شكلها جابت جوان وش سلندر تانى :(

السلام عليكم ورحمة الله وبركاته

رجاله اسكودا يارب الكل يكون بخييير

من كام يوم كدا فيلشيتى بنزل الصبح بيها وطبيعى كل يوم ببص على المياه والزيت قبل ما انزل

امبارح المياه كانت ناقصه جامد زودها ومحطتش فى دماغى حاجة قلت طبيعى يمكن عشان بقالى كام يوم مابصتش عليها

النهارده الصبح بقى ببص على المياه لقيتها ناقصه زودها وقيست الزيت وقبل ما اقفل الكبود شيلت غطاء الزيت لقيت فيه طحينه :((((

بصراحه اتخضيت واضايقت اووى ونزلت مضايق النهارده

بس لما فكرت فى الموضوع شويه افتكرت لما غيرت جوان وش السلندر من حوالى شهر ونص كده

وتانى يوم بعد ما غيرت الجوان وخدت العربيه من عند الميكانيكى صحيت الصبح ببص على المياه لقيتها ناقصه جامد وزودها وبرضه كانت عامله طحينه فى غطاء الزيت رجعتله تانى قالى متقلقش ده بس فى تسريب مياه بسيط وحط بن (قهوه) فى قربه المياه وقالى لف بيها شويه ومش هتلاقى الطحينه دى تانى ولا هيكون فى تسريب مياه تانى

وفعلا كلامه كان مظبوط 100 % لحد النهارده بقى لقيت الطحينه دى

هل بقى هيا فى مشكله فى الجوان ولا محتاجه بن زى ما عمل قبل كده عشان التسريب ده ؟؟؟

عايز تعرف جابت جوان ولا لا من حاجتين
اولا اكبس بنزين جامد جدا وبعدين انزل بص على الشكمان لو جايب مية كتير يبقي كده جوان
ثانيا دور العربية وسيبها لحد ماتسخن وبعدين افتح غطا القربة بس بشويش وشوف المية لو فيها فوران يبقي كده جوان
حاجة مهمة اوى ممكن تكون المية دخلت على الزيت ومش شرط انها تخرج من فتحة الشكمان بمعنى ايه يعني يكون مجارى المياة اللى فى وش السلندر اتاكلت ودخلت على الزيت ومدخلتش غرفة الاحتراق
بص علشان متوهكش شوف الحاجتين اللى انا قلت عليهم وان شاء الله خير بس نصيحة ياريت متخليش الميكانيكي اللى عمل الجوان المرة اللى فاتت يشتغل فيها تانى

اقتباس:

---

المشاركة الأصلية كتبت بواسطة المنسي

عايز تعرف جابت جوان ولا لا من حاجتين
اولا اكبس بنزين جامد جدا وبعدين انزل بص على الشكمان لو جايب مية كتير يبقي كده جوان
ثانيا دور العربية وسيبها لحد ماتسخن وبعدين افتح غطا القربة بس بشويش وشوف المية لو فيها فوران يبقي كده جوان
حاجة مهمة اوى ممكن تكون المية دخلت على الزيت ومش شرط انها تخرج من فتحة الشكمان بمعنى ايه يعني يكون مجارى المياة اللى فى وش السلندر اتاكلت ودخلت على الزيت ومدخلتش غرفة الاحتراق
بص علشان متوهكش شوف الحاجتين اللى انا قلت عليهم وان شاء الله خير بس نصيحة ياريت متخليش الميكانيكي اللى عمل الجوان المرة اللى فاتت يشتغل فيها تانى

---

فوران ده اللى هو ازاى (غليان يعنى )

يقصد فى نفخ ولا لاء
لان لو جوان هيبقى فيه تسريب لضغط الشحنه الناتجة عن الحريق وبتخرج من دورة الميه ...... فهمت قصده ؟

اقتباس:

---

المشاركة الأصلية كتبت بواسطة Mostafa.Ramdan

فوران ده اللى هو ازاى (غليان يعنى )

