فيرنا 2008 ماشيا 45 الفكيلو ومرشوش بعضها لاكن السقف والشنطا والكابوت مش مرشوش
والفتيس اوتماتك والحالة العامة كويسة
تمنها يبقا في حدود كام لو سمحتم
عرض للطباعة
فيرنا 2008 ماشيا 45 الفكيلو ومرشوش بعضها لاكن السقف والشنطا والكابوت مش مرشوش
والفتيس اوتماتك والحالة العامة كويسة
تمنها يبقا في حدود كام لو سمحتم
شكرا ليك لاكن يريت حد يفيدنى السعر في حدود اية
اعتقد و الله اعلم من 54 ل 56
انا قلت السعر بناء على انى اشتريت عربيتى 2004 كورى اتوماتيك عامله 108 الف و رشه خارجى نضافه ب 46
حضرتك ممكن تشوفي في كونتاكت كارز العربيات الي تقريبا في نفس الحاله او مشابه مطلوب فيها كام.
وفي موضوع في المنتدى بتاع تسعير السيارات بس مش عارف هو فين للأسف
ده رابط تسعير السيارات للمهندس شريف وهبة بالمنتدى
http://www.nilemotors.net/Nile/249687-a.html
اعتقد انه الانسب في التسعير بصراحة استاذ بس المهم تديله معلومات عن السيارة قدر الامكان زي الموديل والكيلومتري ورشة فين زي ماقلتي واي معلومات تانية مثلا اول يد وكده
بصراحة انا باثق فيه جدا وكثيرين في المنتدى
أما كونتكت كار يااستاذ أمحمود فأنا معلش باتحفظ عليه شوية علشان الي بيبيع غالبا بيزود في سعر عربيته في الاعلان ووقت البيع بينزل لو فعلا عاوز يبيع ومابنعرفش ده غير التجار مليانين فيه
بس اعمل كوبي باست لرقم الموبيل الموجود في بحث جوجل تلاقي 10 عربيات معروضة بنفس النمرة ههه
تمنياتي بالتوفيق
أولا بأشكر الاستاذ محمود وبقوله كلك ذوق
ثانيا تفسير النقطة الي باللون الأحمر
لو لقيتي اعلان في النت عن عربية وفيه رقم موبيل
إعملي كوبي لرقم الموبيل
وافتحي صفحة تانية لجوجل سيرش واعملي باست فيها لنفس الرقم ثم سيرش
هيطلع ما يتعلق بالرقم
ممكن مثلا يكون اعلان عن عربية فيرنا معاه رقم موبيل ولما تبحثي عنه في جوجل
تلاقي لنفس الرقم عدة مواضيع منها العربية الفيرنا وعربية بيجو وتانية رينو وثالثة هيونداى وكده
ساعتها تعرفي ان صاحب الاعلان تاجر وعامل اعلانات كتير في مواقع كتير (مش بس نيل موتورز) وعن عربيات كتير
وساعتها تعرفي انه تاجر
لو مالقتيش في جوجل سيؤش على الرقم اي عربيات تانية يبقى ممكن يكون مواطن عادي وده كتير برضه أو تاجر برضه بس كل شوية يشتري رقم موبيل جديد ب 10 جنيه ويعمل بيه اعلان
ارجو تكون النقطة واضحة
بس على فكرة تعليقي لو سمحتي على مبلغ 52 الف في عربيتك كويس يعني حتى لو جالك من اعلان 54 لكن هتبيعيها لغريب وهتبقي حاملة هم اجراءات البيع يبقى ساعتها الالفين ماتستاهلش في نظري وده مجرد رأيي
بالتوفيق
أخوكي
أقولك رأي تاني
اسألي مهندس شريف وهبة عن تسعير عربيتك وهو هيرد في خلال يوم او اتنين بالكتير
لو لقتيها 52 الف او اقل خلاص بيعيها لصديقتك ب 52 طالما هي راضية بالمبلغ ده
لو لقيتيها اكتر اخصمي الفين مقابل الصداقة وراحة البال في البيع واعرضي عليها المبلغ فإن قبلت جزاكي الله خيرا وان لم تقبل اعرضيها للبيع في نيل موتورز وغيره بس زودي عن ما قاله شريف وهبة الفين لزوم الفصال انتي عارفة شعبنا شاطر
يعني مجرد رأي لزميل
معلش أطلت في طرح رأيي عليكي
وفقك الله فيما فيه الخير لك
سعر العربية دي يكون ما بين 52000 و 55000 ج
متقلش عن 52 ومتزيدش عن 55
انا لسه شارى فيرنا ٢٠٠٨ فوال اوبشن مانيوال عامله ٦٠٠٠٠كم رشه بره عدا السقف فى التوكيل عاوزه صيانه ال ٦٠ الف كم ب ٤٦ الف
ممكن عربيه حضرتك تزيد الفين أو ثلاثه عشان الأتوماتيك وفلوس الصيانه اللى انا نزلتها من تمن العربيه ..
والله أعلم