هل تم ايقاف انتاج ال m11

**koluo** · 29-11-2012 12:45 AM

السلام عليكم جميعا هل تم ايقاف انتاج الm11
لانى سالت عليها فى بعض المعارض بان خط الانتاج ضعيف
فهل هذا صحيح ولا ابو الفتوح يريد رفع السعر من اول السنه 2013 لانها بالفعل نزلت السوق موديل 2013 ثم اختفت من عند الموزعين ارجو الرد من فضلكم لان العربيه ديه عجبانى وهى من افضل الموديلات الصينى هى و البريليانس.
ولكم جزيل الشكر

**sp k** · 03-01-2013 11:26 PM

انا زيك دايخ عليها محدش بيقولى رد اصلا
كله بيقولك اسال بعدين وخلاص

**BESO516** · 04-01-2013 11:10 AM

الأنتاجبقى مش مكفى السوق بالنسبه للأسبرانزا وده الكلام المعلن من ابوالفتوح

لكن الحقيقه فى سببين عرفتهم من ناس شغالين فأبوالفتوح وغبوور :
اولا فى تخوف جااااااااااامد جدا من الأمجراند اللى هينزلها غبور وهتكتسح السوق لأنها فنفس الفئه السعريه وبالنظر لأمكانياتها فمتوقع اكتساحها وبجداره للأسواق الصينيه فمصر وده بسبب غبور نفسه اللى ضمنها 5 سنوات وده بيرجع للثقه فى امكانيات عربيته

ثانيا ازمه الدولار واستيراد قطع الغيار من الخارج وده مأثر جدا جدا على معظم الشركات ومش السيارات بس لكن كذا مجال تانى والدليل على كلامى ان شركه الطارق نزلت البوست ده امبارح على الفيس وجالى :

A113 >>>>> 60000 LE
A516 <<<<< 71000 LE
M11 >>>>> 75000 LE
... M12 >>>>> 76000 LE
Tiggo 1600 >>>>>> 92000 LE
Tiggo 2000 >>>>> 115000 LE

والهيونداى كمان

عاجل ::بسبب الارتفاع المستمر فى سعر صرف الدولار ادى الى الاتى

زياده سعر الهيونداى النترا 7000
زياده سعر الهيونداى فيرنا 2000
زياده سعر الكيا سيراتو 2000
زياده سعر الكيا بيكانتو 2000
زياده سعر الكيا سول 2000
زياده سعر الكيا سبورتاج 3000
زياده سعر الكيا كارينز 3000
زياده سعر الفولكس باسات 10000
... زياده سعر الفولكس جيتا 15000
زياده سعر الميتسوبيشى لانسر 3000
زياده سعر عائله الرينو اللوجان 2000

هذا الى الان
و سوف نواليكم باخر الاخبار ,,,,,,,,,,

**khaled_Saga** · 04-01-2013 01:13 PM

ياجماعة اسألوا كتير فى كل المعارض اكيد هتلاقوا حد عنده حتة كده ولا كده .. اسألوا فى سمير ريان مثلا والمصرية (ولو انى مش برتاح فى المصرية) بس دول من اكبر المعارض فى مصر ووارد اوى تلاقوا عندهم. اسألوا كمان فى المعارض الصغيرة هاتوا ارقامهم من النت واتصلوا اكيد هتلاقوا او اصبروا شوية وممكن حاجة احسن تبان.
بالتوفيق

**hugan** · 04-01-2013 02:43 PM

الشيء الاكيد ان ابو الفتوح فعلا عنده قلق من الامجراند
الامجراند لو سمعت واثبتت كفاءه هاتوقف حال مبيعات ابو الفتوح في ال 516 وال ام 11
اكيدهايفكر ينزل الموديلات الجديده من شيري
سواء في التيجو او ال 516
علشان يتواجد

**khaled_Saga** · 05-01-2013 11:14 AM

المشاركة الأصلية كتبت بواسطة sp k

ياجماعه انا مسبتش مكان الا وسالت فيه
سمير ريان قالى مافيش خالص منها
المصريه قالتلى كلمنا بعد يوم ١٠ ومنعرفش مش موجوده ليه
الباقى قالى كلمه واحده بس مافيش
وابو الفتوح تكلمه بكل برود العربيه موجوده ياباشا والانتاج شغال :b4_444:

لو حد يعرف حاجه ياريت يفيدنا

طيب يا باشا لو موجودة فعلا فى ابو الفتوح ما الناس بكل بساطة اللى عايزاها تروح تجيبها منه؟ ولا يمكن الناس عايزاها تقسيط فمحتاجين تكون من معرض؟
فى رأييى عدم وجودها هو نية مبيتة لرفع سعرها والله اعلم.

**sp k** · 05-01-2013 04:58 PM

لا هو مجرد بيثبت بس على الخط الساخن وبيقول العربيه موجوده
انا اتصلت بالمعرض الرئيسى اللى هو قالى عليه قالى مش موجوده :)
واصلا السعر رفع ٤ الاف عايز يرفعها تانى يوديها فين الناس بتشتريها عشان هى بالسعر ده اصلا مش عشان حلوه :)

**khaled_Saga** · 05-01-2013 08:21 PM

المشاركة الأصلية كتبت بواسطة sp k

لا هو مجرد بيثبت بس على الخط الساخن وبيقول العربيه موجوده
انا اتصلت بالمعرض الرئيسى اللى هو قالى عليه قالى مش موجوده :)
واصلا السعر رفع ٤ الاف عايز يرفعها تانى يوديها فين الناس بتشتريها عشان هى بالسعر ده اصلا مش عشان حلوه :)

اها شغل تثبيت .. ماهو مش هيبطل عدم ضمير وجشع وافترا حسبى الله ونعم الوكيل فيه وفى امثاله
والله التوكيل ده لو يتقى ربنا شوية فى العملاء بتوعو العربية دى بسعرها ده تبقى صاروخ فى مصر (لو بينزلها بنفس مواصفات الصين او عالأقل يقفلها كويس شوية) انما هنقول ايه للجشع والطمع!

**ehabpopo** · 06-01-2013 12:48 PM

كنت عايز اشترى ال 516 من يومين لواحد صديقى ... وسألت قريب لية شغال فى معرض من المعارض الكبيرة ... فقالى ان ابو الفتوح ها ينزل بال 516 a الجديدة اخر الشهر ... او اول شهر فبراير ... ولسة ماتسعرتش ... وطبعا مش موجودة فى اى معرض ...
على فكرة الكلام ده اكيد ... مش زى ما الناس فاكرة ان ابو الفتوح خايف من الايمجراند ... بالعكس هو نازل ينافس وبقوة .. وطبعا ال 516 الجديدة شكلها تحفة جدا ... بس صورها مش معايا دلوقتى كنت رفعتها ...
ادخلو على اللينك دة واتفرجو على الجمال .
http://allmobilephoneprices.blogspot...2013-2014.html