السلام عليكم ورحمة الله وبركاته..
من كام يوم وقفت في لجنة واتفاجئت ان رخصتي الخاصة انتهت خلاص بقالها مدة وانا نايم في العسل..
انا قريت قبل كده عالمنتدى اني باجيب شهادة باطنة ونظر + حاجة اسمها شهادة مخالفات على ما أعتقد..
السؤال هنا بقا شهادة المخالفات دي من نفس مرور العجوزة ولا من بين السرايات ولا من نيابة المرور ولا فين بالظبط ؟؟
مع العلم اني مطلع رخصتي أساسا من مرور العجوزة..
وهل فيه حاجة تاني غير التلات شهادات والخمسة واربعين جنيه ؟
بالإضافة للسابق صورتين شخصيتين حديثتين..
شفت اللغة العربية دى!
شوف ياباشا كل المطلوب منك الاتى انا لسة مجدد بقالى اسبوع فقط
1- شهادة ( نظر + باطنة ) = ب 30 جنية الاتنين وطبعا تحط عليهم صورتك كل شهادة صورة حديثة
2- صورة بطاقة شخصية
3- 2 طابع خدمات طبية ب1 جنية ونص
4- هتروح من نفس المكان الصادر منة رخصتك , وتعمل حاجة اسمها استعلام مخالفات لو مالقيتش حاجة هتدفع خمسة جنية
5- بعد كدة هتعمل حاجة اسمها استعلام مباحث على صورة البطاقة
6- هتدفع 65 جنية للخزينة
وهتاخد ورقة كدة تملاها وتسلمها , وتستنى دورك لحد ماتتصور , والصورة هتطلع فى نفس اللحظة وتتغلف وشكرا
وبكدة التكلفة كلها هتكون 101.5 جنية , انا مرور عين الصيرة
اتاكد بس ان النيابه شغاله لانى قريت ان كل النيابات فى اعتصام القضاه بما فيهم نيابات المرور
أنا مجدد الرخصه لسه من حوالى شهرين و معملتش استعلام المباحث ده. يا ترى دى حاجه جديده لسه طالعه و لا حضرتك كنت مجدد من زمان؟اقتباس:
المشاركة الأصلية كتبت بواسطة semsem kane
انا مجددها من اسبوع , واستعلام المباحث دة بس امين شرطة بيمضيلك على صورة البطاقةاقتباس:
المشاركة الأصلية كتبت بواسطة land_cruiser
ودية اول تجديدة ليا
ربنا يباركلكو علي الموضوع ده
انا حجدد رخصة سواقتي كمان شهرين ان شاء الله
يااااااااااااه بفتكر اول يوم روحت اطلع فيه الرخصة كان اسعد يوم في حياتي (ليت الذكريات تعود) :"(
نشكركم جميعا على الردود المفيدة..
فاضل بس معلومة واحدة محتاج اعرفها من حد مجرب..
شهادة المخالفات هاتكون م العجوزة برضه ولا لازم اروح بين السرايات؟؟
الرخصة بتاعتك مكتوب عليها مرور اية ؟؟؟؟؟ المرور المكتوب فى الرخصة هو دة اللى هتروحلةاقتباس:
المشاركة الأصلية كتبت بواسطة salamonti