الحمد الله انها اتحلت
وثمن الكمبيوتر جديد لا تعليق عليه
رقم العضوية : 73157
تاريخ التسجيل : 16Jun2010
المشاركات : 911
النوع : ذكر
الاقامة : ismailia
السيارة: Kia Sportage GT
السيارة[2]: LEON cupra 1.8-20v
دراجة بخارية: no
الحالة :
السلام عليكم و رحمة الله و بركاته
اصدقائي و احبائي في الله اعضاء قسم السيات
اكيد العنوان مزعج للبعض و اكيد غير مزعج بالمرة ... الحمد لله و قدر الله و ما شاء افعل
كمبيوتر عربيتي اتحرق و لكن الحمد لله العربية رجعت تاني على الطريق تعمل كما كانت بكامل كفائتها
البداية كانت اني وديت العربية سمكرة و دوكو اخدت لها اسبوع لحد ما خلصت ، و انا بستلم العربية لاقيت العربية بتطول في الدوارة و بعدين تدور 5 ثواني و تسكت ،، ابتدي ادور تاني تدور كويس اجي امشي تبطل ... ايه حكايتك يا عزيزة ؟؟!!!!!!
المهم العربية دارت و طلعت بيها حوالي 500 متر و هوب راحت مبطله .. دور ياعم الحجز .. دارت ، رحت ماشي مسافة 5 كيلو و تمام و مافيش حاجه قابلني محطه بنزين ، قلت ادخل افول دخلت و اول ما وقفت عند الطرمبة و هووووب بطلت ، مونت و دورت و رحت طالع ع البيت عدل لان الوقت كان متأخر الى حد ما و ركنت عادي تحت البيت .
تاني يوم نزلت اشتري طلبات البيت افتح .. دور .. انها تدور .. اااااببببددددددااااا
و بعدين يا حاجه فيكي ايه .. قلت ما بدهاش اطلع اجيب جهاز الفحص و اشوف فيها ايه .. وصلت افتح كونتاك يلا يا معلم اقرا قلنا ايه اللي في الجراب يا حاوي .... قعد يحمل بتاع 5 دقايق و في الاخر (can not connect to control) ليه كدا طيب ؟؟؟؟
جرب تاني نفس الرسالة ظهرت بالاضافة الى (connection error)
قلت بس كدا شكرا كمبيوتر بالسلامة يا حبيب قلبي
قلت النهارده الجمعة و التوكيل قافل استنى لبكرة ، و قلت بالمره يمكن الكمبيوتر مهنج اشيل كيبلات البطارية و اشوف ايه اللي ممكن يحصل ... لكن و عن قناعه كنت عارف ان مش هيحصل اي تغيير .. علمت اختبار لترمبة البنزين مع العلم ان كنت مقتنع 100 × 100 بردوا ان مش طرمبة خالص لان الشاشة مطلعالي لمبتين منورين (البطارية - التراكشن كنترول او مانع التزحلق) طب ايه يا جدعان ... البطاريو ممكن تنور ماشي لكن traction control ينور ليه على طول ؟؟؟ طب افصله من الزر الخاص بيه .. ولا الهوا اكن بدوس على الفاضي
المهم .. تاني يوم رحت التوكيل على ونش و اول ما وصلت لقيت مسئول الخدمة .. خيييير .. جاي ليه عربيتك فيها ايه .. على طول قلتله الكمبيوتر فيه مشكله .. كمبيوتر مرة واحده .. ليه كدا ؟
سلمت العربية و مع السلامو عليكو رحت شغلي و نسيت ان عندي عربية و انها خربانه و بتتصلح
الكلام ده كان يوم السبت اللي فات اتصلو بيا قالولي ياعم الحاج محتاج الدفيرة اللي جاية من الديناموا على البطارية بعلبه الفيوزات اللي فوق البطارية بالكامل .. ليه يا جدعان مهي شغالة زي السكينه في الحلاوة .. قالولي تعالى شوف بعنيك .. رحت اشوف لقيت فعلاً السلك اللي جاي من الدينامو حتى علبة الفيوزات تحتيه سايح جيت امسك السيلك اشوف فيه ايه راح مقطوم في ايديا .. لقيت الدنيا كلها بتهيص حواليا .. اهوو شوفت السلك خربان
