اهل الخبرة انجدوني

**GALAL mohammed** · 28-11-2012 03:08 PM

السلام عليكم
عربيتي نوبيرا 1 موديل 1997 ...عرفت امبارح من الميكانيكي بتاعي ان الموتور بدأ يخف ، تقريبا شاف دخان ابيض من خرطوم الفايظ ، بس مفيش نقص زيت ومفيش دخان بيطلع من الشكمان ، واضح ان الماكينة لسه في الأول ، انا مش عارف اعمل ايه ، ممكن اعمل فيها اي حاجه تلحقها أصل الميكانيكي بيقولي مبيتعملهاش عمره تشتري واحد استيراد احسن ، وواحد تاني بيقولي امشي عليها ومتحطش في دماغك ولما تبوظ خالص تبئا تغير شورت بلوك ، طيب مينفعش الحقها يعني اصلها كويسة والله وسحبها كويس ومابتاكولش زيت ، وممكن امشي بيها كده اد ايه، وياترا في حاجه ممكن استخدمها او اجراء معين يحافظ علي الشوية اللي فاضيين ، ولا ابيعها واريح دماغي انا لسه جايبها من 8 شهور .

**Ahmed salamaa** · 28-11-2012 04:28 PM

بص ريح دماغك و بعدين انا اشك في الحكاية دية انها بدات تخف طالاما مش بتدخن من الشكمان و عشان تتاكد دورها و افتح غطة الماتور بتاع الزيت و شوف لو بطلع دخنة ولا لا لو بتطلع تبقي خفيفة سنة و دية متقلقش منها ممكن تعمل طقم شنبر بس دة مسكن احسن تمشي بيها لحد متعمرها بس حطلها زيت نضيف و داوم علي تغيير زيت علي 3000 او 4000 دة لو خفيفة و هتمشي معاك يجي 3 او 4 سنين و انا مجرب متقلقش ومتحرقش غيارات

**Abo Yasso** · 28-11-2012 04:50 PM

متابع

**GALAL mohammed** · 28-11-2012 05:51 PM

الله يكرمك يا احمد ريحت قلبي ، انا رحت النهرده للميكانيكي بتاعي تاني وقلتله انته بتقولي ان المكنة خفت مع ان المكنة سحبها حلو معايا والزيت مبينقصش ومفيش دخان من الشكمان قاللي خلاص يبئا الزيت اللي انته بتحطو وحش غيرو يعني المكنة خفيفة ولا مش خفيفة وبعدين الله يكرمكم حد يقوللي علي زيت كويس استخدمو بدل موبيل مالتجريد اللي بيتغير كل 1500 ، ويجعلو في ميزان حسناتكم

**Ahmed salamaa** · 28-11-2012 11:32 PM

المشاركة الأصلية كتبت بواسطة GALAL mohammed

الله يكرمك يا احمد ريحت قلبي ، انا رحت النهرده للميكانيكي بتاعي تاني وقلتله انته بتقولي ان المكنة خفت مع ان المكنة سحبها حلو معايا والزيت مبينقصش ومفيش دخان من الشكمان قاللي خلاص يبئا الزيت اللي انته بتحطو وحش غيرو

يعني المكنة خفيفة ولا مش خفيفة وبعدين الله يكرمكم حد يقوللي علي زيت كويس
استخدمو بدل موبيل مالتجريد اللي بيتغير كل 1500 ، ويجعلو في ميزان حسناتكم

موبيل يا راجل دة زيت زي الزفت و يسخن العربية و بينقص بص انا جربت التعاون و فالفولين و شل و كاسترول عن جدارة كاسترول اخترااع صوت المكنة هادي مع السحب و تجميع احسن بكتير والاربي ام اققل مع السرعات يعني اما حطيط فالفولين ال160 كانت بتيجي علي 5 rpm اما حطيط كاسترول ال170 بقت 4.500rpm و بيستحمل الحرق

**GALAL mohammed** · 29-11-2012 12:21 PM

المشاركة الأصلية كتبت بواسطة ahmed salamaa

موبيل يا راجل دة زيت زي الزفت و يسخن العربية و بينقص بص انا جربت التعاون و فالفولين و شل و كاسترول عن جدارة كاسترول اخترااع صوت المكنة هادي مع السحب و تجميع احسن بكتير والاربي ام اققل مع السرعات يعني اما حطيط فالفولين ال160 كانت بتيجي علي 5 rpm اما حطيط كاسترول ال170 بقت 4.500rpm و بيستحمل الحرق

يعني احط كاسترول ان شاء الله، طيب هوه بكام وكل كام كيلو بيتغير وهوه نوع واحد ولا كام نوع ، وجزاك الله كل خير

**Ahmed salamaa** · 29-11-2012 03:41 PM

المشاركة الأصلية كتبت بواسطة GALAL mohammed

يعني احط كاسترول ان شاء الله، طيب هوه بكام وكل كام كيلو بيتغير وهوه نوع واحد ولا كام نوع ، وجزاك الله كل خير

لا طبعا في كذة نوع علي حسب عربيتك بس متهيالي الانسب ليك كاسترول ايدج او المجنتيك ودة لينك صفحتهم علي الفيس اسالهم و هيرشحولك واحد و ابقي قولنا علي تجربتك http://www.facebook.com/CastrolEgypt?fref=ts

**GALAL mohammed** · 30-11-2012 01:34 PM

المشاركة الأصلية كتبت بواسطة ahmed salamaa

لا طبعا في كذة نوع علي حسب عربيتك بس متهيالي الانسب ليك كاسترول ايدج او المجنتيك ودة لينك صفحتهم علي الفيس اسالهم و هيرشحولك واحد و ابقي قولنا علي تجربتك http://www.facebook.com/castrolegypt?fref=ts

انا سألت وعرفت انه انسب حاجه ليا كاسترول جي تي اكس وده في منه مستورد بيتغير كل 5000 والمحلي بيتغير كل 3000 ، هجرب الجي تي اكس واقولك النتيجة