الي اصحاب هوندا الجيل الخامس 92 ماهي المصاريف الشهرية للسيارة

السلام عليكم

كنت عايز اسأل اصحاب هوندا الجيل الخامس 1992 ايه هي المصاريف الشهرية العادية للسيارة؟
وهل يتم صنع قطع غيار جديدة لسيارة عمرها 20 عام ام يتم تدوير القطع المستعمله علي كل البلاد والمحافظات؟ وايه اشهر المحافظات غير مصر اللي فيها كل حاجة الهوندا 92 ؟

واخر حاجة واحد قالي هتصرفلك 300 جنيه شهريا اصلاحات للسيارة علشان موديل قديم
هيا فكرة الصيانة حسب سوء استخدام السيارة ولا عمر افتراضي ولا السيارات القديمة معدل صيانتها شهريا!!!!!!!!!!؟؟؟؟؟؟؟؟

ياريت كل واحد يكتب في الشهر مصاريفه كام علي هوندته وياريت ال 92 ؟

وشكرا

بص هيا لسه مكملتش معايا شهر بس اللي انا صرفته كان السرفيس العادي وبالنسبة لقطع الغيار في جديد وفي استيراد وده هاتلاقيه في بورسعيد والقاهرة وفي موضوع بعناونهم
اما المصاريف التصليحات هتعتمد على حالة العربية
بس عن تجربة حتى الان كل جنيه بتصرفه على الهوندا بيظهر عليها

اقتباس:

---

المشاركة الأصلية كتبت بواسطة mn047

بص هيا لسه مكملتش معايا شهر بس اللي انا صرفته كان السرفيس العادي وبالنسبة لقطع الغيار في جديد وفي استيراد وده هاتلاقيه في بورسعيد والقاهرة وفي موضوع بعناونهم
اما المصاريف التصليحات هتعتمد على حالة العربية
بس عن تجربة حتى الان كل جنيه بتصرفه على الهوندا بيظهر عليها

---

+1

الله ينور عليك جبت المفيد

اقتباس:

---

المشاركة الأصلية كتبت بواسطة m_nabil

+1

الله ينور عليك جبت المفيد

---

الله يخليك الواحد بيتعلم منكم يا وحوش

اقتباس:

---

المشاركة الأصلية كتبت بواسطة f.omar

السلام عليكم

كنت عايز اسأل اصحاب هوندا الجيل الخامس 1992 ايه هي المصاريف الشهرية العادية للسيارة؟
وهل يتم صنع قطع غيار جديدة لسيارة عمرها 20 عام ام يتم تدوير القطع المستعمله علي كل البلاد والمحافظات؟ وايه اشهر المحافظات غير مصر اللي فيها كل حاجة الهوندا 92 ؟

واخر حاجة واحد قالي هتصرفلك 300 جنيه شهريا اصلاحات للسيارة علشان موديل قديم
هيا فكرة الصيانة حسب سوء استخدام السيارة ولا عمر افتراضي ولا السيارات القديمة معدل صيانتها شهريا!!!!!!!!!!؟؟؟؟؟؟؟؟

ياريت كل واحد يكتب في الشهر مصاريفه كام علي هوندته وياريت ال 92 ؟

وشكرا

---

هاقولك حاجة بسيطة ممكن نحسبها مع بعض وهنتكلم عن عربية انت مظبطها كويس ومش مخليها عايزة حاجة

1- سير الكاتينة كل 50 الف كيلو لو مش اصلى و80 الف لو الاصلى

2- بقية السيور كل 40 الف كيلو لو مش اصلى و50 الف لو اصلى

3- تيل الفرامل كل 3 سنين والخلفى يدينا ويديك طولة العمر

4- المساعدين انسى بمعنى كلمة انسى

5- البوجيهات لو حاجة محترمة هنقول كل 50 الف مثلا

6- كاوتش ميزان يتغير كل سنتين ب 95 جنية عشان تحافظ على العربية

7- تربط عفشة كل سنة مع انها مش هتحتاج اصلا بس اجراء وقائى

8 - هتجيب اسبراى تنظيف انجيكشن مثلا 2 كل سنة تمنهم 50 جنية , وهيتم تنظيف البوابة والايدل كل 3 اشهر او 4 اشهر بالكتير مع الفلتر

