مرايه الجنب-هيا ليها لازمة !!!!!!

**اسلام المصرى** · 24-06-2007 06:56 PM

طبعا ذى ما الأخوة الأفاضل ذكروا أنا بأقول برده أن الناس اللى ماشية قافلة المرايا بتعمل كده للحفاظ عليها مع ان الخسارة ممكن تكون أكتر من كده ! السواق الصح عمره ما يمشى و المرايا مش مظبوطة مش مقفولة فتحية للناس اللى بتمشى و ظبطا مراياتها و فتحاها :D :D أعتقد موضوع الزاوية الميتة أو المميتة فى ناس كتير جدا ماتعرفهاش!!

**حلواني** · 24-06-2007 07:51 PM

المشاركة الأصلية كتبت بواسطة hazem_khidr

انا عن نفسي بحس ان التلات مرايات في العربيه نص السواقه يعني لما ببص ليهم كاني ببص قدام بالضبط و ساعات كمان بضطر اني الف راسي بحالها علشان الزوايا الميته زي ما كريم قال وخصوصا لما باجي انقل من حاره للتانيه. :mrgreen:

انا بدأت اعمل كده فعلا (ابص من فوق كتفي في الاتجاه اللي ح احود فيه) من ساعة ما كنت ح البس في واحد ماشي جنبي . كنت فاكر المرايات كفاية طلعت مش كفاية . من اسبوعين تقريبا نشروا نصايح لحد من المرور قال النقطة دي بالتحديد قال المرايات مش كفاية ابدا و لازم تلف راسك قبل ما تغير اتجاهك .

**khalid_adel** · 24-06-2007 09:51 PM

انا الحمد لله من اول ما اتعلمت ازاي اسوق واول درس ليا اني اظبط التلات مرايات واني ازاي استخدمهم واهميتهم
ولما بسوق عربية حد من اصحابي فيها مرايا ناقصة بحث بتخلف عقلي وازاي ممكن امشي كده ماينفعش بجد
بالنسبة للزاوية المميتة دي انا خلاص حافظتها عندي وهي لما يكون الطريق زحمة وفي واحد جنبي معدي نص العربية ده مش بشوفة في المراية اليمين عشان كده ببص براسي لحظة كده يمين ( بقت حاجة اتوماتيك عندي ) اما لو بجري لوحدي في الشارع فا مش بحتاج غير ابص في المرايا بس لأني كده كده انا بعدي الكل وببفى شايفهم قدامي وانا لسه هاعديهم اما لو كان في حد بيجري معاك فلازم تبص عليه براسك عشان ممكن يكون جنبك وانت مش واخد بالك وتيجي تكسر وانت سخن كده تلاقي طراااخ
معلش طولت عليكو بس ارجو ان اكون اللي قلتة مظبوط

**bassam nagy** · 24-06-2007 10:38 PM

ان التلات مرايات في العربيه نص السواقه يعني لما ببص ليهم كاني ببص قدام بالضبط و ساعات

المرايا الية فى النصف مهما جدا هيا واليمين حصل معايا موقف قبل كدة كنت ماشى فى امان اللة وكنت ضارب اشارة يمين وبصيت فى المراية اليمين مافيش حاجة ورايا ونسيت ابص فى النصف وفجاة لقيت عربية يمينى اتارية واخذ غرزة من اقصى الشمال الى اقصى اليمين ربنا ستر الحمد اللة: وحاجة زى دى غلطتى انى مابصيتش على المراية الية فى النصف لانها بتكشف وراء العربية كلة

**جندى مجند** · 25-06-2007 01:50 AM

الصورة دى بتوضح المنطقة العمياء اللى مرايات السيارة مابتغطيهاش (العربية الزرقاء مش شايفة العربية الحمرا):

========================
و دى مقارنة لنوعين من المرايات اللى بتكشف المنطقة العمياء:

**hazem_khidr** · 25-06-2007 06:36 AM

شكرا يا اخ جندي علي الصور الجميله دي

**fady** · 25-06-2007 08:58 AM

الموضوع مهم جدا و اكثر من رائع

الصورة دى بتوضح المنطقة العمياء اللى مرايات السيارة مابتغطيهاش (العربية الزرقاء مش شايفة العربية الحمرا):

شكرا يا جندي مجند على التوضيح بالصور.

**سمير يونس** · 25-06-2007 09:03 AM

جزاك الله كل خير على الصور الجميلة المفيدة

**AhmedElsayed** · 25-06-2007 09:16 AM

شكرا ليكم يا جماعة بصراحة انا اول مرة اعرف الزاويا الميتة دى
كنت بلاحظ ان فى عربيات مبشوفهاش وكنت بعتقد ان انا اللى مش عارف اظبط المرايات واقعد اضبظ فيها مليون مرة