طب خلاص خلاص ما تزعلوش هغير الدفيرة بعلبة الفيوزات .. و تم عمل اللازم
يلا يا عم الحاج دور .. ولا الهوااا .. العربية قطعت النفس ... المهم المهندس قالي هنفحص الكمبيوتر دلوقتي .. راح جايب VIC قطعه بتشتغل وايرليس تتوصل بالعربية و يروح داخل المكتب بتاعه اللي مكتوب عليه من بره بالشوب العريض KEEP OUT -STAFF ONLY و بيتدي بقا على الجهاز عنده يقرا الاعطال .. و الله يا اخواني طلع و معاه 6 صفحات مليانين اعطال من كل نوع عطل هههههههههههههههه انا طبعا ضحكت ايه ياعم العربية مش نافعة و لا ايه
قالي بنسبة 70% كمبيوتر، لانه رافض اي توصيل به ، بس فيه حاجه كدا عامله زي relay او الكاتوات موجوده في بوكس لوحدها فوق سيرفو الفرامل و تحت الكنترول مباشرة .. ايه دي ياعم الحجز .. قالي ده المسئول عن اشارة الكهربا اللي رايحه للكنترول
ايوا يعني ده حلو ولا ايه .. قالي هنجرب نغيرها و نشوف يمكن ينطق ... جبنا واحده اصلية ركب بردوا ولا الهوا
لازم نفك الكنترول بقا و نشوف فيه ايه ... فك المساحات .. فك الفبره اللي تحتها .. فك الفيش بتاعته .. طلعناه بره و كانت المفاجأه .. الكنترول مغطى بكمية لا باس بها من المياه
طب جت منين يا عمونا المية دي .. قالي تعالى شوف .. الازاز الامامي مغيره ؟.. قلتله ايوا من 3 شهور قالي السليكون اللي لزقوا بيه الازاز عمل فرق بين الفبرة بتاعة المساحات و بين الازاز المية دخلت جوة .... صلاة النبي احسن
طيب ايه الحل ياعم الحاج انا عاوز انجز معييش عربية و عندي شغل .. قالي لازم نتأكد من ان كل شىء تمام .. يعني ايه كل شي دي ؟؟؟ قالي الدفيرة لازم تنشف من المية و نعملها فحص لوحدها علشان لو فيه اي خلل .. ماشي يا نجم افحص و اتصل بيا
المهم فحص و رجع وصل تاني و بردوا مافيش فايده العربية قاطعة النفس ....!!
قالي كدا الكنترول مات لازم نغير الكنترول .. طبعا اول حاجه هتيجي على بالي بكام الكنترول ههههه طبعا ضحك هو كمان و قالي اكيد غالي جدا
قلتله بقولك ايه ينفع اجيبه من بره و اجبهولك تركبه .. بصراحة الراجل رحب جدا و قالي مافيش مشكلة بس على شرط .. ايه يا برنس قولي شروطك .. قالي تجبلي نفس الرقم بالظبط ولا يفرق في اي حرف حتى و إلا بعض الاوبشن اللي عندك مش هتشتغل .
قلتله زي ايه ؟؟ قالي مثبت السرعة مش هيشتغل و كمان هيطلعلك خطأ ان في مشكله في EGR لان انت عندك EGR وو يمكن الكنترول اللي هتجيبه لو الرقم مختلف ما يكون راكب على ماكينة فيها EGR و كمان هيطلعلك مشكلة في البوابة و traction control مش هيشتغل و بعض السنسورات هتدي اعطال ....... الخ
ايه يا عم الحجز الزفت اللي انت عمال تحدفه في وشي ده .. قالي فيه احتمالية كبيرة ان بعض الاوبشنز ما تشتغلش و السنسورات ما تقراش على الكنترول لو متغير ارقامة...
المهم انا قلتله انا هلف و ادور على الكمبيوتر الاول و بعدين نتكلم .. ثم بدأت رحلة العذاب ههههههه .. بس و الله لو قلتلكو اني ولا اتعكننت لحظة و احده ولا ادايقت حتى من ساعة ما حصل اللي حصل بل بالعكس كان ربنا سبحانه و تعالي زي ميكون منسيني هم العربية و كنت ولا اكني فيه اي مشكله بفضل الله ، بس هي المشاوير اللي كانت مقرفة و خصوصا اني كان عندي جبلين شغل .
