انا اشتريت e30 يا رجالة .. باااااااركولي
الحمد لله يا شباب .. انا استلمت العربية انهاردة .. واول مرة في حياتي بركب بي ام
هي e30 m40 316 موديل 1990
مع ان موتورها خفيف شوية .. لكن بصراحة ركوبة .. والباور مع الثبات بتاعها مخليني اخد الملفات وانا علي سرعة من غير ما ادوس فرامل .. ومش حاسس بخوف
الحمد لله ان الواحد لقي حالة نضيفة .. وغيرت البطارية بجديدة راح الكاسيت طلب مني كود .. لانه الكاسيت اﻻصلي .. بس الحمد لله ﻻقيت الكود في ورق الكاسيت في التبلوم
موقف غريب حصللي .. اول ما استلمتها روحت للكهربائي اشوف موضوع البطارية .. واحد صنايعي جنبه جه وقف معانا ويسالني .. مش للبيع العربية دي؟
قولتله ﻻ والله .. يرد عليا يقوللي عايز فيها كام ؟ يا عم مش للبيع .. طب افتح الكبوت كدة يا باشا .. خليت الكهربائي يمشيه بالعافيه هههههه
باركولي يا شباب .. ويارب كل اللي نفسه في حاجة يﻻقيها يارب .. لاني مﻻحظ والحمد لله ان العربية دي بالذات بقي عليها طلب اليومين دول كتير
خالص تحياتي
