السلام عليكم
عندي استفسار بخصوص علبة الفيوزات اللي في الكبوت ، المشكلة عندي اني كل ما تتصلح ترجع تبوظ تاني وتعمل قطع في الكهربا اللي واصلة مرة للتكيف ومرة تانية للنور ، السؤال هل ممكن اني أغير علبة الفيوزات بس ولا لازم أغير ecu كله؟؟؟
عرض للطباعة
السلام عليكم
عندي استفسار بخصوص علبة الفيوزات اللي في الكبوت ، المشكلة عندي اني كل ما تتصلح ترجع تبوظ تاني وتعمل قطع في الكهربا اللي واصلة مرة للتكيف ومرة تانية للنور ، السؤال هل ممكن اني أغير علبة الفيوزات بس ولا لازم أغير ecu كله؟؟؟
لا ممكن العلبه بس و هي بتتصلح و بتبقي تمام بس ياريت توديها عند حد فاهم مش بيفتكس علشان يظبط العيب و خلاص
بص يا باشا عن تجربه بس هتدبس شوية فلوس غيرها بـ 1500 جنيه والفيش بتاعتها هتعمل كمان 1000 جنيه لو الفيش اللي عندك سايبحه بس هتنسى الدنيا في العربيه بصراحه
هوه كلام حضرتك صح وانا فعلا صلحتها قبل كده وعند واحد المفروض انه فاهم كهربا كويس بس المشاكل بتكرر في حاجات تانية ، اللي نفسي أعرفه اللي صنعوا العربية بكل المميزات اللي فيها مش قدرين يعملوا علبة أحسن من كده شوية مع انها سبحان الله من شركة سيمينس المفروض شركة محترمة.
علبة الفيوزات فى ميجان كويسة جدا ومصنوعة صح
فيه ناس كتير بتلعب فى كهرباء العربية
وميكانيكين مش بيصلحوا بضمير
وميكانيكين مش فاهمين
إنما هى مفيهاش أى مشكلة معايا ومع صاحبها القديم اللى اشترتها منه
على فكره في مره العربيه مكانتش بتنور مارشديرو مكانتش بتفتح كونتاكت و روحت لمركز مشهور و بص عليها و جاب مفك تست و وصله عالبطاريه و هات يا زنق في علبه الفيوزات و قالي ارجع ورا و لما لمبات المارشدير تنور قولي و لما نورت روحت قولتله قالي دي عايزه علبه فيوزات انا و والدي اتصدمنا صدمه عمرنا ...... قمت جيت سألت استاذ احمد عبد المقصود قالي روح التوكيل احسن قمت رايح فعلا و هناك اول ما قلت للفني قالي دي مكنه مارشدير و غيرتها و العربيه زي الفل من ساعتها فنصيحه ممكن تضحي بحوالي 100 جنيه و تروح تكشف في التوكيل و هما يقولولك فيها ايه و يتكلف كام و ده افضل حل