التفتيش علي وجود حقيبة اسعافات أولية ومثلث عاكس

تحقيقات

44415‏السنة 132-العدد2008يوليو14‏11 من رجب 1429 هـالأثنين

بدء التفتيش عليها من أول أغسطس‏:‏
حقيبة إسعافات ومثلث عاكس في كل سيارة

تحقيق‏:‏أيمن فاروق

http://www.ahram.org.eg/archive/2008/7/14/44415_43m.jpgجانب من المثلثات العاكسة وحقائب الاسعاف بالاسواق

يبدأ من أول شهر أغسطس المقبل التفتيش من قبل لجان الفحص في إدارات المرور لدي الترخيص لكل سيارة علي وجود حقيبة اسعافات أولية ومثلث عاكس متحرك لاستخدامه أثناء الاعطال والتوقف في الطرق‏,‏ بعدما اشترط قانون المرور الجديد وجودهما بالسيارة‏,‏ ونص علي معاقبة المخالف في حالة عدم وجود الحقيبة بسداد غرامة مالية قدرها‏50‏ جنيها أو سحب رخصة القيادة لمدة لاتقل عن شهر‏,‏ علما بأنه يجب علي المواطنين الانتباه الي ان الحقيبة الموجودة في الاسواق غير مطابقة للمواصفات‏..!‏

تحقيقات الأهرام تسلط الأضواء علي هذا الموضوع بعدما كثر اللغط حوله بين المواطنين‏.‏ وننفرد بنشر ومكونات الحقيبة التي يجب الالتزام بها‏.‏ لقد ظن البعض أن الحقيبة مكونة من بعض المستلزمات الطبية البسيطة حتي وصل الأمر ببعض قائدي السيارة لوضع كمية من القطن الطبي والسوائل المطهرة داخل أدراج صالون السيارة تمهيدا لتقديمها لضباط المرور بصفتها الحقيبة الطبية المطلوبة‏!‏

تحقيقات الأهرام واجهت قيادات العمل الأمني باستفسارات المواطنين خاصة عن الحقيبة والمثلث‏,‏ فأكد اللواء محمد منصور مدير الإدارة العامة للمرور أن القانون الجديد يتطلب وجود حقيبة للاسعافات الأولية بكل سيارة سواء ملاكي أو أجرة أو نقل‏,‏ وسوف يتم التفتيش عن الحقيقة بداية من أول أغسطس أثناء ترخيص السيارة أو تجديد الترخيص أو من خلال الحملات الأمنية والأكمنة‏.‏

طلبت وزارة الداخلية من وزارة الصحة وضع الشروط والمواصفات للحقيبة يمكن الاستفادة منها في انقاذ حياة المواطنين في حالة وقوع أية حوادث‏,‏ فأفاد قسم الرعاية العلاجية العاجلة بوزارة الصحة بالمواصفات التي تم اعتمادها بالقانون التي سيتم فحصها بعناية شديدة‏.‏

ويضيف‏,‏ أن المواصفات تتمثل في أن تكون الحقيبة مصنوعة من مادة غير قابلة للصدأ ويسهل حملها‏,‏ كما يمكن غسلها وتطهيرها ـ أي لابد أن تكون مصنوعة من مادة بلاستيكية قوية ـ ومحكمة الغلق لضمان عدم تسرب الأتربة الي داخلها‏,‏ وأن تكون مقسمة من الداخل ويكتب عليها من الخارج حقيبة اسعافات أولية وأن تحتوي علي قائمة مكتوبة باللغة العربية بمحتوياتها التي يتضمن القانون وجودها بالكامل دون تقصير‏.‏

ويضيف ان المحتويات المطلوبة تتمثل في‏3‏ أربطة شاش‏,‏ و‏3‏ أربطة ضغط‏.‏ وبكرة شاش معقم للجروح‏,‏ وأخري شاش مغزلن للحروق‏,‏ وبكرة شاش معقم للعين‏,‏ وكيس قطن طبي‏,‏ وبكرتي شريط لاصق‏(‏ بلاستر‏),‏ ومقص‏,‏ وزجاجة سائل مطهر‏,‏ وقفازات طبية‏,‏ ورابط مثلث للكسور‏,‏ وعدد من أكياس الثلج التي تنشط عن طريق الفرك‏,‏ وكشاف ضوئي‏(‏ بطارية‏),‏ وملاءة حروق‏(‏ مفزلنة‏),‏ وكتيب لطرق الاسعافات الأولية‏.‏

