سؤال لخبراء العقارات و الاسعار و انظمه البيع

رجاء الافاده
دلوقتي في شقه معروضه للبيع
مساحتها الصافي تقل عن الاجمالي بحوالي 15 %
هل ده معقول ولا مبالغ فيه؟
ثانيا
الراجل مشطب سوبر لوكس جاهزه علي السكن بس من غير مطبخ لكن حمامات و دهانات و شغل ديكور موجود يمكن تحتاج وش نضافه بس بقول يمكن لأنها فعلا تشطيبها ممتاز
الشقه في المنطقه الاولي مدينه نصر بجوار التأمين الصحي العماير اللي اربع ادوار منطقه السينما
من غير اسانسير الدور التالت و المدخل معقول و ان كان محتاج شويه شغل بسيط علشان يبقي فعلا فاخر
دلوقتي الراجل ده طالب اعلي سعر و بيقول اسئل في المنطقه سعر المتر نص تشطيب بكام و شوف التشطيبات المعموله تتقدر بكام
المهم بالسؤال في المنطقه المحيطه لقيت ان المتر داخلي بيتكلمو في 4000 جنيه و ممكن لو كاش ينزل 100 جنيه للمتر و علي الشارع الرئيسي الكلام من 5000 لغايه 6000 بس نص تشطيب محاره و حلوق
السؤال بقي
هو متر التشطيبات بيتحسب بكام لو تشطيب لوكس او سوبر لوكس او هاي سوبر لوكس زي ما بيتكتب في الجرايد؟؟؟؟؟؟
و حاجه كمان
الناس اللي بتتطلب اعلي سعر دي ليه مش بيقولو رقم واضح ليه الحيره دي في البيع؟؟؟؟

متابع

حضرتك العمارة بقلها كام سنة الى حضرتك بتقول عليهم دول على ما اعرف عمارات قديمة

القديم سعر تانى خالص علشان انت هيطلع عينك من الى بينقك مية عليك والسلام حالتها هتبىق زفت على العموم هو عاوز كام فى المتر على العموم التشطيب لو الشفة فى حدود 120-140 متر التشطيب هيتكلف فى حدود 50 على الاكثر الاسعار دى انا لسة مشطب شقة فى الرنج دة والسراميك كلة كان الحوهرة وكليوبرترا ورويال وكلهم كان موديل السنة الحيطان كان واخدة 3 وشوش معجون ووشين دهان وكرنايش عمولة مش الى بتركب على طول والحمامات ديورافيت والبانيو فرانك سامى و جميع الحنفيات ايدال استندر
انا فى راى لو عاوز فى مساحة مش كبيرة فى المنطقة دى فى عمارة بتطلع فى الشارع الموازى لشارع الطيران الشارع اسمة زهير صبرى وفى هناك مساحات 125 و150 متر والمتر ب 4000 جنية لو عاوز فى كمان عمارة تانية فى نفس الشارع 200 متر

على فكرة 15% زيادة فى المساحة معقول قوى

بس نصيحة الجديد جديد بردوا

15% معقول بس المهم تشترى امتار اللى موجوده فى عقد الشقه الاصلى (يعنى لو العقد مكتوب فيه 100 متر تشترى 100 متر)
التشطيب بالشكل اللى بتتكلم بيه يعمل حوالى 500-600 جنيه فى المتر (بس ده لو شقه جديده ..ز القديم هو دفع كده بس ما تضمنش ماسوره من بره تضرب او حد فوقك يسرب عليك فلازم تاخد الموضوع ده فى اعتبارك)

التالت من غير اسانسير مقبول بس برضه سعره يقل عن التانى مثلا

لو الشقه من النوعيه اللى تحت بند 3900-4000 ممكن تتكلم معاه على 4250 للمتر و تتفاوضو لحد ما يوصل اخره 4500 مش اكتر

اقتباس:

---

المشاركة الأصلية كتبت بواسطة angel_wolf

حضرتك العمارة بقلها كام سنة الى حضرتك بتقول عليهم دول على ما اعرف عمارات قديمة

القديم سعر تانى خالص علشان انت هيطلع عينك من الى بينقك مية عليك والسلام حالتها هتبىق زفت على العموم هو عاوز كام فى المتر على العموم التشطيب لو الشفة فى حدود 120-140 متر التشطيب هيتكلف فى حدود 50 على الاكثر الاسعار دى انا لسة مشطب شقة فى الرنج دة والسراميك كلة كان الحوهرة وكليوبرترا ورويال وكلهم كان موديل السنة الحيطان كان واخدة 3 وشوش معجون ووشين دهان وكرنايش عمولة مش الى بتركب على طول والحمامات ديورافيت والبانيو فرانك سامى و جميع الحنفيات ايدال استندر
انا فى راى لو عاوز فى مساحة مش كبيرة فى المنطقة دى فى عمارة بتطلع فى الشارع الموازى لشارع الطيران الشارع اسمة زهير صبرى وفى هناك مساحات 125 و150 متر والمتر ب 4000 جنية لو عاوز فى كمان عمارة تانية فى نفس الشارع 200 متر

على فكرة 15% زيادة فى المساحة معقول قوى

بس نصيحة الجديد جديد بردوا

---

+111111

بص يا باشا اولا احب اقولك مفيش حاجة اسمها التشطيب يتحسب بكام انا فى المجال دا وعارفه كويس الشقة بتتحسب بسعر المتر فى العمارات القديمة الى زيها ملكش دعوة بالجديد وبتزود حاجة بسيطة للتشطيب لو سوبر لوكس زى ما بتقول وبعدين انا عالشان جوا المجال دا احب اقولك ان فى شقق سوبر سوبر لوكس ولما تيجى تبيعها تلاقى واحد سمسار ملوش اى لزمة داخل فى البيعة ويقولك التشطيب مش عاجبنى انا هكسره كله فزى ما بقولك ملكش دعوة بالجديد اسال سعر المتر فى العمارة الى زيها كام ولو التشطيب عاجبك زود حاجة بسيطة فى اجمالى سعر الشقة مش فى المتر وقول لصاحب الشقة مفيش حاجة اسمها اعلى سعر قولى انت سمعت كام علشان اقولك الشقة اد مقدرتى ولا لاء وحتى لو قالك انا محططولى فيها اد كدة نزل عنهم لان هو هيقولك السعر الى هو عاوزه

شباب انا متشكر بجد ليكم و لأرائكم و خبراتكم ربنا يخليكم ليا