تجربة قيادة infiniti fx50s -وثبات رائع حتي سرعه 260 كم

الاسبوع اللي فات كنت في رحلة عمل من الرياض الى الإحساء المسافه حوالي ٣٥٠ او ٤٠٠ كيلو تقريبا
سافرنا من الرياض الاول بعربيه Land Crouser V6 ٢٠١٢ ماشاء الله عزمها قوي لكن مش مريحة في الركوب خصوصا الكنبه الخلفية، انما طبعا وضعية قياده ممتازة واستجابه وتسارع جيدين جدا بالنسبه لوزنها، من جوا فقيره وخامتها عاديه ومافيهاش اي نوع من الفخامه يمكن عشان استاندرد اقل فئة، السرعه على الطريق كانت في المتوسط ١٩٠ احيانا تزيد واحيانا تقل، والعزل كويس مش بطال

نيجي بقا للوصول والاقي قدامي INFINITI FX50S لون ابيض لؤلؤي فل اوبشن بالكامل
هاحكيلكو عنها من جوا الاول،
الصالون جلد ومريح جدا سواء ورا او قدام، انما ورا مساحات الرجلين ضيقه شويه (يمكن عشان انا طويل)
الكراسي جلد مطرز كلها تحكم كهربائي مع دفايات ومساج للكراسي ومنافيخ هو لتعديل شكل المقعد، التابلوه فخم جدا والأضائة ممتازه، الشاشه واضحة وفي ٤ كاميرات بتعمل 3D للعربيه علي الشاشه تشوف بيها كل حاجة حواليك حتى بالليل، الرؤيه مش وحشه، العربيه فيها فتحة سقف وشاشه دي في دي خلفيه، واضائه مخفيه لكل اجزاء الصالون
الشاشه فيها تحكم في كل حاجة وممكن كمان تعرف منها ضغط الهواء في الاطارات وتزوده او تقلله اليكترونياً، كمان ممكن تشغلها تلفزيون عادي وفي في مسند اليد جهاز السديهات وفتحات التوصيل الAUX وفي ١١ سماعه Bose ومكيف مزدوج وطبعا في حاجات تانيه زي مثبت السرعه وحساسات المطر وحاجات تانيه تعتبر اساسيه في اي سياره فخمه
من برا العربيه شيك جدا وتصميمها رائع، العجلات مقاس ٢١ ، طبعا بتحس بالمطبات معاهم، انما ثبات رهيييييييييب، خصوصا لما تشوف عداد السرعه واقف عند الرقم 260 km وانت ولا حاسس بأي حاجة، العربيه فيها امكانيه تغيير استجابه المساعدين وتحويلهم للأداء الرياضى عن طريق زرار في النص عند الفتيس، الفتيس نفسه في وضعيه التعشيق الرياضي، وده بيقصر مسافات التعشيق وبيوصل العربيه للسرعه القصى لكل نقله اسرع من الاداء العادي، جربنا ناخد عرز بيها على سرعات عاليه وصلت ل٢٠٠ ومافيش اي مشاكل اطلاقا، مع ان تيل الفرامل كان محتاج يتغير انما ماحصلش حاجة الحمد لله
الموتور v8 5000cc قوته ٣٩٠ حصان، عزم جبار وتسارع لغايه ١٠٠ في ٥ ثوان تقريبا وعن تجربه، خصوصا ان العربيه وزنها خفيف وواطيه شويه على الارض
طبعا كان صعب اصور عشان كنا طالعين شغل وصعب الواحد يطلع كاميرا كل شويه ويصور هههههه شكلها محرج شويه

اي استفسار يا شباب انا جاهز وديه شويه صور تعبيريه ، مش نفس العربيه انما زيها لتوضيح الصوره اكتر

http://nileup.com/up/uploads/nilemotors_13541011861.jpg

http://nileup.com/up/uploads/nilemotors_13541011862.jpg

http://nileup.com/up/uploads/nilemotors_13541011863.jpg

ايه الروعة دي
طبعا معاك انك معرفتش تصور
سؤال ساذج
ازاي بتزود الضغط ؟؟
هل فيها كومبرسور هوا يدي الاربع عجلات ؟؟

مشكور
بس لو لاقدر الله حصل وخيشت على 260

الوضع هيكون ايه !!!!!

