وزير البترول بيقول ان نظام الكروت الذكيه هايتطبق من ابريل العربيات لغايه 1600 هاتاخد 1800 لتر واعلي من 1600 مش هاتاخد كروت الكلام دا لسه انهارده انا بقي واللي زي نعمل ايه في العربيات ال 2000 سي سي نقلبها حجره نوم احسن
عرض للطباعة
وزير البترول بيقول ان نظام الكروت الذكيه هايتطبق من ابريل العربيات لغايه 1600 هاتاخد 1800 لتر واعلي من 1600 مش هاتاخد كروت الكلام دا لسه انهارده انا بقي واللي زي نعمل ايه في العربيات ال 2000 سي سي نقلبها حجره نوم احسن
هى العالم دى متخلفة ولا هو استهبال وخلاص
يعنى مثلا انا عربيتى فيكترا 2000 سىسى موديل 2000 سعر العربية يتراوح ما بين 60-70 الف جنية
هل انا مستحقش الدعم و اللى معاه باسات ب 300 الف جنية ياخد دعم كامل علشان عربيتة 1400 سىسى وانا ادفع برضة ضريبة اعلى منة
وهل صاحب الى مينى كوبر اللى جايبها ب 400 الف يستحق الدعم علشان عربيتة 1600 و انا برضة بدفع ضريبة اكتر منة
منهم لله الاخوان جين علشان يموتوا الشعب
اه يا بلد عاوزه ثوره
عوما اللى معاه اكتر من 1600 يغير الموتور بقى عشان الاخوان يرتاحو (او حزب الحريه والعداله عشان فيه ناس هنا بتزعل من كلمه اخوان )
بس ال 1800 لتر دول فى السنه !!!!! ده لو كده يبقى استهبال رسمى
دول يعنى 150 لتر تقريبا فى الشهر يعنى بالنسبه لاى تانك عربيه 1600 تفويلتين تلاته بالظبط
1800 لتر يعنى 5 لتر فى اليوم ....يعنى بالكتييير 50 دا بالكتييير لو عربية 1600 موفرة و الزحمة مش قوى ف عز الزحمة تعمل 40 كيلو مثلا او اقل ...... يا حسييييييييييييييييييييييي ييييين
احنا نشتغل 3 ايام فى الاسبوع و بقيت الاسبوع نقعد فى البيت علشان البنزين يكفينا
سيبكوا من العربيات اللى فوق الـ 1600 سى سى دى يعملوا ايه ..
مش مهم ..
يموتوا زى شهداء الثورة و مالهمش ديه عند الحكومة ..
فيه سؤال اتمنى اسأله للسيد المسئول صاحب الاقتراح العبقرى ده ..
الـ 1800 لتر دول هيبقوا بنزين 80 و الا 90 و الا 92 الاول علشان نعرف ؟!
كل اللى قرأ عن موضوع دعم البنزين نسى تفصيله مهمه جدا جدا ..
سيادتهم عايزين يدونا 1800 كوبون الكوبون الواحد بجنيه ...
بمعنى ان الـ 1800 لتر = 1800 لتر بنزين 80 مجانى و لو عايز تحط 90 هتدفع فوقيهم 75 قرش لكل لتر و لو عايز تحط 92 هتدفع 85 قرش لكل لتر و لو عايز تحط 95 تشتريه بالسعر الحر الجديد لانه خارج الدعم ..
مش بس كده ..
لو رصيدك خلص (الـ 1800 لتر سنويا = 150 لتر شهرياً = 4 تفويلات تقريبا بفرض ان التانك 40 لتر) هنشترى البنزين بالسعر الحر اللى لسه محددهوش ..
يعنى ممكن يقولوا ان البنزين 80 بـ 2 جنيه و الـ 90 باربعه جنيه و الـ 92 بخمسه جنيه و هكذا ..
بقالى يومين عمال اكتب فى اخر اى موضوع : حسبى الله و نعم الوكيل ..
الراجل بتاع البترول ده عايز دكر يلزقه على قفاه زي الدكر اللي لزق البدوي كده على قفاه
مستحيل اي هري من ده هيحصل لأن كده معناه البلد هتقوم على الحكومة و الاسعار هترتفع بغباء
ده هري في الجنينة يا رجالة و محدش يصدقه .....................
