هل طبيعى ان جنوط العجل الأمامى تسخن؟؟ لدرجة انها بتلسع اليد لو لمستها بس دة لو ماشى جوة البلد فى الطرق الطوالى بتبقى باردة هل عندى مشكلة فى الفرامل رجاء النصيحة انا فليشياوى جديد فى العربية 128 اللى بعتها مكنش الجنط بيسخن ابدا !!!!
عرض للطباعة
هل طبيعى ان جنوط العجل الأمامى تسخن؟؟ لدرجة انها بتلسع اليد لو لمستها بس دة لو ماشى جوة البلد فى الطرق الطوالى بتبقى باردة هل عندى مشكلة فى الفرامل رجاء النصيحة انا فليشياوى جديد فى العربية 128 اللى بعتها مكنش الجنط بيسخن ابدا !!!!
عندى لما اكون جاى من مشوار طويل بتكون سخنه اوى لدرجه انها لسعتلى ايدى مره
بس فى الطرق الزحمه مجربتش اشوفها سخنه ولا لا
ان الجنط يسخن ده امر طبيعي نظرا لانه جزا من الجزاء الدوارة - المتحركة - مش ثابت فبالتالي السخونة بتكون شكل من اشكال تحول الطاقة
كون الجنط بيسخن قوي فده معناه ان في عامل إضافي غير طبيعة الحركة وهنا ممكن تشك في:
الفرامل : بمعنى انها تكون قافشة او ان الماستر مش بيرد التيل لمكانه فيفضل التيل في وضع احتكاك مع الطنبور وبالتالي توليد حرارة عالية من الاحتكاك وممكن كمان التيل مش متثبت كويس في مكانه يعنى من الاخر الميكانيكي لازم يفحص التيل وتقولنا لو في حاجة عير كده
او بلية العجل : يعنى لو في خشونة ومحتاجة تتغير هاتولد برضه حرارة خصوصا لو الشحم اللي عليها مش موجود بس ده لازم يصاحبه صوت مزعج مع سير العربية و مش بيولد حرارة كبيرة قوي كده
احيانا الضغط العالي للاطارات يولد سخونة بس مش بطريقة كبير
وياريت لو حليت المشكلة تقولنا لقيت ايه بالظبط
انا هحاول ابعد عن جزئية الحراره و الموضوع ده لانى كل طريق و ليه نظامه يعنى طريق طوالى و ماشى حلو و مفيش فرامل كتيير يبقى تمام ممكن طريق زحمه و كل شويه بدوس فرامل يبقى فى حراره
المهم انا عاوزك تعمل تست بسيط او اختبار بسيط و اعمله بنفسك و قولى علشان انا شكك فى حاجه
انتا حضرتك بعد ما تعمل المشوار بتاعك و انتا قبل ما تركن خلى العربيه دايره عادى و انتا منزل الهند بريك وزوق العربيه و شوفها هتمشى معاك و له محجره ده اهم حاجه
جرب و تستت كده وقولى و انا متابع
منتظرك بس اهم حاجه بعد المشوار و هى سخنه مش برده لالالالالالالا
ربك المستعان
متابع باهتمام
لو فىالجنط الى ورا ممكن يبقى الرجلاش زيادة حبتين روح لحد يخفة شوية
الجنوط الحديد طبيعى جدا انها بتسخن وخاصه لو بتجرى جامد
الامنيوم مش بيسخن لان معدل فقد الحرارة فيه اعلى من الحديد الى بيحتفظ بحرارته فترة اطول
روحت للميكانيكى وخليته يسحب شوية زيت من الأربع عجلات انا كنت مغير زيت الفرامل من حوالى شهر من dot3 الى dot 4 الزيت الأصلى للعربية بعد مانزل شوية زيت من العجل وزودت الزيت حرارة الجنوط بقت سخنة بس مش بتلسع فى مشاوير جوة البلد وطبعا باردة جدا فى السفر زى ماكانت والحمد لله الميكانيكى قللى دة الطبيعى للفليشيا !!!