الموضوع: بروتون ساجا ٢٠١٣ - استلمتها الحمد لله ..

المشاركة الأصلية كتبت بواسطة الغزالى

الف الف مبروك لحضرتك .... :]
بس معلومه صغيره الاختلافات الى حضرتك قولتها دى موجوده برضو فى 2012

تسلم علي التصحيح، زي ما قولت علي "قد ما افتكرت" :) ربنا يكفينا شر الزهايمر :)

المشاركة الأصلية كتبت بواسطة falak

ألف مبروك ، وربنا يبارك لك فيها ، ويكفيك شرّها
ويا ريت تدينا شوية معلومات عنها أكتر
هي كام حصان ؟ كام سي سيس
استهلاك البنزين أد إيه ؟
وأسعار قطع الغيار
وبالنسبة للوِسع ؟ هي زي إيه في السيارات ؟
اللانوس مثلاً ، أم الـ جين2 أم النوبيرا أم الفيرنا
..
ومرة أخرى ألف مبروك

استهلاك البنزين لسه مش حسبته، و ما أظنش ان هيبقي في أي حسبة دقيقة إلا بعد ١٠٠٠ كيلو الأولي، بس متهيألي إنه عالي شوية، يعني مشيت معايا حوالي ٣٢٠كم علي ٣٥ لتر، حاسس ان ده كتير شوية علي موتور ١٣٠٠، واللي أكدلي دة، واحد كان معاه ساجا و كانت لسة بكيس الفرش سألني و احنا واقفين علي زحمة الدائري ان كانت بتاكل بنزين معايا ولا لأ ..

الوسع، انا حاسسها اصغر حاجة بسيطة عن الفيرنا من جوة بس مريحة الحمد لله ، أعلي شوية، الكبوت و الشنطة أصغر من الفيرنا ..
العفشة و العربية بصفة عامة أفضل من الفيرنا ٢٠١٢، الموتور صوته مش عالي مقارنة بالفيرنا ..

إن شاء الله أعرفكم التفاصيل أول بأول .. دعواتكم