---

حاجة زى كده

جربت ولكن مفيش فوران والمياه هاديه جدا مش بتتحرك بس الشكمان بينزل مياه بس مش كتير لما ازود بنزين جامد

اقتباس:

---

المشاركة الأصلية كتبت بواسطة المنسي

عايز تعرف جابت جوان ولا لا من حاجتين
اولا اكبس بنزين جامد جدا وبعدين انزل بص على الشكمان لو جايب مية كتير يبقي كده جوان
ثانيا دور العربية وسيبها لحد ماتسخن وبعدين افتح غطا القربة بس بشويش وشوف المية لو فيها فوران يبقي كده جوان
حاجة مهمة اوى ممكن تكون المية دخلت على الزيت ومش شرط انها تخرج من فتحة الشكمان بمعنى ايه يعني يكون مجارى المياة اللى فى وش السلندر اتاكلت ودخلت على الزيت ومدخلتش غرفة الاحتراق
بص علشان متوهكش شوف الحاجتين اللى انا قلت عليهم وان شاء الله خير بس نصيحة ياريت متخليش الميكانيكي اللى عمل الجوان المرة اللى فاتت يشتغل فيها تانى

---

اعتقد الفوران مش محتاج ان العربية تسخن لانه معتمد على ان تسريب الكبس بيروح في دورة التبريد واحنا بنعرفه انه من اول متشغل العربية هتلاقيه....

Sent from my SE Arc S using Forum Runner

اقتباس:

---

المشاركة الأصلية كتبت بواسطة Mostafa.Ramdan

جربت ولكن مفيش فوران والمياه هاديه جدا مش بتتحرك بس الشكمان بينزل مياه بس مش كتير لما ازود بنزين جامد

---

سحب العربية اخباره ايه؟
الحرارة أخبارها ايه؟
متأكد ان مفيش مكان تاني فيه تسريب؟
غطا الريديتر كويس والقربه؟
بتحط ميه خضراء ولا عادية؟
تحياتي

Sent from my SE Arc S using Forum Runner

انا عانيت من الموضوع ده كتييير لدرجه انى غريت 3 مرات جوان وش السلندر على مدار 4 سنين و بعد تالت مرة العربية مشيت يدوب 200 كيلو و لقيت بردو طحينة .. فالميكانيكى قالى عايزة موتور و العربية حاليا بيتغيرلها موتور

كان فيه حاجه اسمها بلوك سيل استاذ صبحى قال عليها تقريبا فكرتها زى البن كده ممكن تجربها بس انا الصراحة مجربتهاش

بص يادرش بلاش تزعل نفسك مافيش حاجة تستاهل وكل عقده وليها حلال::

اولا الصبح لما بتدور العربية طلع مقياس الزيت كدا وبص عليه لو عليه طحينة يبقى جوان لو الزيت اسود طبيعى يبقى الجوان سليم....

ثانيا : العربية لو جابت جوان حرارة الموتور حترتفع خالص....

اما اللى حضرتك بتشوفة على غطاء الزيت مش مقياس انو يكون العربية جابت وش سلندر لأن احياننا الزيت بيبقى مغشوش وطبعا دا بيظهر على غطاء الزيت....

شوف بقى ياعم درش لو تاكدت انو العربيه جابت وش سلندر اعمل الأتى ودا اللى انا عملتة من سنة ونصف وكنت زيك كل شهر اغير جوان اه والله واحاننا مبتوصلش لشهر....*

اولا حضرتك تروح للمياكنيكى أسف(الدكتور) قولو عاوزك تفك وش الاجرا (السلندر) وخليه يفضهولك تمتم وقولو انا واحد صاحبى عندة مخرطة حاروح اظبطة ومش حاخد منى فلوس قولو كدا حيدهولك روح للمخركة خلى الخراط يبص عليه لو فية تنقير على الوش يبقى عاوز تزويد المونيو روح زودة فى ورش مخصوص لكدة وارجع المخرطة خليه يمسحة تمام وماتنساش تاخد الصبابات معاك المخرطة خلاص كدا اشترى وانتا راجع جوان وش سلند دوبل وروح للميكانيكى الحجات التانية هايفة حتشتريها من جنب الورشة وخلى البيه الميكانيكى يركب وانا واسق انك حتنسى صداع وش الاجرام دا نهائى اعمل اللى انا قلتهولك وادعيلى بظهر الغيب يادرش الله يرضى عليك....*

