ده ردي على الاأستاذ فيليكس
أنا معرفش ثمن لتر البنزين 95 كام ؟
بس ليه نصب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟
هو لازم نأخد كل حاجة ببلاش ؟؟؟؟
يا جماعة الخير و الأيمان و جماعة المنتدى الكرام
مش معنى أن كان فيه دعم ....... يبقى ده حاجة صح ؟
الدعم مش موجود إلا في 10 دول في العالم أجمع فقط لا غير و 9 منهم معندهمش أي تقدم خالص .
و أغلب الدول اللي بتدعم سعر البترول .... دول غنية في أنتاجه
السعودية الكويت فنزويلا نيجيريا ايران ..... مش فاكر مين تاني
بس كلهم دول نامية معندهاش صناعة حقيقية .
الدعم ده كارثة بكل معاني الكلمة
أنا هاقولك ليه .
أنا عندي عربية شاريها ب 96 ألف جنيه .....
و بحط بنزين أسبوعيا مثلا ب 50 جنيه يعني 27 لتر في الأسبوع مثلا (ده المتوسط )
أنا أخدت الللتر مثلا ب 1.85 جنيه و هو ثمنه الأصلي ...... قول زي ما حضرتك أقترحتك 4 جنيه مثلا . (و أنا متأخد أنه أغلى من كدا )
طيب يبقى أنا أخدت دعم في اللتر تقريبا 2 جنيه في 27 لتر = تقريبا 50
يبقى الحكومة أدتني أنا صاحب العربية 200 جنيه دعم شهري (و أنا أستهلاكي قليل للعربية)
في حين أن واحد معدوم في الصعيد ........... مش لاقي يأكل بجد
مش بيأخد 200 جنيه من الحكومة دعم زيي .
مع أنا و أنت و اللي معاهم عربيات ......... معانا فلوس أكتر من الصعيدي المعدوم أو الفلاح في الدلتا المعدوم .
ثالثا لو الحكومة كسبت في البنزين ........ مش عيب و لا نصب و لا حرام .
في الدول المتقدمة (اللي أحنا عايزين نبقى زيهم )
كل واحد بيصرف على أد اللي معاه و مفيش حاجة أسمها دعم .
كل الناس بتدفع ضرائب ........... و الضرائب دي بتتصرف على مجالات مختلفة
التعليم - الصحة - الطرق - انارة الشوارع - الدفاع - اضافة جزء كأحتياطي للأيام الصعبة في المستقبل .
مش معنى أن أحنا أتولدنا لقينا نفسنا بندفع ربع ثمن الحاجة و الحكومة بتدفعلنا الباقي يبقى الحكاية دي صح .
نفكر في الموضوع على المستوى الكلي للدولة مش على مستوى كل فرد هانعرف أن الدعم ده خراب
نشتغل ........ نأخد مقابل العمل و نصرفه على احتياجتنا
فيه دول كتيرة العربيات فيها للتسوق و الخروجات بس و أغلب أوروبا كدا
أما بقى آليات التنفيذ فدي حاجة تانية و أنا بتكلم عن المبدء نفسه بس .
نصرف فلوس الدعم في التعليم و الصحة و انتاج انسان مصري صالح للعمل و ليس منتهى الصلاحية بمخ خربان علشان التعليم زبالة .... و جسد في البالوظة علشان الصحة جودتها وحشة .
المفضلات