بروتون ساجا ٢٠١٣ - استلمتها الحمد لله ..
الحمد و الفضل و المنة لله، استلمت امبارح بروتون ساجا ٢٠١٣، من معرض المصرية للسيارات، بالمناسبة عندهم كذا واحدة واقفين في المعرض ..
السعر الجديد زي ما توكيل عز العرب حدده، ٧٩٠٠٠ للأوتوماتيك ... للعلم ٢٠١٢ كانت ب ٧٥٠٠٠ للأوتوماتيك ..
للأسف مفيش أي فرق في الشكل بين ٢٠١٢ ص ٢٠١٣، حتي ورق المصنع بيقول انها انتاج ٨-٢٠١٢ ..
فرقها عن ٢٠١٢ (علي ما أذكر ٢٠١٢ الوحيدة اللي دخلتها) :
انوار فوج امامي و خلفي
بارك سينسور
جنوط سبور (مش عارف مقاس كام الصراحة)
جهاز إنذار، صوته عالي جدا
مواد التقفيل الداخلي أفضل و أنضف شوية
اطارات جوود يير
موضوع الجير بوكس cvt اللي كان اتقال قبل كدة معتقدش انه صحيح، لأن ال cvt بيبقي معاه زرار يخلي الجير بوكس يحاكي الجير بوكس العادي، و ده مش فيها ..
علي كل حال ان شاء الله أوافيكم بجميع الأخبار و المستجدات أولا بأول ..