نصيحة زي ما الاعضاء الكرام بيقولوا حراااااااام والله تحط فلوسك تحط 100 في فئة زي دي وبالسعر ده وطبعا كوري !!!! يغض النظر بقى هيا البيكانتو وحشة ولا حلوة او مواصفاتها ايه دي قصة تانية ... لكن يعني انت لو بتتكلم على وسائل الامان هتلاقي الفئات الاوروبية في السعر ده وفوقه شوية بيكون موفر ده كاساسيات مش كماليات زي الكوريين ... ده غير فرق زيادة السعر في العربيات الغير اوروبية ... فكر كويس في الاوروبي في الفيات الرينو التويوتا بفئاتها المساوية للفئة دي وهتلاقي اختيارات كويسة وطبعا هتلاقيها كفاءة كبيرة امان عالي سعر مناسب ....
بس هيبقى قدامها شوية نقاط سلبية زي : سعر اعادة البيع اقل - اسعار قطع الغيار وانتشارها اقل - البنزين في بعضها عالي...
غير الاوروبي ممكن تفكر تزود الفلوس شوية وتجيب فئة كوري اعلى بعوامل امان وافضل كيا عن هيونداي زي الريو او السيراتو ولو مش مستعجل استنى السيراتو الجديدة والكارينز الجديدة حاجة خيالية يعني بس سعرها يتضبط بس مش هتندم عليها انا عن نفسي بانتظارها ولو تعرف تروح معرض فورميلا الاهرام الجاي اخر الشهر روحه وقرر هناك ...
وبشكل عاااااااااام
كله ده يحكمه انت عايز العربية ليك ولا حد من اسرتك خاصة استخدامها نسائي ام رجالي ؟؟؟ وثانيا انت هل لديك نية لبيعها في المدى القريب او المتوسط وهل اسعار قطع الغيار او مدى انتشارها هيفرق جامد معاك ولا ممكن تتعامل معاه ؟؟؟
كل دي عوامل انا شايف انك لازم تحسبها وتشوف المميزات والايجابيات وتشوف مين ترجح كفته ومع استخارة لرب العالمين ان شاء الله ربنا يوفقك للاختيار المناسب :)