08:02 PM

قرت خبر النهارده في اهرام السيارات انها نزلت مصر عند غبور بس مقالوش تمنها كام. أعتقد انها في فئه تويوتا الفورتشنر؟ بصراحه لو فوق ال 300 الف الواحد يجيب بي ام 320 أحسن ولو انها فئه تانيه بس حرام الواحد يدفع 300 الف في عربيه هيونداي.

ياريت صاحب الموضوع ميزعلش مني أنا عارف ان العربيه في الخليج تقريبا بنص سعر هنا وبالتالي تكون صفقه رابحه لكن اللي هنا نص سعرها جمارك.

**د.محمود صلاح** · 30-11-2012 08:27 PM

في كونتاكت كارز مكتوب 535 الف للشكل الجديد 2013 وطبعا السعر ده اشتري بيه حاجات تاني افضل بكتييير ..

**Mohab.Nabil** · 30-11-2012 10:05 PM

المشاركة الأصلية كتبت بواسطة Ahmed_Adham

ده على كده تبقى ال بي ام x3 اختيار أفضل. نص مليون في هيونداي؟ هموت من الخضه.

على فكرة الاسعار ديه نتاج منطقى لنسبة جمارك ( مقدرش اقول عليها غير هبل ) 250% فتلاقى العربية تمنها 3 او 4 اضعاف دا طبعا مع الجنيه التعبان بتاعنا

و البى ام و المرسيدس فوق الـ 1600 لو كانوا مش بيتجمعوا هنا مكانش انتشارهم بقى 1/100 من الانتشار بتاعهم دلوقتى .. مثلا كنا هنلاقى الفئة الخامسة داخلة فى 2 مليون

**Ahmed_Adham** · 01-12-2012 03:33 PM

المشاركة الأصلية كتبت بواسطة mohab.nabil

و البى ام و المرسيدس فوق الـ 1600 لو كانوا مش بيتجمعوا هنا مكانش انتشارهم بقى 1/100 من الانتشار بتاعهم دلوقتى .. مثلا كنا هنلاقى الفئة الخامسة داخلة فى 2 مليون :copy of m-s5:

وقول برضه ان لو مفيش تجميع هنا ومفيش جمارك كانت الفئه التالته مثلا هتبقى بين 150-180 الف والخامسه 250-300 كده.