الموضوع: شدايه مابين سيراتو وميجان

[QUOTE=egyptodentist;3874668068]

المشاركة الأصلية كتبت بواسطة yasserelsayad

الكلام مش مظبوط خالص
موتور الـ rb هو هو موتور السيراتو ولا جيل اقل واعلى
طبعا فارق الوزن لصالح الـ rb هيخليها اسرع مش محتاجة تجربة
والسحب مش بالفرق اللى انت بتتكلم فيه دا ولا فرق رهيب ولا حاجة هو بس فرق الوزن ولو قابلت سيراتو متفتحة كويس ممكن يزعلك على العالى
واللى زود كمان الموضوع دا مع االى كنت بتجرى معاها الكاوتش الـ 225 بس مش اوى باردوا[/QUOTE

اولا تحية طيبة ياسر باشا ......
ثانيا:::: موتور ال اربي ال gdi ده جيل جديد كليا في ال اربي والانترا وكمان هينزل في ال k3 الجديدة وتصميم الموتور مختلف جذريا عن تصميم الجيل اللي قابله بس ال gdi منزلش مصر لانه الوقود ال recommended 95 وطبعا بيشتغل 92 بس الوكيل المحترم زي اغلب وكلاء هيونداي في الدول العربية طلبه الموتور رشاشات وموتور السيراتو حضرتك هوا هوا موتور الانترا الاسد وممكن تسأل اي ميكانيكي فاهم وفرتك الموتورين هتلاقي كله حاجة هيا هيا صبابات و بساتم وعمود كرنك حتيالكامات هيا هيا الاختلاف الوحيد في مسطرة الرشاشات وقطر البوابة والشريحة عشان يحسنو الاداء نسبيا لاكن تكنولجيا الموتور هيا هيا وده حال اغلب موديلات شركة كيا-هيونداي موتورز الكوريه واكيد حضرتك عارف الكلام ده....وياريت حضرتك فعلا تحاول تشوف حد من معارفك ويكون معاه ار بي وتحاول تشد معاه وشوف النتيجة بنفسك قبل ما تقول الفرق مش رهيب والكلام ده......اه قبل ما انسه حكاية موتور السيراتو و كونه هوا هوا موتور الانترا الاسد ده اكتشفنا اول ما كانت السيراتو نازلة لانه صحبي بتاع المعرض اخوه معاه مكتب تأجير سيارات وكان مأجر السيراتو المانيول لواحد كل بيها غط بلاعة في فرح وغلبا مخدش باله من لمبة الزيت والعربية قفشت وطبعا العربية لم يكن ليها مسمار حتي في سوهاج فمعرفش يصلحها ورجعها المكتب وودينها للميكانيكي اللي بنتعامل معاه وطبعا فرتك المكنة وبعد ما سألنا في سوهاج كلها وكمان اسيوط ومكنش في حل غير التوكيل الميكانيكي اقترح انه نشوف عند بتوع الاستيراد مكنة الانترا الاسد وفعلا زي ماقلت قبل كده كل حاجة هيا هيا وركبنا طقم البستم والصبابيت اللي اتلوحوا وطبعا جلب الكرنك اتكسرت وركبنا كرنك الانترا والعربية دارت واشتغلت تمام لحد ما اتباعت من حوالي سنة ...فلو سمحت ياريت تتأكد من المعلومة قبل ما تقول اني كلامي غلط خالص ......وبعدين يا سيدي موتور السيراتو هوا هوا موتور الbmw الفئة السابعة كمان لو كان كلامي هيزعلك.....ولك جزيل الاحترام

اولا مفيش RB GDI فى مصر والموتور بتاعها بتاع السيراتو كوبى ويا سيدى هو موتور الاسد (اعتقد الـ 121 حصان) اللى بتتكلم عليه بس دا نسخة معدلة منه(124 حصان) ذى ما هو هو نفس الموتور اللى فى الالنترا الجديدة (128 حصان) بس فيه Dual CVVT .. هو هو نفس موتور الـ GDI باردوا (138 حصان)
بس متزود عليه حقن مباشر ومتغير وش السلندر

الـ GDi فى مصر او الموتور اللى بيشتغل بنظام الحقن المباشر مش موجود غير فى السبورتاج

اى حد يقولك معلومة غير كدا يبقى بيفتى عليك

قبل بس ما تقول جرب فا انا مش بتكلم من فراغ .. اى كلمة قولتهالك بتكون اتجربت ودى نتيجتها

وانا معلوماتى اكيدة مش محتاجة مراجعة ومش غرور ولا حاجة بس عشان فعلا مفيش غير كدا
الا بقى لو انت مستورد الـ RB دى من برا بالموتور الـ GDI دا موضوع تانى

انت عايز تقتنع بقى ان الـ RB موتور GDI فا برحتك بقى بس متجيش وتقول معلوماتنا غلط.