على فكرة يادرش انتا ممكن تعمل كل الموضوع بتاع البيه الميكانيكى بنفسك لو عاوز انا تحت امرك اشرحلك بالتفصيل ازاى تفك وش السلندر وازاى تظبط التقسيمة وازاى تربط الوش ....*

اه مصطفى ماتنساش ترجع للدكتور بعد اسبوع يحرق على الوش مهم جدا جدا جدا....

اقتباس:

---

المشاركة الأصلية كتبت بواسطة forti

انا عانيت من الموضوع ده كتييير لدرجه انى غريت 3 مرات جوان وش السلندر على مدار 4 سنين و بعد تالت مرة العربية مشيت يدوب 200 كيلو و لقيت بردو طحينة .. فالميكانيكى قالى عايزة موتور و العربية حاليا بيتغيرلها موتور

كان فيه حاجه اسمها بلوك سيل استاذ صبحى قال عليها تقريبا فكرتها زى البن كده ممكن تجربها بس انا الصراحة مجربتهاش

---

على فكرة يادكتر مصطفى البلوك سيل دا انا مجربه عمليا ولسة النهاردة لقيت عربية زميلى فى الشغل بترشح مية من عند الكوعة وحطيطله عبوة بلوك سيل على فكرة بيس اى مسام حتى لو فى طلومبة الميه اه والله تصدق....

مش عايز اكون بقلقك بالرد ده بس ان شاء الله تكون بسيطة

اقتباس:

---

المشاركة الأصلية كتبت بواسطة sakr1964

على فكرة يادكتر مصطفى البلوك سيل دا انا مجربه عمليا ولسة النهاردة لقيت عربية زميلى فى الشغل بترشح مية من عند الكوعة وحطيطله عبوة بلوك سيل على فكرة بيس اى مسام حتى لو فى طلومبة الميه اه والله تصدق....

---

انا بصراحة مجربتوش .. و قلنا نغير الموتور لانه قرفنا بصراحة .. و دعواتك بقى العربية تتظبط و الموتور يكون كويس

شكر لكل من ساهم بالردود الجميله و الرئعه
بالتوفيق للجميع

على فكرة حكاية مسح وش السلندر دى عن تجربة بيقلل من قدرة الموتور وبيخلليه يكركر حتى لو حطيت جوان دوبل ودة لتغير مقاس غرفة الأحتراق فانا شايف انك تجيب وش سلندر استعمال كامل بالصبابات افضل بس قبل كدة خلى الميكانيكى يبص على الشمايز من تحت بعد مايفك كرتيرة الزيت انا كان عندى الشمايز فيها تآكل بسيط من القاعدة ومشيت بشوية سليكون مع جوان نحاس للشمايز ومنعت نقص المية تماما بس بردة حتغير الجوان وربنا يقويك !!؟؟

اقتباس:

---

المشاركة الأصلية كتبت بواسطة aw2100

على فكرة حكاية مسح وش السلندر دى عن تجربة بيقلل من قدرة الموتور وبيخلليه يكركر حتى لو حطيت جوان دوبل ودة لتغير مقاس غرفة الأحتراق فانا شايف انك تجيب وش سلندر استعمال كامل بالصبابات افضل بس قبل كدة خلى الميكانيكى يبص على الشمايز من تحت بعد مايفك كرتيرة الزيت انا كان عندى الشمايز فيها تآكل بسيط من القاعدة ومشيت بشوية سليكون مع جوان نحاس للشمايز ومنعت نقص المية تماما بس بردة حتغير الجوان وربنا يقويك !!؟؟

---

كلام سليم كلنا متفقين عليه بس انا باقول زود وش السليندر المونيون يعنى ايه اللى بيخلى وش السلندر يسرب مية حاجة من تنين الاولى ان الوش يقفع ودا مش موضوعى وانصح بشراء وش استيراد الحاجة الثانية هى وجود تنقير فى وش السيلندر ودا الشائع فاحنا نزود التانقير اللى فى الوش المونيوم ويتم مسح الوش على المخرطة والالتزام بمستوى الوش كما هو فبريكة المخرطة حتشيل زيادات الالمونيوم المزودة صح الكلام ولا........