المهم لفيت ساحات السيارت السيات المقطعه و ديقت البحث على كل العربيات سي سي1800 فقط اللي نفس كود المكنه متطابق معايا و ابتديت ادور يوم كامل و لكن بلا جدوى .. لاقيت نفس العربية نفس الموتور و لكن بدون اوبشن خااالص و رقم الكمبيوتر بتعها حرف واحد بس اللي متغير على سبيل المثال الحصري الفعلي :
رقم كنترول عربيتي هو : 06A 906032 EF
رقم كنترول العربيات الاخري بنفس الماكنه : 06A 906032 JF
يعني هو حرف واحد اللي مضيع الدنيا .... مافيش الكنترول بتاعي خالص في حوالي 50 عربية مقطعه ....المهم روحت البيت لان الدنيا ليلت عليا و الناس عاوزين يناموا و انا كنت قالق مناهم
روحت و قعدت افكر يا ترى ايه مشكلة الحرف ده ؟؟؟
نفس الماكينة - و اوتوماتيك - مع اختلاف ان عربيتي فيها كل الاوبشن و العربيات دي مافيهاش اي اوبشن غير الاوتو بس
اكيد فيه حاجه تدليني ...!! يعني هو الموتر ده ما يقومش غير بالكمبيوتر ده طب مهو ده فيه EGR و التاني فيه بردوا و الاتنين فيهم عبية بيئة متطورة و الاتنين فيهم نفس البوابة بنفس الرقم ...؟؟؟
بس الراجل قالي احتمال كبير الاوبشن ما تشتغلش !!!!
يعني اشتريه ولا لا ؟؟؟ طب اشترية و لو ما اشتغلش اشربه ؟؟؟
فتحت الكمبيوتر بتاعي و شغلت البرامج الخاصة بعربيات الفولكس زي (elsawin و ETKA) مافيش اي معلومه عن البدائل للكنترولات
ام هند .... اتصلت عليه .. يا عم الباش موووو هندس .. الحكاية 1 - 2 -3 اشتريه ؟؟ قالي مش نفس الرقم عاوز تجرب هاته
قلتله انا هجيبه بس علشان عاوز اثبت لنفسي حاجه .. و الحمد لله اثبتها (اكيد كلكوا عارفين انا اقصد ايه)
المهم توكلت على الله نزلت اجيبه .. الراجل اللي بيبع قالي كمبيوتر لواحده ايه يا استاذ !! انت لازم تشتري الطقم كامل ؟؟ طقم ايه يا عم الحاج .. طقم اسنان ؟؟
قالي طقم كامل يعني وحده تشغيل عباره عن ( كنترول + عددات + المفتاح بالقطمه) .. انا بصراحه كنت هعمل حركة قله ادب بس لميت نفسي خصوصا انه راجل كبير وعقله على قده
قلتله بص يا عم الحاج انا هاخد الكمبيوتر بس .. قالي مش هيشتغل لازم تاخد الطقم كامل لان لو ما اخدتوش العربية مش هتشتغل بردوا لازم المفتاح
طبعا الراجل حافظ مش فاهم .. هو كان يقصد ان المفتاح متبرمج جاهز على العربية و ده كلام مش صح لان ممكن نبرمج المفتاح القديم بردو على الكنترول الجديد او اي اوبشن يتبرمج على الكنترول بدون اي مشاكل .. بس عاوزه طبعا واحد فاهم زي حلاتي كدا ههههههههههههه
المهم اخدت الكمبيوتر منه بالخناق و مكانش راضي و فضحني في الشارع و انا ولا الهوا واقف زي لوح التلج لحد ما زهق مني و بعهولي .....