ويوضح اللواء محمد منصور أن وزارتي الداخلية والصحة اعتمدتا بعض الشركات الطبية لتوزيع تلك الحقائب والموجودة بالصيدليات وتتراوح قيمتها بين‏60‏ و‏75‏ جنيها‏,‏ ويوجد بها المحتويات المطلوبة ومطابقة للمواصفات‏.‏

وأشار الي إنه سوف يتم بيع تلك الحقائب بأماكن قريبة من وحدات المرور‏,‏ وليس بداخلها‏.‏

ويضيف أن الوزارة تهدف الي الحفاظ علي حياة المواطنين فكان لابد من وجود حقيبة للاسعافات وضعت وزارة الصحة مواصفاتها وسوف تتولي أجهزة الوزارة التفتيش عليها‏.‏

وأشار الي أنه من المنتظر أن تقوم الشركات الطبية التي تم اعتمادها لتوريد تلك الحقائب ان تعلن عن نفسها قريبا حرصا علي عدم توجه المواطنين لشراء حقائب غير مطابقة للمواصفات وضياع أموالهم هباء‏.‏

عن المثلث العاكس يؤكد اللواء محمد منصور انه يشترط أن يكون عاكسا للاضاءة وأن يتم وضعه بعيدا عن السيارة بمسافة عشرة أمتار ولا يجب الاعتماد علي بعض المثلثات الموجودة في غطاء حقيبة السيارة‏,‏ لأن القانون اشترط ضرورة وضع المثلث بعيدا عن السيارة بمسافة عشرة أمتار في حالة حدوث أية اعطال وفي الحالة الأخيرة اذا لم يقم قائد السيارة بوضع العاكس خاصة في الفترة المسائية بهذه المسافة فسوف يتعرض للمساءلة القانونية ومواجهة المخالفة المرورية‏.‏

ويوضح اللواء محمد منصور أن الإدارة العامة للإعلام والعلاقات بوزارة الداخلية بدأت في شن حملة إعلامية مكبرة بقواعد وتعليمات القانون الجديد وظهر ذلك من خلال الاعلانات الموجودة ببعض القنوات التليفزيونية‏,‏ وكذلك بعض الجرائد‏,‏ كما سيتم بداية من غد‏(‏ الثلاثاء‏)‏ الدفع بالسيارات الجديدة ذات الشاشات الاعلانية بمناطق القاهرة الكبري ومنطقة الساحل الشمالي لتوعية المواطنين بقواعد المرور الجديدة‏.‏

جولة في الأسواق
اختلفت أنواع وأشكال المثلثات العاكسة التي فرض القانون حيازتها داخل المركبات‏,‏ كما تباينت أيضا قيمة النوع الواحد من مكان الي آخر‏,‏ وتراوحت قيمة المثلث العاكس بين‏15‏ جنيها و‏90‏ جنيها للمثلث الواحد‏(!)‏ ولم يكن حال حقيبة الاسعافات بعيدا عن هذا الاختلاف والتنوع وتراوحت قيمة الحقيبة بين‏50‏ جنيها و‏130‏ جنيها والسبب الملحوظ الذي يستند اليه الباعة هو اختلاف محتويات الحقيبة ونوعيتها‏.‏

وعلمت تحقيقات الأهرام ان أجهزة البحث الجنائي بمديريتي القاهرة والجيزة بدأت في الاستعداد لشن حملات أمنية علي الباعة بأسواق قطع الغيار المختلفة لضبط المستغلين لإقبال المواطنين علي شراء المثلث العاكس وحقيبة الاسعافات نظرا لضرورة حيازتهما بالمركبة أيا كان نوعها‏,‏ وتبين ايضا قيام بعض الباعة بغش محتويات حقيبة الاسعاف ووضع مكونات طبية رديئة وغير صالحة للاستخدام الأمر الذي يتطلب ضرورة عمل حملات تفتيشية علي البضائع المباعة حرصا علي حياة المواطنين وممتلكاتهم ومنعا لتعرضهم لأعمال نصب واحتيال من بعض الخارجين عن القانون‏.