فى البدايه بشكر كل الناس اللى اهتمت بالموضوع

الحمد لله روحت للميكانيكى النهارده وقالى مش جوان وش سلندر خالص قالى ده فى تسريب مياه

وحط فى قربه المياه بن (قهوه) تانى وقالى لف بيها شويه وهتظبط معاك

قلتله وانا هفضل اديها فى بن كده كتير قالى ممكن تريح نفسك وعدى على اى بنزينه وهات انبوبه كده ب 35 جنيه وحطها فى قربه المياه وهتسد اى تسريب فى الموتور بس بصراحه مش فاكر اسم الانبوبه دى ايه

والحمد لله مشيت بالعربيه بعد ما حط القهوه فيها حوالى 20 او 30 كيلو وركنت تحت البيت وبصيت على غطاء الزيت مفيش طحينه الحمد لله

تفتكروا هو فعلا تسريب مياه والبن ده ليه تأثير جبار كده ؟؟

اكيد لان العربيه مظبوطه معاك
لان مفيش سخونيه زايده
اكيد لان الحرق كويس والسحب كويس والعربيه منتظمه
يبقى الموضوع شويه تسريب
وان شاء الله مفيش جوان ولاحاجه

فعلا غريبة موضوع البن دة

اقتباس:

---

المشاركة الأصلية كتبت بواسطة mostafa.ramdan

فى البدايه بشكر كل الناس اللى اهتمت بالموضوع

الحمد لله روحت للميكانيكى النهارده وقالى مش جوان وش سلندر خالص قالى ده فى تسريب مياه

وحط فى قربه المياه بن (قهوه) تانى وقالى لف بيها شويه وهتظبط معاك

قلتله وانا هفضل اديها فى بن كده كتير قالى ممكن تريح نفسك وعدى على اى بنزينه وهات انبوبه كده ب 35 جنيه وحطها فى قربه المياه وهتسد اى تسريب فى الموتور بس بصراحه مش فاكر اسم الانبوبه دى ايه

والحمد لله مشيت بالعربيه بعد ما حط القهوه فيها حوالى 20 او 30 كيلو وركنت تحت البيت وبصيت على غطاء الزيت مفيش طحينه الحمد لله

تفتكروا هو فعلا تسريب مياه والبن ده ليه تأثير جبار كده ؟؟

---

البن دة مجرد مسكن يعنى مش ثابت لسدد اى تسريب مية ممكن تخلى شوية بن فى العربية للاحتياط انصحك تحط اى نوع من انواع البلوك سيل ودة اثبت بس اتبع المكتوب على العبوة علشان لو سبته فترة كبيرة فى المية ممكن يسد الرادياتير

اقتباس:

---

المشاركة الأصلية كتبت بواسطة Mostafa.Ramdan

قالى متقلقش ده بس فى تسريب مياه بسيط وحط بن (قهوه) فى قربه المياه

---

[OVERLINE]اكيد عايزه تشرب قهوه تانى :grinder:[/OVERLINE]

اقتباس:

---

المشاركة الأصلية كتبت بواسطة Mostafa.Ramdan

قالى متقلقش ده بس فى تسريب مياه بسيط وحط بن (قهوه) فى قربه المياه

---

[OVERLINE]اكيد عايزه تشرب قهوه تانى :grinder:[/OVERLINE]

اقتباس:

---

المشاركة الأصلية كتبت بواسطة ahmed air

[OVERLINE]اكيد عايزه تشرب قهوه تانى :grinder:[/OVERLINE]

---

والحمد لله شربت القهوه ومشيت فل ومبقاش فى تسريب خالص

اصل دماغها تقيله العربيه دى :grinder:

