دلوقتى ياجماعة من سنة كده شرط الحرارة بدات تخرف 2 بعدين اربعة ثم 2 وهكذا واوقات 6 شرط كمان .... بس العربية كويسة الحمد لله ومؤشر الحرارة الاصلى ومياه القربة وكده يعنى
اتضح فى الاخر المشكلة فى سينسور الحرارة وبالتالى فى القراءة ... المهم غيرته فى الضمان - على كلامهم يعنى - على شهر واحد اللى فات كده بعد فترة نقول 6 شهور مثلا رجعت المشكلة تانى ودلوقتى الضمان خلص واول مرة غيرته كان فى اخر الضمان
دلوقتى بقى ايه العمل مش عارفة .... انا مستغربة جدا انهم يغيروه وبعد وقت بسيط كده يبوظ تانى
متهيقلى انى طالما غيرته فى الضمان يبقى القطعة الجديدة ملهاش ضمان منفصل
اتصرف ازاى فى رأيكم هل فى حل مع التوكيل ولا اغيره انا بقى عادى
فى التوكيل سعره من غير تركيب 315 وبره ايطالى ب 135
ياريت تفيدونى اعمل ايه فى المشكلة دى اللى كل شوية بترجع انا خايفة اغيره وادفع المبلغ ده ويبوظ تانى بعد كام شهر