أنا عاوز أسأل هو المكان ده أو الشارع في حتة بيئة ولا لأ ... أصل أنا سمعت إن في منطقة جامب ميدان المحكمة بيئة أو شعبية يعني ف أنا كنت عاوز أتأكد لو شارع أسوان في حتة بيئة أو شعبية ولا لأ و شكراً
عرض للطباعة
أنا عاوز أسأل هو المكان ده أو الشارع في حتة بيئة ولا لأ ... أصل أنا سمعت إن في منطقة جامب ميدان المحكمة بيئة أو شعبية يعني ف أنا كنت عاوز أتأكد لو شارع أسوان في حتة بيئة أو شعبية ولا لأ و شكراً
لا خالص منطقة عادية
هة بس مشهور عشان فيه عيادات ومحلات
لا شارع اسوان بيئه ولا حوالين المحكمه في حته بيئه
وبعدين ايه تعريفك للحته البيئه؟
ماهي طالما ساكنها مصريين بأخلاقهم الرفيعه حتبقي طبعا بيئه
شارع عادى جدا
بس فى شويه محلات ومخزن لكوكاكولا وكام ورشه كده للعربيات بس قليل حدا
بش شارع عادى جدا والله انا غارف الشارع كويس كان شغلى فى الشارع اللى وراه وانا اصلا ساكن فى مصر الحديده
هى المشكله انك هتتخيل شارع فى مصر الجديده بس هو شارع عادى زى اى شارع فى القاهره ... مختلف عن معايير مصر الجديده اللى هتيجى فى بالك اول ما تسمع ان الشارع فى مصر الجديده ... بس فى نفس الوقت مش حاره او منطقه شعبيه
هوا فعلا شارع عادي ولا هو بيئة ولا كلاس ...انا ليا قرايب ساكنين هناك ومن زمان ممكن حضرتك تقولي مكان سكن البنت بالظبط ع الخاص وممكن تطلع الدنيا صغيرة ويطلعوا عارفينها واديلك :)
او تطلع قريبتك :))))))))
ربنا يوفق الجميع للخير ان شاء الله
هو اما عمارت الشريف اللة هو شارع ابو قير ده حته شعبيه من عزبه المسلمين ( القرود سابقا ) لكن هو فى المجمل من شارع بيروت لشاع ابو الصديق - الجابت الشمال اللى هو فى عمرا الشريف تبع الجزء من مصر الجديده على المين هو الجزء تبع العزبه
هو ايه علاقة مكان شعبى او لا بالجواز يعنى اللى متربى فى مكان شعبى يبقى شخص مش كويس وبيشرب مخدرات مثلا اما اللى متربى فى مكان هاى وراقى يبقى حاجة ما حصلتش واخلاقه عالية احب اقول لحضرتك ان الأفتراض ده غلط لان المهم هو الأخلاق والتربية و الدين مش المكان