بجد معنتش فاهم حاجه ومش عارف أعمل ايه ... ماروتى

[OVERLINE]

من كام يوم كده بشغل الهوا السخن وبقلب البكره سمعت تاااااااااك ومعدتش راضية تقلب المهم استعنت بالله النهارده وقولت افك الوش بتاع العدادات فكيت البكر اللى فى الجنب و الوش وفوجت بمنظر ان الهوت والكولد خرجت عن المجره المهم ركبتها وانها ترضى تجيب السخن مهيش راضية اعافر معاها يمين شمال مهياش راضية :crashcomputer4: المهم سبتها وقولت بكره اوديها لكهربائى المهم وانا بشوف الدنيا وبنضف مطرح التراب لقيت اللمبه بتاعت الهوت والكولد والتقليب نضفت حواليها وجربت النور وحلفت معدتش شغاله ومعنتش عارف اعمل ايه فى الاتنين دول بجد ياريت تساعدونى ضرورى لأن انا اول مره اشوف لمبه بالحجم الغير ده وهل تنفع تتغير ولا لأ وهل المجرة دى ليها حل ولا لأ وآسف لو طولت عليكم

[/OVERLINE]

اولا مفيش حاجة تقلق ان شاء الله...
بالنسبه للبكره بتاعة السخن.. هل حضرتك تقصد السلك الواصل منها للسن بتاع محبس السخن هو اللي طلع من مكانه؟ والمحبس هو اللي مش راضي يلف؟
لو المحبس معصلج جرب رش عليه ر wd-40 ولو متظبطش هتحتاج تروحح لبتاع تكييف هو اللي ممكن يحلها...
بالمناسبة حضرتك بتحط ميه خضراء ولا مية حنفية للعربية ؟
بالنسبه للمض بتتبدل عادي وتمنها الاوسرام بجنيه واي كهربائي او انت ممكن تبدلها....
تحياتي

Sent from my SE Arc S using Forum Runner

اقتباس:

---

المشاركة الأصلية كتبت بواسطة dr.hazem

اولا مفيش حاجة تقلق ان شاء الله...
بالنسبه للبكره بتاعة السخن.. هل حضرتك تقصد السلك الواصل منها للسن بتاع محبس السخن هو اللي طلع من مكانه؟ والمحبس هو اللي مش راضي يلف؟
لو المحبس معصلج جرب رش عليه ر wd-40 ولو متظبطش هتحتاج تروحح لبتاع تكييف هو اللي ممكن يحلها...
بالمناسبة حضرتك بتحط ميه خضراء ولا مية حنفية للعربية ؟
بالنسبه للمض بتتبدل عادي وتمنها الاوسرام بجنيه واي كهربائي او انت ممكن تبدلها....
تحياتي

sent from my se arc s using forum runner

---

أولا الف شكر يا دكتور حازم بس الترس بتاع البارد والسخن خرج من مكانه ورجعته مكانه بس معدش بيرضى يجيب سخن نهائى وبالنسبة للميه انا بحط ميه خضراء وبالنسبة للمبه دى اول مره اشوفها حجمها ضغير اوى اصغر من اللمبه اللى بتاعت فانوس الكورنر من كده اعتقد انى معنتش هلاقيها والف شكر على الرد ولو تقترح حاجه ياريت قبل ما اوديها لكهربائى لأنى بخاف من شغل العك والكلام الهبل وافتكاستهم العجيبه دى واشكرك لتانى مره على حسن ردك

اللمات تالصضغيره ده موجوده لو مش لقيها في اي مكان قريب منك ممكن تنزل التوفيقيه هتلاقيها هنا والعبه فيها 10 لمات ب 5 جنيه انا اشتريتها قريب وعلي فكره لمبه فرامل اليد ولمبه الدينوم ولمبه زيت الماتور ولمبة الفرامل كلهم نفس حجم اللمبه ده :)

تمام يارجالة الف شكر غيرت اللمبة بإيدى وجبتها ب 2جنيه ونص بس تمام وإضائتها اعلى من الأصلى الحمد لله الف الف شكر ليكوا يارجالة بصراحة الواحد بيفخر انه من أعضاء نايل موتورز