اقتباس:

---

المشاركة الأصلية كتبت بواسطة aw2100

البن دة مجرد مسكن يعنى مش ثابت لسدد اى تسريب مية ممكن تخلى شوية بن فى العربية للاحتياط انصحك تحط اى نوع من انواع البلوك سيل ودة اثبت بس اتبع المكتوب على العبوة علشان لو سبته فترة كبيرة فى المية ممكن يسد الرادياتير

---

ان شاء الله هبقى اروح البنزينه اجيبه بس هو فى منه انواع ولا ايه ظروفه البلوك سيل ده

انا اللى اعرفه ان سعره 35 جنيه

اقتباس:

---

المشاركة الأصلية كتبت بواسطة aw2100

البن دة مجرد مسكن يعنى مش ثابت لسدد اى تسريب مية ممكن تخلى شوية بن فى العربية للاحتياط انصحك تحط اى نوع من انواع البلوك سيل ودة اثبت بس اتبع المكتوب على العبوة علشان لو سبته فترة كبيرة فى المية ممكن يسد الرادياتير

---

ان شاء الله هبقى اروح البنزينه اجيبه بس هو فى منه انواع ولا ايه ظروفه البلوك سيل ده

انا اللى اعرفه ان سعره 35 جنيه

يادر ش ياريت تراجع مشاركاتى فى موضوعك هذا اشرت عليك به البلوك سيل موجود محطة بنزين التعاون او توتال وسعرة بالظبط 32.5 اشتريه وانا حشرحلك ازاى تستعمله ودا عن تجربة خاصة ....

البــــــــــــــــــــــ ــــــلوك سيـــــــــــــــــــــــ ـــــــل

http://www6.0zz0.com/2012/11/29/14/660480356.jpg

ا

السلام عليكم

بإذن الله تجربتك تنجح وعربيتك ترجع زيرو من غير فك ولا ربط... المهم هو الإلتزام بالخطوات الآتية:
1- تفتح الكبوت وتقول بسم الله
2- العربية لازم تكون باردة خالص، يعني تكون راكنها من بليل مثلا والتجربة في الصباح
3- تحضر جنبك شوية حاجات عشان متتلبخش زي جركن مياه أو اتنين، ومفك عشان تفك خرطوم الردياتير وتربط، وعلبة المادة،
(((( قبل ماتدور العربية)))
4- تيجي على قربة المياه بتاعت الردياتير تلاقي تحتها خرطوم تخين نازل منها متجه للردياتير تفكه خالص وتنزله لتحت لغاية ما تفضي المياه.
5- تركبه مرة تانية بإحكام
6- ترج علبة المادة رجا جيدا....
7- تفتحها وتفضي المادة كلها في قربة الردياتير وتدور العربية وخلال 3 ثواني تكون واقف جنب القربة وبتفض الجركن اللي معاك في القربة
8- هتلاقي طبعا المادة اتسحبت مع المياه للردياتير.. وإياك متفضيش الردياتير الأول لأنك لو معملتش كدة هتفض المادة في القربة ومش هتخش قي الردياتير ومش هتدور في الموتور ونعجن وتنشف وهتدوخك.
9- بعد إضافة المياه للمنسوب الطبيعي (( متملاش القربة على اآخر)) وده الطبيعي.
10- سيب الغطاء مفتوح والعربية دايرة على السلانسية لمدة 5-10 دقائق حسب حالة الجو مع متابعة مؤشر الحرارة لأن لازم العربية تسخن كويس والمادة عملة تدور مع دورة التبريد.
11- إغلق غطاء القربة جيدا بعد التأكد من منسوب المياه مظبوط وإن مفيش هواء في الدورة
12- بالنسبة لي مغيرتش ولا فضيت المياه اللي فيها المادة لغاية اللحظة دي، بس العبوة مكتوب عليها إنك تفضي المياه وتحط مياه جديدة، وبالنسبالي الموضوع مفيهوش مشاكل لأن الموضوع ده عملته قبل كدة في عربية إلانترا وسيبنا المياه برضه عادي.
13- إتحرك عادي بعربيتك مع ملاحظة الحرارة، وتاني يوم تكشف على مياه القربة وشوف المشاكل السابقة انتهت أم لا!!!
وربنا يوفقك وأنا تحت أمرك