يا باشا الطرق اللى بره غير الطرق بتاعتنا دى

علشان كده انت حاسس بثبات رهيب

لو جبت 28 هتقفل عدادها و هتقول عليها ثابته بردو

اينعم الانفينتى هايله بس بردو الطرق مساعده جدااااااااااااااااااااااا

^_^

انا عندي سؤال وبما ان العربية دي او بمعنى اصح الماكوك ده جديد علينا في مصر

ثبات على ال 260 ازاي؟ هيا فيراري؟

نفس سؤال الأستاذ كريم أزاى تزود الضغط ألكترونيا ؟

اقتباس:

---

المشاركة الأصلية كتبت بواسطة karim_monir

ايه الروعة دي
طبعا معاك انك معرفتش تصور
سؤال ساذج
ازاي بتزود الضغط ؟؟
هل فيها كومبرسور هوا يدي الاربع عجلات ؟؟

---

اه فى الغالب كده لانى كنت بقرأ حاجه امبارح عن بينتلى والعريبات المصفحه الى بيفكروا يعملوها فجابوا سيره الكمبرسور ده .. بس مش عاررف اوصل لتفاصيل عنه او بيشتغل ازاى الى يعطر فى حاجه يحدفها هنا

أزاى تزود هواء إلكترونيا والعربية ماشية مثلا أو حتى واقفة ممكن يكون فى العربية كمبريسور

لو كاوتش نام يبقى ليه خرطوم عند كل كرتيرة عجل تطلعه وتنفخ هى فكرة مش بطالة

بجد
ما شاء الله ..

موضوع تزويد الهواء و العربية ماشية او واقفة بيبقى عن طريق كمبرسور هواء العربية متجهزة بيه..........و عن طريق زارير تقدر تزود أو تقلل الهواء وقت ما انت عاوز...........الموضوع بسيط مش أختراع يعني :)

انا شوفت موديلات بي ام فيها كومبريسور
بس ماشوفتهاش شغالة عشان كانت متقطعة

زى فكره العريبات الى فيها AIR suspension بالظبط
انزل كده تحت اى عربيه من دول ( تجربتى كانت ال range rover ) تحت العريبه على الجنبين
اليمين والشمال .. بص كده هتلاقى زى ماسوره كبيره وضخمه هيا دى بتاع كمبريسور الهوا بس بتاع المساعدين عشان تعالى وتوطى العريبه .. وافتكر ظبط ضغط العجل مش هايفرق كتير عن الفكره دى ...

شوفوا يا جماعة العجلة بتلف فيها بلف هو دا المكان اللى بيدخل منه ال هواء جوا الكاوتش

اللى واصلنى إن الكاوتش نام على الطريق وانت شفت كدا قدامك فى الشاشة تروح تنزل تقف ب العربية على جنب وتطلع الخرطوم وتوصل فى البلف وتنفخ

فيه غير كدا يا جماعة ؟؟؟

أو ممكن يكون مثلا كمبرسور صغير راكب على كل جنط من جوا شغال بلوتوث هاهاهاهاها

فيه فكرة تانية ممكن يعملوا بلف فيه مادة أو ما تدوس على الزرار من جوا العربية تتفاعل عن طريق البلوتوث برضه وتسحب هواء من برا الكاوتش تدخله جوا أو تكون المادة نفسها بعد ما تتفاعل بتملأ الكاوتش لما توصل بالسلامة ودى أبعد التخيلات والتصورات

اقتباس:

---

المشاركة الأصلية كتبت بواسطة mohammedaladel

شوفوا يا جماعة العجلة بتلف فيها بلف هو دا المكان اللى بيدخل منه ال هواء جوا الكاوتش

اللى واصلنى إن الكاوتش نام على الطريق وانت شفت كدا قدامك فى الشاشة تروح تنزل تقف ب العربية على جنب وتطلع الخرطوم وتوصل فى البلف وتنفخ

فيه غير كدا يا جماعة ؟؟؟

أو ممكن يكون مثلا كمبرسور صغير راكب على كل جنط من جوا شغال بلوتوث هاهاهاهاها

---

دى تريقه ولا اسئله ولا ايه انا مش فاهم حضرتك تقصد ايه ياريت توضح اكتر

اقتباس:

---

المشاركة الأصلية كتبت بواسطة الغزالى

زى فكره العريبات الى فيها air suspension بالظبط
انزل كده تحت اى عربيه من دول ( تجربتى كانت ال range rover ) تحت العريبه على الجنبين
اليمين والشمال .. بص كده هتلاقى زى ماسوره كبيره وضخمه هيا دى بتاع كمبريسور الهوا بس بتاع المساعدين عشان تعالى وتوطى العريبه .. وافتكر ظبط ضغط العجل مش هايفرق كتير عن الفكره دى ...

