فك الرشاشات أفضل
عالأقل لو فيه رشاش بايظ هيبان
عرض للطباعة
دون ان اطيل على حضراتكم وبدون الدخول في تفاصيل هندسية وفيزيائية معقده كلنا فاكرين زمان في الفيزياء حاجه اسمها مقاومة والمقاومة دي بتنتج عن الاحتكاك كل ما زادت سرعة السيارة زادة مقاومة الهواء وبالتالي هتحتاج شغل او مجهود اعلى وده معناه استهلاك اعلى للوقود اسلوب القيادة بيحدد جزء كبير من استهلاك الوقود
طيب حد من الأخوة الزملاء اللى بيشتكوا من استهلاك الوقود المرتفع جرب يعمل إعادة ضبط لكمبيوتر السيارة ... وبعد كدة جرب الإستهلاك عمل إيه بعد إعادة الضبط
ده لينك لموضوع كنت عامله بيتكلم في النقطة دي تحديدا .. وبيثبت أكتر إن استهلاك السيارة من الوقود في المقام الأول مسئوليته تقع على نمط القيادة
تقييم بسيط للبيرسونا 2012 ومعلومة قد تكون مفيدة في استهلاك البنزين
ده غير إن محرك الكام برو من بروتون فعلا محرك قوي وبيستجيب معاك لما بتقرص عليه وأكيد لما تقرص عليه هايطلع القوة دي .. والنتاج الطبيعي للقوة المفرطة هو استهلاك مفرط للوقود
وأكبر مثال على إن نمط القيادة هو المسئول الأول هي نتائج استهلاك الوقود لأخينا وزميلنا الفاضل توت .. اللى قال في أكتر من موضع هنا في المنتدى إن العربية بتعمل معاه حوالي 250 كيلو في الصفيحة وهو استهلاك جميل جدا .. بس من الآخر طبعا ما فيش حد فينا هايقدر يمشي بنفس الهدوء والرزانة بتاعة أخي العزيز توت ما شاء الله عليه وبارك الله فيه وحفظه وإيّانا أجمعين
أنا نفسي يركبوا الفتيس الـ CVT هايكون جميل جدا وأداؤه أفضل كتير مع الموتور ده وطبعا لازم يكون ستب ترونيك بقى
مش هنضحك على بعض
من خلال متابعتى للبرتون عامه والساجا خاصه
فى مشكله بشعه فى استهلاك البنزين
حتى التوكيل بيحاول فيها من فتره مع مالكى السيارات بسبب شكاوى اتقدمت فيه فى جهاز حمايه المستهلك بسبب ان الكتالوج بيقول 6 لتر فى 100 كيلو !!!!
كلامكم عن اسلوب القياده على عينى وراسى لكن ميوصلش ابدا للارقام المخيفه دى
بص يا باشا الساجا القديمة اللى بتنزل فى ماليزيا اللى هى شبه الساجا اللى بتنزل عندينا نفس الموتور بس فى فرق ان كامة واحدة بس اللى بتبقى شغالة على السرعات البطيئة والكامة التانية بتفتح عند السرعات العالية او مع الشد
بس من تجارب شباب الساجا لو متابع هتلاقى انك لو نقلت على ار بى ام اقل من 2ونص الاستهلاك هايقل وابعد عن الزحمة
بس بصراحة عن تجربة برسونا اوتو بتسابق ساجا (مرة مانيوال ومرة اوتو)......الساجا بتعلم على البرسونا فى الطلعة لغايت اول 100 كيلو فى الساعة
السلام عليكم على الجميع .
أخواني الكرام قبل ما أتكلم ..... لازم الناس تعرف أني مالك للجين 2 من سنة 2007 . (واحدة مانوال والتانية أوتو ب أي أف أم )
و عملت تجارب كتيرة جدا و يومية على مدار 5 سنين اللي فاتوا .
الخلاصة
المانوال أستهلاكه أقل من الأوتوماتيك ..... و لو سواقتك هادية مع الأوتو .... هايبقى الفرق لا يُذكر .
طريقة السواقة مهمة جدا جدا جدا في تحديد الأستهلاك .
طيب شوية حاجات مهمة جدا لازم كل واحد يكون متأكد منها علشان يعرف هو بيستهلك عالي و لا لاءة .
1 - البنزين نظيف و لا لاءة .
2 - معدل السرعة لا يزيد على 90 كم - س و لفات الموتور لا تزيد عن 2500 لفة و بدون حرق على الغيارات .
3 - ضغط الكاوتش لا يقل عن 31 بأي حال من الأحوال .
4 - طبعا تكون الكهرباء مظبوطة و الموتور تمام و التبريد تمام .
طيب هاتقولولي كل ده علشان نوفر في البنزين ؟
هاقولكم مفيش حاجة ببلاش ........ اللي عايز جري و سرعة ...... يدفع ثمن البنزين اللي هايخليه يجري .
الموتور الكامبرا موتور زيه زي أي موتور 1600 موجود في السوق و الفرق مش كبير .
و أضافة بعد اذن الأستاذ أحمد ويرا .
الموتور بيوصل لسرعة 110 على الغيار الثاني علشان الفتيس في الجين2 نفسه طويل (بيطلع العزم متأخر علشان السرعة العالية )
نرجع تاني لموضوع البنزين
أفضل الأرقام اللي ممكن توصلها بالقيادة الرزينة
هي 230 إلى 260 كم لكل 20 لتر .
ممكن توصل لأعلى من كدا و ممكن أقل من كدا حسب الظرف اللي أنت بتسوق فيه .
اللي أقل من 200 كم و سواقته رزينة .... يبقى فيه حاجة مش مظبوطة في العربية .
أستهلاك مواتير 1600 متقارب جدا و يكاد يكون زي بعضه لأغلب العربيات و اللي بيفرق هو السواق .
بالنسبة لساجا و أستهلاكها للبنزين .
الساجا فعلا أستهلاكها للبنزين أكتر من ال 1300 العادي لأسباب
العربية 96 حصان تقريبا ..... هي الحصنة هاتطلع من الهوا و لا بحرق البنزين ؟
الساجا تصميم الفتيس برضه للآسف للسرعات العالية (يعني العزم بيطلع متأخر علشان يحافظ على السرعات العالية )
العزم اللي بيطلع بدري ميزة جامدة في الزحمة و الناس اللي مش بتعدي 100 كم - س و طبعا بيفرق في أستهلاك البنزين .
نسيت أقول برضه أن الأي أف ام ............. أفضل كتير من الكامبروا القديم في حتة العزم و مش فارق كتير في الاستهلاك لو أنت مش بتحرق على الغيارات .