المهم لو قلتلكوا تمن الكمبيوتر كام مستعمل و تمنه جديد هيغمى عليكم
جديد حوالي 11 الف مستعمل حوالي 300 جنيه (شايفين الفرق)
رحت التوكيل اديت للمهندس الكمبيوتر .. المهندس سألني نفس الرقم قلتله لا بس وصله و هيشتغل ان شاء الله عن قناعه
قالي هنشوف المهم في طريقنا للعربية في ورشة التوكيل قالي على فكرة العربية دارت .....!!
انا اتفاجئت .. قلتله القديم اشتغل !!!1 ؟ قالي لا انا جربته على واحد جديد من عندنا نفس رقمك القديم و اشتغلت تمام
المهم وصلنا للعربية وصل الكبلين بالكمبيوتر المستعمل قالي دور كدا ... حطيت المفتاح و لفيت كل اللمبات نورت و ابتدت تطفي تدريجيا ما عدا لمبة (immobilizer او مانع الحركة) و ده طبيعي لان الكمبيوتر مختلف ، و لمبة البطارية الملعونة و لمبة EPC كل دول فضلو منورين
عرفت على طول ان العربية هتشتغل و فعلا العربية دارت لمده 2 ثانية و طفت علشان زي ما قلتلكوا (immobilizer او مانع الحركة ) محتاج برمجه
قالي احنا خلاص هنمشي و التوكيل هيقفل .. البطارية بتعتك بعافية شوية فحنا هنخليها ع الشحن للصبح و هنعمل اللازم و هشيك على الكمبيوتر و هبتدي اشوف الكمبيوتر اللي انت جبته هيتعرف على العربية باوبشناتها ولا هيطلع اعطال و هحاول ابرمجلك اي حاجه محتاجه برمجه .
الحمد لله الكمبيوتر اشتغل تمام زي الاصلي بتعها بدون مشاكل و كل الاوبشنات اشتغلت ..
اسف على الاطالة
حبيت انقل لكم التجربة بحزافيرها علشان تعم الفائدة
SEAT SERVICES
[shfaf2]http://nileup.com/up/uploads/nilemotors_13794850301.jpg[/shfaf2]
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
الحمد الله انها اتحلت
وثمن الكمبيوتر جديد لا تعليق عليه
رقم العضوية : 76626
تاريخ التسجيل : 30Jul2010
المشاركات : 143
النوع : ذكر
الاقامة : el dokki
السيارة: LOGAN 1600CC
السيارة[2]: hundai getz 1600
دراجة بخارية: no
الحالة :
الف مبروك وان شاء الله اخر المشاكل , واحييك علي اسلوبك الشيق جدا
رقم العضوية : 51635
تاريخ التسجيل : 31Oct2009
المشاركات : 1,932
النوع : ذكر
الاقامة : Egypt-Cairo
السيارة: NoThInG yEt
السيارة[2]: فيرناتيتي 2oo8
دراجة بخارية: Honda CBR 900
الحالة :
موضوع مشوق جدا جدا و مبروك ياباشا
لا تجادل الاحمق فقد يخطئ الناس في التفرق بينكما
رقم العضوية : 69380
تاريخ التسجيل : 01May2010
المشاركات : 871
النوع : ذكر
الاقامة : alex-egypt
السيارة: opel cars
السيارة[2]: vectra b m\t
دراجة بخارية: no
الحالة :
الف مبروك يا باشا والحمد لله انها جت على قد كدة
طبيعى الجديد هيكون غالى جدا والحمد لله انه موجود استيراد
مرة سالت على اسعار جوز الكبالن جديدة للفيكترا عند توكيل منصور اوبل قالولى رقم عبيط تقريبا 13000 حاجة زى كدة .روحت جبتهم استيراد كاملين ب500 جنيه!!!!!!!!!!!
ابو حمزه
رقم العضوية : 125812
تاريخ التسجيل : 07Jun2012
المشاركات : 2,519
النوع : ذكر
الاقامة : Dammam-KSA
السيارة: Lada 2105 1984 Sold
السيارة[2]: Ibiza 6K 101 HP
دراجة بخارية: لا يوجد
الحالة :
1000 مبروك ياعم الحجز
بس برده مقولتلناش الحرف المختلف ده طلع بتاع ايه
رقم العضوية : 13051
تاريخ التسجيل : 16Jun2008
المشاركات : 10,009
النوع : ذكر
الاقامة : اسكندريه
السيارة: كروز هاى لاين 2013 بفضل الله
السيارة[2]: هوندا ثم مرسيدس ثم بيجو 504 ثم نوبيرا 2 ثم نيسان صنى
دراجة بخارية: no
الحالة :
مبروك عليك الحل ...............
