فرامل اليد الكهربائية (اوبل استرا سيدان الجديدة)

السادة الافاضل ... ان شاء الله مقبل علي شراء اوبل استرا سيدان الجديدة وخاااااايف موووووت من فرامل اليد الكهربية لاني قرأت ان فيها مشاكل في اوروبا ومش عارف اعمل أيه والمشاكل دي متمثلة في الاتي :

1 - انها ممكن تفصل لوحدها ساعتها لو العربية علي ال n" وعلي منزل ولا حاجة هجري وراها جري السنين
2 - لو البطارية فصلت او العربية مفيهاش كهربه لاي سبب ساعتها مش ممكن احرك العربية او اجرها
3 - مش ممكن استخدامها كفرامل مساعده للطوارئ زي فرامل اليد العادية او مثلا لعمل فرامل والدوران بالعربية (تخميس يعني)بجد مش عارف اعمل ايييييه

ارجو الافادة ...ياسادة

ولكم جزيل الشكر

حلوه قوي رقم 3 دي. أنا بصراحه مش عارف ايه مميزاتها بقى عن العاديه غير انها ممكن تفصل لوحدها أول ما تدوس بنزين وبالتالي مش هتمشي وانت ناسيها مرفوعه. غير كده مش عارف ايه ميزتها فياريت حد يفيدنا.

مش دى برضه موجوده فى الباسات ؟؟

ايوه تقريبا موجودة في الباسات وكمان في الاودي وفي البيجو 508 الجديده الهاي لاين
افيدوناااااااا يا اهل الخبره

اقتباس:

---

المشاركة الأصلية كتبت بواسطة ahmed_adham

حلوه قوي رقم 3 دي. أنا بصراحه مش عارف ايه مميزاتها بقى عن العاديه غير انها ممكن تفصل لوحدها أول ما تدوس بنزين وبالتالي مش هتمشي وانت ناسيها مرفوعه. غير كده مش عارف ايه ميزتها فياريت حد يفيدنا.

---

افرض عاوز اخمس بيها مينفعش ؟؟؟؟؟؟ اخصصصصص

عنوان الموضوع خطأ
لو اخترت عنوان افضل بالتأكيد هتلاقي اهل الاختصاص

سؤال جه في بالي فعلا

:) ركبلها هيدروليك بقي و اهو منه تبعرف تلحقها في وقت الطوارىء و منه تخمس برضه ;)

انا معايا استرا ستيشن ديزل بس مانيوال (خارج مصر) بس فبها نفس فرامل اليد الكهرباء
ميزتها ان مفيش يد تشدها بس عباره عن زرار بترفعه فى نفس المكان تقريبا بس اللى انا شايفه مشكله ما يلى:
1- انك مينفعش تنزل الفرامل الا لو المفتاح فى التابلوه وعلى اول تكه او مدور
2- ودى القويه شويه ومحتاجه حرص شديد انك لما بتدور الماتور (ولان عندنا فى مصر ثقافة الدوس على الاكسراتير شويه قبل الحركه الصبح) اول ما الفرامل بتحس ان العربيه بتتحرك او الماتور صوته عالى الفرامل بتفك اوتوماتيك
3- طبعا انسى موضوع التخميس نظرا لصغر مفتاح الفرامل ولتقل العربيه كمان

شيء لا يعيب السيارة