الموضوع: ياترى مشكله ايه بوجيهات ولا بنزين

اصبر لما البنزيين يخلص علشان ممكن تكون مشكله بنزيين

ممكن تكون الكاتينة خلفت عشان انا حصل معايا نفس الموضوع وكنت مغير الكاتينة في التوكيل وشكيت في البنزين والبوجيهات بس بنزين وبوجيهات ملهوش علاقة ان النور يقطع معاك دي في الغالب مشكلة في الكاتينة وابقي طمنا عملت ايه

الف شكر ياجماعه استنى حوار البنزين ربنا يسهل وتظبط معايه بس النهارده الصبح شميت ريحه عادم البنزين اكنه زيت شايط وفى حاجه كمان سألت اتنين ميكانيكيه كان الرد بوجيهات بس لما اتكلمت معاهم ان الحوار ده بعد ما فولت بنزين قالو فضى التنك وفى حاجه كمان مستغرب منها اشمعنى فى التوكيل بعد تركيب الكاتينه كانت بتدور فى ثانيه ولا عشان كانت العربيه سخنه

بصو كده ياجماعه دخلت على مشاركه فى موضوع الكاتينه وكان ده رد احد الاعضاء

عموما لو الكاتينة مش مظبوطة العربية مش هتدور خالص
ولو خالفة حاجة بسيطة جدا
اعراضها ضعف جامد في السحب واستهلاك غير طبيعى للبنزين
---------------------------------------------------------------
مفيش عندى ضعف فى السحب ولا استهلاك بنزين العربيه فى السحب كويسه جدا احسن من الاول صوت الماتور افضل كتير من الاول

ياجماعه بطنى سابت لما شوفت الموضوع ده واضرار الكاتينه نص عمره للماتور طيب لا قدر الله كان فى مشكله فى التقسيمه ايه الوضع مع التوكيل

سنعرف وظيفة سير الكاتينة .. اعراض حدوث خلل بالسير .... أضرار انقطاع السير

ماهى وظيفة سير الكاتينة ؟

وظيفة السير هو التأكد بأن هناك ربط و تزامن بين حركة عامود الكرنك و عامود الكامات لذلك هناك ما تسمى بالتقسيمة و التى عن طريقها يمكنك التغيير فالتزامن او الحركة ما بين عامود الكرنك و عامود الكامات و كما نعرف فأن عامود الكرنك يعنى البساتم و عامود الكامات يعنى الصبابات و هم اساس عملية الأحتراق و التى بشأنها تحدث حركة و تولد طاقة

أعراض حدوث خلل بسير الكاتينة ؟

اولا السير اذا انقطع ستفاجأ بان السيارة لا تستجيب اطلاقا للدوران و ستسمع صوت المارش يعمل لكن لا يوجد احتراق يجب ان تقف تماما عن دوران السيارة لأن الإصرار على تدوير السيارة سيؤدى الى خلل بصبابات المحرك و حينها سيحدث أضرار أكثر فى محركك ... لذلك أحرص على ان يقوم فنى متخصص بالكشف على السير و تدوير السيارة

ثانيا قد يكون السير سليم لكن هناك مشكلة فى احدى البليات المسئولة عن توجيه السير و سهولة حركته و اعراض حدوث خلل بإحدى البليات هو حدوث صوت إحتكاك عالى زى خشونة فى البلية عند التدوير او تفاجأ بأن البلية قد تحطمت تماما من الداخل و ستمسع صوت شحررة عالى جدا قم بتبطيل السيارة فورا و ابحث عن فنى او مهندس ليقوم بتشخيص العيب

ثالثا قد يكون جميع قطع الغيار سليمة لكن العيب هو بالتقسمة و ستفاجأ بأن السيارة بها برجلة او تأخر فالتدوير او لا تدور اطلاقا

اعراضها تحدث فقط بعد تركيب قطع الغيار فورا وعند اول تجربة للسيارة قد يحدث ان السيارة لا تريد ان تدور او قد دارت لكن هناك برجلة شديدة و الاحتراق غير سليم يجب ان تقوم بتبطيل السيارة فورا و اعادة تقسيم سير الكاتينة مع عامود الكرنك و الكامات

أضرار حدوث عطل بسير الكاتينة او البلى او التقسيمة غير صحيحة ؟؟

اذا حدث اى خلل فى السير او فى البلى او التقسيمة غير سليمة لا تحاول تصليحها بنفسك او تدوير السيارة يجب الاستعانة فورا بخدمة التوكيل

الأضرار التى ستحدث هى حدوث خلل فى صبابات المحرك المسئولة عن دخول الهواء و البنزين الى المحرك معناها نصف عمرة لمحركك لا قدر الله و تكلفتها ستتخطى الى 2000 جنيه !!!!

نصائح مهمة و يجب الإلتزام بها :

1- السادة الأعضاء لا يغرك توفير 200 جنيه اذا قمت بصيانة سيارتك خارج التوكيل و حدث عطل ستتحمل 10 أضعاف هذا المبلغ .



2- التوكيل جهة رسمية و مسئول عن جميع الاعمال التى قام بها بسيارتك اذا حدث لا قدر الله عطل فى سيارتك فإنه ملزم بحلها و تحمل تكلفتها كاملة لكن الورش الخارجية ستقوم برمى المشكلة على قطع الغيار و تتعلل بأنها مضروبة .

3- اذا قمت بعمل صيانة ال 40 ألف خارج التوكيل اهتم بأن تكون قطع غيارك سليمة 100 % عن طريق شرائها من مراكز بيع أبو الفتوح المعتمدة فقط و تجنب جميع محلات قطع الغيار حاليا كل البضائع الموجودة بالسوق غير أصلية .

4- قم بإختيار فنى جيد يقوم بعمل صيانة لسيارتك و تأكد بأنها ليست بأول مرة يتعامل مع سيارة أسبيرانزا و أنه لديه خبرة سابقة و اذا وجدت اى مشكلة حدثت اطلب منه فورا بالتوقف و اتصل بالتوكيل . ( نحن لا نرجح عمل الصيانة خارج التوكيل لأنه كما قلنا عيوب الصيانة اكثر من مميزات توفيرها )
5- سير الكاتينة اذا تم تركيبه لا يمكن استعماله مرة أخرى لذلك أحرص على ان يكون السير جديد و ليس مستعمل

ما تقلقش يا باشا وانشاء الله حاجة بسيطة لو كاتينة خالفة اتوكل علي الله وروح التوكيل وهتتصلح عشان ده اللي حصل معايا وساعتها المهندس قاللي عيب صنايعي واي كلام يثبتني بيه عشان كنت هعمل مشكلة
اللي كان حاصل معايا ساعتها دربكة في الموتور وكنت لما بشيل رجلي من علي البنزين كانت العربية بتبطل هي دي الاعراض اللي ظهرت عندي وقتها