9- زيوتك حسب الاستخدام والنوع طبعا هنقول مثلا ب 210 فى السنة لو هتحط ال7000 كيلو

طبعا فية بقى حاجات بتظهر دة على حسب استخدامك يعنى بتمشى فى مطبات بسرعة , خدت مطب جامد مرة واحدة , سينسور حصل فية مشكلة , اى حاجة واردة

لكن الحاجة اللى هتتعمل انساها طالما جيبتها الاصلى

لكن صاحبك اللى بيقولك 300 جنية كل شهر قولة يبقى انت ماركبتش هوندا

بس عشان تبقى على نور
اى عربيه فى الدنيا مستعمله اول ما بتشتريها شيل على جمب مش اقل من 4000 جنية
هتلاقى كاوتش
او بطارية
سير
خرطوم
حساس
ردياتير

وحتى لو مش هوندا ايه 300 جنيه كل شهر ؟؟! هو انت هتاخدها ايجار ولا ايه !!!
مع احترامى الشديد ل حضرتك اللى قالك الكلام ده اخره يقف فى نصبة شاى

متشكر جدا لحضراتكم انا بسمع كلامكم بطمن
واسمع كلام اصحابي او اي حد تاني معاه عربية كله بيقولي بلاش الهوندا ال 92 بالذات هتفشخك فلوس
وانا من الاخر مش عايز اشتري عربية واصرف عليا شهريا انا عايز اشتري حاجة نضيفة واصرف المصاريف العادية
فياريت لو حد يديني مثال بالارقام ونشوف فعلا كل ملاك ال 92 متفقين علي رقم المصاريف دي ولا لا
انا رجعت في كلامي 100 مرة بسبب كلام الناس

سيبك يافيصل من كلام الناس , انت دلوقتى قدام المالكين للسيارة , وانت شوف ارائهم اتجمعت على اية

وعلى فكرة ممكن يكون حد من اصحابك سمع من واحد صاحبة ان واحد صاحبة كان بيحكيلة عن صاحبة ان لية صاحب كان راكب جنب واحد صاحبة , وهو بيحكيلة انا صاحبة اللى معاة السيفيك كان جايبها اصلا وهية حالتها تعبانة وقارفاة مصاريف , راح معمم الموضوع على السيفيك كلة

ماتسمعش كلام الناس شوف التجارب وانت تعرف , وانا كمنسق ممكن اعمل consumer rate للسيارة اية رأيك ههههههههههههههههه

اقتباس:

---

المشاركة الأصلية كتبت بواسطة semsem kane

سيبك يافيصل من كلام الناس , انت دلوقتى قدام المالكين للسيارة , وانت شوف ارائهم اتجمعت على اية

وعلى فكرة ممكن يكون حد من اصحابك سمع من واحد صاحبة ان واحد صاحبة كان بيحكيلة عن صاحبة ان لية صاحب كان راكب جنب واحد صاحبة , وهو بيحكيلة انا صاحبة اللى معاة السيفيك كان جايبها اصلا وهية حالتها تعبانة وقارفاة مصاريف , راح معمم الموضوع على السيفيك كلة

ماتسمعش كلام الناس شوف التجارب وانت تعرف , وانا كمنسق ممكن اعمل consumer rate للسيارة اية رأيك ههههههههههههههههه

---

ههههههههههههههههههههههه
حلو قصيدة صاحبه دى يا سامح
بس عايز أقول لصاحب الموضوع فعلا لو معاك عربيه حالتها كويسه وبتروح لمتخصص سواء ميكانيكى أو كهربائى وتجيب قطع غيار جديد أو إستيراد زى ما الناس هنا تنصحك صدقنى الحاجه اللى هتغيرها هتنساااااااااااها عن تجربه