هى فكرة رفع الدعم نفسها شايفها صح و ده عشان نوقف سرقة البنزين و تهريبه
لكن التطبيق كده مفيش اغبى منه و هيعمل قلق كبير لمجموعة كبيرة من الاسر محدودة الدخل اللى ساكنة فى المدن الجديدة لان ال 1800 لتر دول تقريبا نص استهلاكه و دا لو من البيت للشغل و من الشغل للبيت
و حته ان الدعم للعربيات يبقى بالسعة اللترية ده لوحده قمة فى التخلف العقلى و مالوش اى معنى و اللى فكر فيه ده اكيد ميعرفش حاجة عن عالم السيارات فى مصر او حتى بره مصر
وهنلاقى العربيات الروبابيكية القديمة يكون لها سعر عشان تاخد عليها دعم
طيب الحل المقترح ممكن يكون ايه؟؟؟؟
- الدعم من حق كل مصرى سواء معاه عربية 800 او 4000 سي سي لان السعة اللترية مش دليل على الثراء
- مشروع استبدال السيارات القديمة اللى بتاكل و تشرب بنزين بعربيات حديثة موفرة للبنزين و اقل تلوث و اقل اعطال و حوادث زى مشروع التاكسي بس طبعا يكون اختيارى مش اجبارى
- توفير وسائل مواصلات ادامية هتشجع الكل انه يستخدمها
دا اللى فى دماغى دلوقتى ( لسه راجع من عند دكتور الاسنان و مش عارف افكر اصلا ) و اكيد خبراء المنتدى هنا هيكون عندهم حلول افضل و ممكن ادارة المنتدى تبعت الكلام ده للمسئولين يمكن ربنا يهديهم و يفهموا
الواحد يشتري موتيسكل بقي وخلاص وانسوا العربيات او عجله دا تخلف والله 1800 لتر ازاي انا من البحيره وبنزل القاهره كتير والماسفه رايح جاي 300 ك تقريبا
مره كمال الشاذلي قالها في برنامج
قالك دعم ايه بس
من امتي اي بلد بتدعم منتج طالع من ارضها ؟؟
يا جماعه احنا لسه موش عارفين الية التطبيق يعنى تفاصيله ايه؟
نستنى نشوف وبعد كدا نحكم على الموضوع
من حقنا اننا يبقى عندنا طرق نظيفه وادميه مانا ماوفرش فى سعر البنزين والعربيه كل فتره اعملها عمرة عشان الطرق الرديئه دى
وكمان لازم المرور ينتظم عشان ماحرقش بنزين على الفاضى فى طرق مزدحمه عشان سواقين مكروباص واقفين فى نصف الطريق مستنين يحملو ركاب
لازم المنظومه كلها تتصلح
ماهو لو هيصلح الطرق من انه ياخد مني انا موافق ولكن مش ياخدها ويحطها في جيبه وجيب اللي يعرفوه
بس لما يفكر ياخد مياخدش بعبط يعني ياخد معلقة واحده بس من طبق الكشري مياخدش الطبق كله ولا انا غلطان ؟
هما بيطبقوا الرفاهية الي قال عليها احمد عز علي الشعب
فبالتالي بيفكروا يرجعوا الشعب يركب عجل
خايفين علي الشعب ليتحسد من ركوب العربيات ..
طب علي كده الناس اللي معاها عربيات قديمه " 504 - مرسيدس قديم - 505 - اوبل "
ترمي العربيات دي ببلاش علشان ملهاش دعم
يعني عربيات رنجها من 20 / 70 الف متاخدش دعم علشان ازيد من 1600 سي سي
يعني رايكوا نلحق نبيع العربيات دي ولا ايه ؟
حسبي الله ونعم الوكيل
ولا يوم من ايامك يا مبارك
الواحد يروح يشتري عربية 127 او سيات ب 5000 او 6000 جنبة و رق بس و يرخصها و يكتبها بأسم اي حد و ياخد عليها كوبونات
بلد ماشيه بدهرها
بتوع السيات 133 من دلوقتي واحد منهم بيقول مش هيبيع علشان احتمال سعرها يغلي علشان القرارات الغبية دي وحسبي الله ونعم الوكيل
يعنى اللى معاة عربية 32 مش هتاخد دعم لانها 2000 سى سى واللى معاة باسات هياخد دعم علشان 1400 سى سى حسبى الله ونعم الوكيل