الموضوع: مشكلة فى الكنترول ياريت المساعدة

السلام عليكم

العربية كانت كويسة ومفيش اى حاجة
لا كان فى حاجة : كانت قواطش البطارية مبرية شوية , وكنت وانا ماشى ساعات كتير العربية تفصل انزل اركب القواطش واربطها كويس وادور تانى وكله تمام
الموضوع ده اتكرر اربع او خمس مرات كل اسبوع لمدة شهر تقريبا .. انااعارف ان ده اسمه اهمال ... بس الظروف

المهم اللى حصل انى اتفاجأت ان العربية بقى ليها سرعة محددة يعنى الاول اخره عشان وبعديها تدوس بنزين الموتور صوتوه يعلى ومتزودش عن كدة التانى 40 التالت 60 الرابع 80 الخامس 100 .. وطبعا نفس الكلام صوت عالى بدون حركة والار بى ام يقف ع ال3 ويثبت وكل حاجة تثبت

المهم بعد العرض على اكتر من ميكانيكى منهم اللى قال طرمبة بس انا للاسف لسة مغيرها بالاصلية .. توصلوا الى انها الكارتة

وبالفعل جبت كارته منفعتش .. قالوا لازم طقم دوارة كامل

جبته
وركبته
وبرمجت
ودورت

كله تمام دارت والعربية تاما والمشكلة اتحلت بس ظهرت مشكلة اكبر

انا العربية عندى كاملة .. مبقتش كاملة

التكييف مش شغال ,, ريموت المفتاح مش شغال , وكل الاوبشنز بتاعت العربية فصلت .. كأن العربية فاضية خالص

ومحدش عارف يبرمج الريموت ولا يشغل الحاجات اللى فصلت ديه

وبصراحة مش عارف اعمل ايه

فى واحد قالى ان الكارتة القديمة ممكن تتصلح بيتشال منها اى سى وبيركب واحد تانى وبتتظبط .. ويارترى لو القديمة اتصلحت ,, الريموت والحاجة حتشتغل فيها عالطول مع العلم ان ناس كتير لعبت فى المفتاح وحاولت تبرمجه غير انه اتبرمج مع الكارتة الجديدة

ياريت اى حد يفيدنى عشان بجد حاسس انى كل اللى عملته غلط من الاول للاخر , وياريت لو حد عنده معلومة يقولى ايه نظام التوكيل فى المواضيع ديه