صباح الفل عليكوا ياجماعة !!!
عندي مشكلة مش عارف من ايه ؟؟ لما اجي اشغل العربية وتبدي تسخن تجيب شرطتين والربعة ترجع تاني شرطتين لمدة 3 دقائق وترجع تاني اربعة ده اثناء المشي وبتحصلي كل يوم
لو حد عنده معلومة يقدر يفيدنا ؟؟؟
عرض للطباعة
صباح الفل عليكوا ياجماعة !!!
عندي مشكلة مش عارف من ايه ؟؟ لما اجي اشغل العربية وتبدي تسخن تجيب شرطتين والربعة ترجع تاني شرطتين لمدة 3 دقائق وترجع تاني اربعة ده اثناء المشي وبتحصلي كل يوم
لو حد عنده معلومة يقدر يفيدنا ؟؟؟
سينسور حرارة اطلع على التوكيل و هما هيغيروه ببلاش ان شاء الله لو العربية لسة في الضمان
حصل معايا كده و في صيانه ال25000 كلمت الفني اللي بيقولوا عليه مهندس يا باشمهندس مؤشر الحراره عندي بعد ما يوصل ل 4 شرط ينزل ل2 فتره و يرجع تاني 4 قال لي عادي ( الكلمه المشهوره في بقهم ) قلت له لا مش عادي المهم قال حنشوفه . بعد الصيانه لقيت الورقه اللي بيدوهاني بعد الصيانه تفيد ان صلح فيها عدد 2 شكوي من العميل ( مؤشر الحراره و كانت فيها رجه من تحت ) النهارده و انا رايح الشغل لقيت المؤشر زي الاول يطلع و ينزل بصراحه اضيقت و قلت لما اروح اكلم الخط الساخن 16202 و اللي سبق و اني كلمتهم للحجز . المهم النهارده و انا في الشغل لقيت الموبايل بيرن
صباح الخير يا فندم
انا : صباح النور
معاك المصريه العالميه للسيارات توكيل رينو
انا : اهلا و سهلا
سيادتك كنت من يومين بتعمل صيانه ال 25000 لك عليها اي ملاحظات
انا : قلت لها بصراحه انا مش مبسوط منكم
خير يا افندم
انا : كل اللي قلت لهم عليه مفيش فيها حاجه اتعملت
طيب ممكن يا افندم تتصل ب 16202 و تحجز تاني علي الميعاد اللي يناسبك و هما ان شاء الله يقوموا باللي سيادتك تقول لهم عاليه
انا : طيب يا ستي ليه مش من الاول . عموما شكرا لكم
و انهيت المكالمه
طبعا انا طولت عليكم بس حبيت انقل لكم اللي حصل معايا بدقه
و علي أني كنت متضايق الصبح الا اني مبسوط ان هناك متابعه من الشركه علي ورش الصيانه .
مع العلم ان دي مش اول مره تتصل بيه الشركه بعد الصيانه .
شكرا رينو
أنا حصل معايا نفس المشكلة وغيرت الكوعة + ترموستات فى التوكيل بس للأسف دفعت 450 جنيه لأنى مش منتظم فى الصيانة فى التوكيل.
تكمله للموضوع . اتصلت ب 16202 و حجزت في سموحه امبارح . روحت الساعه 9 قابلتي مدموازيل هناك استمعت للمشكله و نادت علي الفني قالت الاستاذ شاكي في الشركه علي مؤشر الحراره و فيه صوت من تحت العربيه . استلموها مني ضبطوها و بعد الظهر استلمتها . بصراحه و كانها علي الزيرو . المؤشر علي 4 شرط لا يطلع و لا ينزل و الصوت اللي تحت راح و حاسس اني لسه شاريها جديد . اليوم اتصلوا بيه الصبح و سالوني علي اخبار العربيه قلت لهم زي الفل بس ليه مكنش الكلام ده من الاول . ضحكت و قالت لي ان شاء الله مش حيحصل كده تاني . شكرا رينو .
شكرا frhateg :)
والعيب كان فى ايه
نفس المشكلة كانت عندى من سنة تقريبا و بدأت ترجع تانى