الموضوع: ما هى اجراءات بيع سيارة ؟؟

السلام عليكم
أن شاء قمت ببيع سيارتى ولكن عايزة اعرف ايه ا لاجراءات الى اعملها لنقل الملكية
الى اتقلى انى هروح اعمل عقد فى الشهر العقارى واطلع شهادة مخالفات من المرور
فلو سمحتوا لو حد يقدر يفيدنى اذا كان الكلام ده صح ولا لأ وايه هى الاجراءات بالظبط لانى معرفش اكتر من كده مع العلم انى مش عايزة اعمل توكيل.

ببساطة شديدة
حضرتك حاتعمل شهادة مخالفات (براءة الذمة ) من المرور بتاعك وتسلمها للمشترى بعد لما تكون دفعت مخالفاتك
بس المشكلة اليومين دول انك مش حاتعرف تطلعها عشان الاعتصام بتاع وكلاء النيابة

ولو اتفقت مع المشترى على التسجيل فى الشهر العقارى حاتسجل عادى ومصاريف التسجيل على المشترى (( وتاخد صورة من عقد البيع بعد التسجيل عشان تقدمها فى المرور بتاعك عند الطلب فى حالة شراء سيارة اخرى عشان مايحسبوش عليك ضريبة ترفيهية (180جم)))
وبالنسبة للتسجيل لو الرخصة سارية مفيش مشاكل
لو الرخصة منتهية حاطلع عدد 2 شهادة بيانات من المرور بتاعك واحدة للشهر العقارى والتانية للمرور اللى العربية حاتتنقل ملكيتها ليه