رقم العضوية : 14187
تاريخ التسجيل : 05Jul2008
المشاركات : 465
النوع : انثى
الاقامة : https://t.me/pump_upp
السيارة: 86135344989
السيارة[2]: Ibiza,Jeep,Accord
دراجة بخارية: hawjuang7
الحالة :
باشا
دايما متألق فى اسلوبك فى السرد
اولا قدر الله وما شاء فعل
ثانيا انت كده اجزمت بالدليل القاطع ان الكنترول مش محمى 100% وخصوصا لو الطوربيدو فيه مشكله وموضوع ان الناس بتلفه فى اكياس ده مش اى هبل فى الجبل مع انى حاسس انه لازم يتهوى برضه مع ان فى الطوربيدو مش معمول حساب للتهويه ولا اى بتنجان
قولى بقى وبكل صراحه بعد ما اخدت العربيه بالكنترول الجديد كفنته فى كيسه سوده ولا عملت ايه
انا عندى مقتول ومتكفن ومربوط تقريبا خايفين لحسن يهرب هل من وجهه نظرك هل ده حجر على الحريات وممن يبوظ الكنترول
طيب لو ملفيناش البيه البواب بالاكياس تجنبا للميا هنعمله ايه بقى نعمله تطويله ونحجزله كرسى جوه العربيه
انا عايز دلوقتى رد واضح وصريح ايه احسن حاجه نعملها مع الكنترول عشان يفضل عايش
انا عربيتى عملت حوار الدواره ده معايا وحلفت ماهى دايره ركنتها تحت البيت ونزلت الصبح لقيتها شغاله وعملتها بعدها بيومين وبعدين اشتغلت طلعت الكنترول من مكانه لقيت مفيش اى مشاكل قعدت انكش عند علبه الفيوزات راحت دارت رحت نازل عند علبه الفيوزات واتأكدت ان كل الوصلات راكبه وثبت اللى مكنشى ثابت ومن ساعتها الحمد لله معملتهاش
بس برضه يظل التساؤل ازاى نتجنب المشكله دى
بعد الهرى ده كله الحمد لله انها جت على قد كده بس انت مقولتش التوكيل اخد كام
https://t.me/pump_upp
رقم العضوية : 107820
تاريخ التسجيل : 16Jul2011
المشاركات : 1,679
النوع : ذكر
الاقامة : cairo
السيارة: Fait127
السيارة[2]: Nissan Tiida 2012
دراجة بخارية: no
الحالة :
الحمد لله ان الموضوع اتلم وما اضرتش تجيب واحد جديد , الا كنت حتزعل اوى.
رقم العضوية : 94704
تاريخ التسجيل : 14Apr2011
المشاركات : 12,403
النوع : ذكر
الاقامة : Haram - Giza
السيارة: OPEL VECTRA 2.0
السيارة[2]: Seat IBIZA 1999
دراجة بخارية: NO
الحالة :
الف مبروك حل المشكلة
وبالنسبة لسؤال احمد عبد السلام : مش هتعمل اي حاجة - هتسيبه زي ماهو ملفوف في اكياس بلاستيك وبالنسبة للتهوية - فالطوربيدو بيبقي فيه هوايات علشان التهوية - ومفيهوش عازل للمياة
وشوف كدة الصورة دي
خدت بالك من فتحات التهوية في الطوربيدو؟؟ دي اخت عربيتي موديل 99
اما بالنسبة لموضوع الحرف المتغير فأنا أشك ان E اختصار europe وال J اختصار Japan وبالتالي الكنترول مش هيختلف في اي حاجة وهيدور العربية عادي ؟؟
هل انا بتكلم صح ولا غلط ؟؟
تحياتي
Eng. Mohamed Sayed | MS Networking TrainerIBIZA MK2 (Typ 6K) APQ 1.4 MPI R4 44KW - 60hp
صفحة القسم علي الفيس بوك
المفضلات