وابتدي المشوار

شفت انت اعتماد بعض الشركات الطبيه لتوريد الشنط المطابقه للمواصفات ....الشركات دي بتاعه مين يا تري ؟

ااااه يا ولاد ....

خلينا نبص لنص الكباية المليان. الشنطة حلوة... والصين حلوة ..الصين حلوة

سبوبة كالعادة

نفس الحوار بتاع ايام حزام الامان ...واحد من العتاولة شارى شحنة اسعافات و مش عارف يصرفها يقوم يعدلو القانون لحد ما يصرف الشحنة. وهو بردة نفس القانون اللى بيجبرك تستعمل طفاية حريق بافاريا اى ماركة تانية لأ حتى لو كانت انضف من البافاريا بـ100 مرة.وعجبى عليكى يا بلد

من الآخر سبوبة جديدة مع إقراري بأهمية الشنطة و فعلا هي عندي في البيت و العربية.

بس طبعا وزارة الداخلية الرشيدة حتعمل سبوبة مع دكتور ناصح عشان يعملو شنط إجبارية "معتمدة" زى بالضبط طفاية بافارية المعتمدة و إلي مايقبلوش غيرها أبدا.

يقولك لازم يكون فيها كراسة لتعليم الاسعافات الاولية...
ماشي لما أشوف واحد عامل حادثة اخد الكراسة دي و أقعد على أي كوفي شوب هادي أذاكر فيها بعدين أروح أنقذ المصاب (اذا كان لسه فيه نفسين)

حاجة كويسة
و مش غلط بتاتا

حُذفت لعدم وجود محتوى
مشرف القســـــــــــــم العـــــــــــــــــام

يا باشا هو محدش قال ان الفكرة وحشة بالعكس الفكرة كويسة بس المشكلة البزنس اللى هيتعمل على الفكرة دة. يعنى مثلا طالما هما خايفين على ارواح الناس اوى كدة ابسط ما فيها ان لما يحصل حادثة و تطلب الاسعاف يجيلك مش تفضل مستنى لحد لما الراجل يموت ولو عملت شهم و خت اللى عامل حادثة المستشفى هيدبسوك انت فى الحادثة.
طب دة انا مرة شفت حادثة كان واحد بيعدة الشارع و عربية خبطتو المهم الناس اتصلت بالاسعاف و بعدها ب 10 دقايق جت عربية اسعاف انا مصدقتش نفسى المهم بقى الناس ملومة عشان تشوف هيحصل اية .طلعت ان عربية الاسعاف دة مش اللى احنا طلبناها و ان دة كان معدى بالصدفة و تفتكر ان العربية خدو الراجل .ابدا .سواق العربية قالك مقدرش اخدو لان انا بطلع باذن او تصريح من المستشفى على مكان الحادث و مينفعش اخد اى حادثة كدة.المهم بعد خناقات مع السواق لمدة 45 دقيقية كانت جت العربية اللى طلبناها يعنى بعد الاتصال بأكتر من ساعة. وبعد كل دة تلاقيه يقولك حرصا على سلامة المواطنين هههه.

طيب دلوقتى الواحد يجيب الشنطه ديه منين ؟؟؟؟ طبعا انا قصدى على المطابقه لمواصفات مش المضروبه

انا هسمع كلامهم و استنى شوية لان مش طالبة اجيب حاجة و بعد كدة يقولك مش مطابقة عشان نوعها مش بافاريا ...ههههه

و الله طول ما الرخصة بتيجي لحد البيت ما هينفع فيها لا قانون جديد و لا شنطة اسعافات و لا أي حاجه:dots:

طب ماهي مكوناتهامكتوبة اهي
سهل قوي انك تجيب شنطة نضيفة محترمة من عند المحلات اللي عند كلية الطب في العباسية
وتط المكونات بنفسك
مش شايفها صعبة
واللي عايز يريح دماغة هايجب الشنطة الاصلية بسببوتها

