لملاك التيجو طلب رخم و شويه استفسارات

**amir** · 28-11-2012 10:07 AM

السلام عليكم اصحاب التيجو
العبد لله محتاج يجرب سواقه العربيه و ياسلام لو اوتوماتك و مانيوال
في واحد قريبي عايز برضو يشتري و كان بيفكر فيها و كان ناوي يخلص في صني الجديده بس هو عينه علي التيجو زيي فلو مش فيها وباخه انا و هو عايزين نجرب سواقتهم
و بالنسبه لل2000 سي سي لسه بتنزل بفتحه سقف؟؟
و استهلاكات البنزين اخبارها ايه ؟
و الضريبه كام في السنه لل1600 و لل2000 و هل ال 1600 بطه فعلا ولا تشنيع؟

**hugan** · 28-11-2012 08:54 PM

ال 2000 محتاجه شويه تفكير خصوصا ان الدعم هايترفع عن العربيات ال 2000
دعم البنزين اقصد
في شهر ابريل

**amir** · 30-11-2012 10:56 PM

مش المفروض استهلاك ال 2000 سي سي بيزيد عن ال1600 بحاجه بسيطه
يعني متوسط ال1600 بيكون في حدود ال 200 كيلو في الصفيحه؟
الكلام عن الاوتوماتك
ال2000 سي سي اوتوماتك اعرف ان متوسطها حوالي 180 في الصفيحه

ولا ايه؟؟
و بعدين اعمل ايه نفسي في حاجه زي التيجو و التيريوس قاعده عجلاتها اقل و ارتفاعها اكتر من التيجو ده غير سعرها المرتفع و السوزوكي فيتارا خارج نطاق الامكانيه السعريه و اسمع ان المانيوال بتاعها اتنين باب بحوالي 130 الف تقريبا
ده غير ان سمعه التيجو ال1600 لو هتنازل عن الاوتو بايخه في السحب

و بالمناسبه فتحه السقف هل ممكن تتطلب سبيشيال اوردر في المانيوال؟؟؟؟

**hugan** · 03-12-2012 08:54 PM

مهندس ياسر
اهلا بحضرتك
كان ليا استفسار عن التيجو واتساعها
طبعا عارف ان516 صالونها اوسع من التيجو
يعني بتاخد 5 ركاب مرتاح بالسائق واوقات الكنبه الخلفيه تاخد 4 من اصحاب الجسم الرفيع
التيجو الكنبه الخلفيه يركب فيها 3 مرتاحين ولا ضيقه
دي حاجه
الشنطه بتاعت التيجو لو وضعنا فيها كرسي صغير يتفرد ويتطبق ممكن تاخد راكب كمان او قصاد بعض ولا صعبه
لك جزيل الشكر

**hugan** · 04-12-2012 08:05 PM

المشاركة الأصلية كتبت بواسطة aboomarahmad

السلام عليكم:
عزيزي أستاذ هوجان
في التيجو الكنبة تاخد 3 مرتاحين..
اما الشنطة فلو وضعنا فيها كرسي يتفرد ويطبق هتكون المساحة المتبقية على قد محتويات الشنطة نفسها لو مسافر مثلا
لكن لو فاضية ممكن يركب اتنين بس مش مرتاحين قوي
الصيف اللي فات قعدت ابني في الشنطة على حاجة عالية ومعاه شوية شنط فوق بعض من شنط السفر والباقي فوق السقف
كان قاعد كويس بس مش براحته 100%
وبالمناسبة ياريت حضرتك تقولي ممكن اعمل الكرسي اللي بيطبق ده عند مين؟ ولو عملت هعمل واحد بس

وتحت امرك
م.ياسر

شكرا لردك الجميل
الكرسي الصغير بيتباع في التوحيد والنور او محلات البلاستيكات وفي معارض المصايف
او نجار يفصله عموله
طبعا ان لوفي حد قعد في الشنطه مش هايكون معاه امتعه تانيه
انا قصدي ان اوقات كتير وفي مناسبات الظروق تحكم ان يكون في حدمن المعارف والاقارب او الاولاد الصغيرين
بيكونو مش معاهم عربيه والكل يركب ويتبق مثلا شخص واحد او ولدين
طبعا الواحد بيعتذر لان مفيش مكان
اما ان شاء الله لما اجيب التيجو فكرت في استخدام الشنطه لزياده الكراسي لاسواء الظروف
علشان كده كنت عايز اتاكد ن صلاحيه الشنطه لزياده الركاب
وكله بثوابه