انصحونى بخصوص تعديل جولف 4 هام جدا يارب الناس تفيدنى
معايا يا شباب جولف 4 موديل 2000
عاوز اركبلها اكصدامات و اعتاب و سبويلر على السقف يكون شكلهم جامد
بصراحة فكرت اجيب حاجة اوريجينال تتكون اصلية وشكلها جامد
لقيت اكصدامات امامى و خلفى فقط عند محل بتاع حماده عزى فى بورسعيد و محل جوو كارز فى القاهرة و اسعارهم حوالى 4600 جنيه لللاكصدامين فقط ..!!!!
طبعا السعر ده كبير جدا جدا جدا ..
انا عاوز نصيحة منكو اجيب منين البودى كيت كامل و هيتكلف حوالى كام ولو حد عارف حد كويس يدلنى عليه ..
خصوصا ان انا جاتلى فرة اجيب الطقم ده كلو من امريكا استيراد و يتشحن لحد البيت عندى من على الانترنت .. و البودى كيت كامل هيعمل حوالى 600 دولار يعنى حوالى 4 تلاف جنيه .. بس معرفش الجمارك هتزود فى التكلفة عليا ولا هتبقا مش كتير
وهل الاختيار بتاع الاوريجينال احسن ولا اروح انففخ من عند اى واحد بتاع فايبر الليلة كلها ب الف جنيه بس للاسف ممكن يتكسر او يبوظ بسهولة ؟؟
ياريت حد يساعدنى بالله عليكم