المشكلة مش فى المكونات يا كريم .انما المشكلة انهم يرخمو انها تكون شنطة نوع معين زى حوار طفاية الحريق بافاريا و زى التأمين الاجبارى بتاع العربية الجديدة اللى لازم يكون مصر للتأمين او الشرق للتأمين و وقتها هيبقى اكنك اشتريت حاجة ملهاش لازمة

دى فراغ فراغ الشعب المصري ارحمنا بقى يارب
عجبي

المبدأ نفسه كويس بس التطبيق و غياب الثقه بينا و بين الحكومه يخلينا نتوهم هواجس شريره و نوايا سيئه

انا شايف اننا نستنى شويه و نشوف هانشترى ايه و خلاص و كلنا نشترى مره واحده

و على فكره اللى بيتباع دلوقت ده برضه سبوبه ليهم و اكيد معمول حساب الفتره دى اللى محدش فاهم فيها حاجه

اهم حاجه تتأكد ان الصلاحية سليمه عشان هم ممكن يكونوا بيسلكوا شحنه من المواد الطبيه اللى قربت تنتهى او انتهت بالفعل فى السوق

ربنا يستر

أعتقد ان قانون المرور الجديد فتحه خير على كل من الضباط والصيادله والتجار وياعينى علينا أحنا يا مظلومين مش عارفين نوقف نزيف المصروفات الذى ليس له أخر
الخارج اكثر من الداخل

اقتداء بايام هوجة الحزام:

انا هارسم مثلت عاكس على التيشرت وهارسم حقيبة ادوات طبية على الاستبن ،

واللى هيكلمنى هاضربه بحزام الأمان وافتح الطفاية فى وشه

ياريت الشنطة تكون فيها مهدء عشان الزحمة

هنشتريها منين ان شاء الله

[FONT='Times New Roman','serif']أكد اللواء سراج الدين زغلول مدير الإدارة العامة لمرور القاهرة ان حقيبة الإسعاف والصندوق الأسود ومحدد السرعة والمثلث العاكس يكون استخدامها اختياريا اعتبارا من أول أغسطس ولمدة عام.. حتي يتم توفيق الأوضاع. بعدها يكون الالتزام بها اجباريا وتكون هناك حملات للتفتيش عليها وتصبح شرطا أساسيا عند ترخيص السيارة. وقال ان هذه المادة تمت اضافتها لقانون المرور الجديد وتضم 4 مواد[/FONT].. [FONT='Times New Roman','serif']المادة الأولي تشترط تزويد السيارة بحقيبة للإسعافات الأولية تحتوي علي 14 قطعة ويبلغ ثمنها من 65 إلي 75 جنيها. أما الصندوق الأسود فهو جهاز يشبه الصندوق الأسود للطائرات ويلزم القانون سيارات النقل واتوبيسات النقل الجماعي بتركيبه ويقوم بتسجيل جميع المعلومات الخاصة بتحركات السيارة وتصرفات السائق خلال الرحلة وتخزينها بطريقة آلية يستحيل التدخل اليدوي فيها وذلك لاستخراج المعلومات منه وتفريغها بالوسائل الفنية عند الحاجة اليها في أتوبيسات نقل الركاب والتروللي باص وأتوبيسات المدارس والأتوبيسات السياحية وأتوبيسات الرحلات والسيارات النقل والنصف نقل.. أما المثلث العاكس للضوء فهو مثلث يتم وضعه علي أرضية الطريق خلف السيارة المعطلة أو المتوقفة بمسافة لا تقل عن 10 أمتار لحمايتها وحماية قائدها. أما جهاز محدد السرعات فيلزم القانون الأتوبيسات السياحية والنقل والنصف نقل بتركيبها وهذا الجهاز يحدد الحد الأقصي لسرعة هذه المركبات ولا يمكن لسائقيها من تجاوز هذه السرعات[/FONT]

والله يا جماعه حتى لو موضوع الاسعافات الاوليه ده فيه مصلحه لحد جامد لكن انا شايف ان ليه فوايد برضو ممكن تساعد بيه حد لا قدر الله ............