---

معلومة جديدة

نفس الفكرة دى متطبقة فى صدادات عربيات القطار لو بصيت حضرتك فى وش جرار القطر أو ضهره أو وش عربية القطر أو ضهرها (وشها زى ضهرهم للعلم مفيش فرق )

هتلاقى الصدادات دى دى برضه بتعمل بضغط الهواء وواصل ليها ضغط من كمبرسور كبير فى العربيات بتاع الفرامل تقريبا

ودى فايدتها إن لما القطر يهدى العربيات بتتكركب على بعض الصدادات دى بتاخد وتدى لا قدر الله لو حصلها حاجة وفرغ الهواء منها

العربية هتلبس فى العربية

http://static.ddmcdn.com/gif/self-in...ing-tire-3.jpg

أنظمه ضبط الهواء التلقائي موجوده من 1984 وكان أول تطبيق ليها في عربيات شيفروليه عسكريه. الطريقه الشائعه هيه نقل الهواء عن طريق الاكس ووجود حساسات لتسجيل قرائه ضغط العجل كل 10 دقايق تقريبا واسترجاعها لقوه الضغط المحدده من السائق مسبقا ويتم تزويد الهواء عن طريق خرطوم موصل بالبلف بالاضافه الى ان هناك نظم أخرى تعتمد على هواء يتم توليده من نظام الفرامل.

http://static.ddmcdn.com/gif/self-inflating-tire-14.gif

اقتباس:

---

AIRGO System
The AIRGO system is a constant monitoring system that uses a series of check valves to detect a loss in air pressure.
Unlike some of the other systems, AIRGO doesn't use air from the vehicle's braking system. When air seepage has occurred at any of various points in the system (1), the system draws air (2) from the vehicle's pneumatic system (not shown) and sends it by way of the vehicle's axles (3) -- through the axles themselves if they're pressurized or by way of tubing if they're not -- through the hubcap assembly (4) and into the tire requiring inflation.

---

اللي عايز معلومات أكتر يقرا المقال ده (وهوه نفسه مصدر الكلام اللي أنا كاتبه ده)

HowStuffWorks "How Self-inflating Tires Work"

اقتباس:

---

المشاركة الأصلية كتبت بواسطة الغزالى

دى تريقه ولا اسئله ولا ايه انا مش فاهم حضرتك تقصد ايه ياريت توضح اكتر

---

تريقة ؟؟ لأ طبعا حضرتك تقصد إنى بتريق ؟؟ طيب على مين ؟؟ أنا مش كدا خالص

وفى نفس الوقت دى مش أسئلة

أنا قلت وجهة نظر إن الكمبرسور دا عادى جدا وليه خراطيم متوصلة مثلا يعنى عند كرتيرة العجل بحيث إنك عايز تزود فى أى وقت شغال

لكن الباقى دى تخيلات وتهيؤات من عندى بفرض إنك ممكن تزود العجلة والعربية ماشية

حضرتك ممكن تعتبره من باب الفكاهة :grinder:

وأعتذر لحضرتك لو كنت مستاء من مستاء

جربت اللكزس lx570 ؟ او حتي لاند كروزر v8 5700cc vxr 2 ؟

برضه مش فاهم موضوع الكاوتش ده !!!!!!!!!!!!!

اقتباس:

---

المشاركة الأصلية كتبت بواسطة hossam_elwani

برضه مش فاهم موضوع الكاوتش ده !!!!!!!!!!!!!

---

اللى أعرفه أن فيه أكتر من طريقة متطبق بيها الكلام ده

دى الطريقة اللى فى الهامر

http://static.ddmcdn.com/gif/self-inflating-tire-11.gif

ملخصها حسب ما فهمت
1- الكنترول يونت بيبعت أمر لوحدة تحكم هوائي علشان تفحص الضغط فى العجل و تزوده أو تنقصه حسب الضغط اللى السواق مختاره.
2- وحدة التحكم الهوائي بتبتدي تشوف الضغط فى الأربع عجلات
3- لو محتاج زيادة بتروح تشوف المصدر بتاع الهواء اللى هتزوده.....اللى هو فى الحالة دى بيبقى هواء متخزن من كمبروسور بيشتغل بقوة ضغط الفرامل
4- لو المصدر موجود فيه هواء تروح مزودة العجلة اللى ناقصة عن طريق الأنبوب اللى باللون اللبني
5- لو العجلة محتاجة يتفضى منها هواء بتسحب منها هواء عن طريق صمام معين.

ده اللى انا فهمته سريعاً كده فى النظام ده

و فيه نظام تاني مش معقد زى الكلام ده......... شوفوه بنفسكم :)

How it works | SIT - Self Inflating Tire