اقتباس:

---

المشاركة الأصلية كتبت بواسطة sakr1964

يادر ش ياريت تراجع مشاركاتى فى موضوعك هذا اشرت عليك به البلوك سيل موجود محطة بنزين التعاون او توتال وسعرة بالظبط 32.5 اشتريه وانا حشرحلك ازاى تستعمله ودا عن تجربة خاصة ....

---

استاذ صبحى قريت مشاركت حضرتك بس هو اسمه بلوك سيل ولا ده نوع ولا ايه عشان لما اروح اجيبه اقول للراجل ايه ؟؟

على فكره مستنى رد حضرتك عشان تقولى معلومات اكتر عن البلوك سيل ده

اقتباس:

---

المشاركة الأصلية كتبت بواسطة sakr1964

البــــــــــــــــــــــ ــــــلوك سيـــــــــــــــــــــــ ـــــــل

http://www6.0zz0.com/2012/11/29/14/660480356.jpg

ا

السلام عليكم

بإذن الله تجربتك تنجح وعربيتك ترجع زيرو من غير فك ولا ربط... المهم هو الإلتزام بالخطوات الآتية:
1- تفتح الكبوت وتقول بسم الله
2- العربية لازم تكون باردة خالص، يعني تكون راكنها من بليل مثلا والتجربة في الصباح
3- تحضر جنبك شوية حاجات عشان متتلبخش زي جركن مياه أو اتنين، ومفك عشان تفك خرطوم الردياتير وتربط، وعلبة المادة،
(((( قبل ماتدور العربية)))
4- تيجي على قربة المياه بتاعت الردياتير تلاقي تحتها خرطوم تخين نازل منها متجه للردياتير تفكه خالص وتنزله لتحت لغاية ما تفضي المياه.
5- تركبه مرة تانية بإحكام
6- ترج علبة المادة رجا جيدا....
7- تفتحها وتفضي المادة كلها في قربة الردياتير وتدور العربية وخلال 3 ثواني تكون واقف جنب القربة وبتفض الجركن اللي معاك في القربة
8- هتلاقي طبعا المادة اتسحبت مع المياه للردياتير.. وإياك متفضيش الردياتير الأول لأنك لو معملتش كدة هتفض المادة في القربة ومش هتخش قي الردياتير ومش هتدور في الموتور ونعجن وتنشف وهتدوخك.
9- بعد إضافة المياه للمنسوب الطبيعي (( متملاش القربة على اآخر)) وده الطبيعي.
10- سيب الغطاء مفتوح والعربية دايرة على السلانسية لمدة 5-10 دقائق حسب حالة الجو مع متابعة مؤشر الحرارة لأن لازم العربية تسخن كويس والمادة عملة تدور مع دورة التبريد.
11- إغلق غطاء القربة جيدا بعد التأكد من منسوب المياه مظبوط وإن مفيش هواء في الدورة
12- بالنسبة لي مغيرتش ولا فضيت المياه اللي فيها المادة لغاية اللحظة دي، بس العبوة مكتوب عليها إنك تفضي المياه وتحط مياه جديدة، وبالنسبالي الموضوع مفيهوش مشاكل لأن الموضوع ده عملته قبل كدة في عربية إلانترا وسيبنا المياه برضه عادي.
13- إتحرك عادي بعربيتك مع ملاحظة الحرارة، وتاني يوم تكشف على مياه القربة وشوف المشاكل السابقة انتهت أم لا!!!
وربنا يوفقك وأنا تحت أمرك

---

بجد مش عارف اقولك ايه

استــــــــــــاذ ورئيس قسم
وان شاء الله هشتريه اول الشهر كده عشان احنا فى اخر الشهر :)

ولو فى اى مشكله هراجع مع حضرتك

و الله فعلا استاذ و رئيس قسم يا استاذ صبحى :)