الرفع للافادة والاهمية خاصة ان الموضوع ما زال محتفظ بالصور داخلة
عرض للطباعة
الرفع للافادة والاهمية خاصة ان الموضوع ما زال محتفظ بالصور داخلة
الاوبل فيكترا موضوع المراية مش بيشغل صاحبها لانها جزء من السيارة
يا يا كريم جيت علي الجرح و الله العظيم
انا اول حادثه في حياتي كانت بسبب المنطقه العمياء ديه و بعديها لما اجي اخش يمين او شمال ومش متاكد بطلع براسي لقدما وبس ورايا وبانقل من حاره لي حاره بالتدريج علشان لو في حد اكيد هيزمر للصبح
وبالنسبه للناس الي مش بتسخدم المرايا و الله عربيتي اتخبطت مرتين في يوم واحد واحد بعربيه نقل شاسيه طويل بيخش البيه ورايا ام جبلي الصاج بالفانوس نزلت طبعا ملحمه من الشتايم و موشح تهزيء طبعا لان البيه لو كان تعب نفسه وبص في المرايا الي الهي يتعمي وريحمنا من سواقته وسيبته و مشيت في الاخر مش عاقبل العوض من حد
وفي نفس اليوم وانا عند دار القضاء العالي و الله العظيم راكن و قاعد في العربيه علشان كنت بتكلم في الموبيل واذ افائج بالعربيه اترجت جامت انزل ابوص يا حبيبي واحد بيطلع من ركنه و مافيش حاجه اسمها مرايا اصلا موجوده ولا شمال ولا ليمين وقام داخل في الباب الي جنبي وانزل ازعقله وبيقولي في ايه البيه اصلا باين فاقد الوعي و لا في غيبوبه وبيقولي انا بوسع علشان اخرج طبعا كنت عايز اولع فيه و في اهله بس مسكت نفسي بالعفيه لان كانت امه معاه
انا بعتقد انها مهمة جدا بس لاحظت ان فى ناس كتير حتى الرجالة مش الستات بس
مش بيستعملوها او بيستعملوا واحدة والتانية لا
مش حعلق على الشتيمة وانك ماشي عايز تولع في الناس :)
بس الجملة دي هي اللي تستحق التعليق. ليه ماتقبلش عوض؟
هو اللي خبطك وبيدفع تم غلطته ده بيبقشش عليك؟ بيديك حسنة؟
العوض لا هو حرام ولا عيب. احنا بس ثقافتنا المتخلفة اللي بتنظر على العوض كأنه عيب!
الغريبة أن الغرب ماعندوش مشكلة في العوض واحنا بس في مجتمعاتنا الشرقية اللي مستعيبنها.
بغض النظر أنه كله مأمن على عربيته.
عن نفسي بحس ان المرايات في العربيه نص السواقه
اه طبعا المرايات مهمة جداً و بصراحة اللي مش بيستخدم المرايات و هو بيسوق بعتبره معوق ذهنياً و متخلف و ميستهلش يركب عربية!
بس المرايات برضه بتخلى الواحد يشوف العجب: موقف افتكرته لسة حالاً ... ببص في المرايا اللي في النص لقيت واحدة سايقة تيريوس Ii و و اللي قاعدة جنبها بتوريها حاجة عاللابتوب و يا سلااااام على كمية الكلاكسات اللي خدتها البنوتة دي ... بجد لو كنت معايا و شفتها و هي بتحدف يمين و مش واخدة بالها من الطريق كنت هتقول "ربنا ينتقم من اللي طلعلك الرخصة" !
لما تشوف حد ماشى وقافل المراية يبقى تأكد انة حتة ........
وحذارى تدخل جنبة الا لما تديلة موشح كلاكسات
الموضوع دة مهم جدا بجد المراية دى بعتبرها عصب السواقة انا مش فاهم الناس الى بتمشى من غير مراية خالص ولا الى بيقفلوها دول بيمشوا ازاى بالظبت انا اعتقد انهم مش بيعملوا حساب لاى حد على الطريق غير نفسهم دا عشان تكسر يمين لازم تبص فى مراية اليمين ولو بتبص شمال لازم تبص فى مراية الشمال ومراية النص دى عينى بأستمرار عليها على الاقل ابقى عارف الدنيا ورايا عاملة اية وبردو مرايات الجنب لازم اتابعهم بأستمرار من الاخر وانا سايق لازم تبقى عينى محوطة العربية والشارع من الجنبين وورايا وقدامى
اما بقى بالنسبة للنقطة العمياء او الميتة بجد بتزاول منها جامد وبتخلينى لو هعدى حارة او انقل لحارة تانية انى اوطى شوية عشان اكشف الطريق كلة لأنى وانا بتعلم طبعا الى علمنى قبل لما يعلمنى اطلع بالعربية كان معلمنى ان اهم حاجة المرايات واهميتها قبل ميعرفنى احرك العربية ازاى واتحطيت فى موقف انى عايز انقل للحارة اليمين وبعدين ببص فى المراية اليمين لقيت الطريق فاضى جنبى بس سامع صوت ماتور عربية مع انى مش شايفها ببص لقيت فعلا عربية سزوكى توناية ماشية جنبى تقريب على بعد 3متر والموقف دة الى خلانى افهم النقطة العمياء ومن ساعتها وانا باخد كل حظرى واتأكد تماما ان مفيش حاجة فى النقطة العمياء واوطى سنة اكشف الجنب كلة هى ممكن تكون طريقة غريبة او غير صحيحة بس على الاقل امان
بس هل فى طريقة تتعمل فى المراية او اى فكرة عشان النقطة العمياء دى تبان هل زجاج مرايات بيتباع الى هو نصين زى بعض العربيات ولا ازاى اقدر اتغلب على النقطة دى وشكرا لموضوع الهادف واسف جدا للأطالة بس بجد الموضوع مهم وكلامة كتير