طيب في ملحوظة صغيرة.....انا واحد من الناس اللي لا يعنيني الحكومة ولا الريس مين...يعني في العهد السابق كان الر ئيس مللك وليس رئيسا....ومكوش علي البلد هوا وشلته......تمام
حاليا في رئيس منتخب ومش هندخل في تفاصيل والكلام الفارغ بتاع النص والربع والكلام ده لانه حتي لو النص قال كلمته ونجح الرئيس فالنص التاني قال كلمته وفي الحالتين النصين قالوا رئيهم وبصراحة ودي حاجة مكنتش موجودة قبل كده...كده في نقطة ايجابية و هي حرية الاختيار ....تمام
بس الثمن كبير كبير جدا...عجلة الانتاج متوقفة حتي الان.....معظم مؤساسات الدولة بها فساد كما هوا
طيب ما الفساد كان موجود من الاول ومكنتش الحياة صعبة كده....معلش فترة وهتعدي...بس امتي تعدي واحنا كل يوم في مظاهرات واحتجاجات ....من حق الناس تعبر عن رأيها ....ومن حقي انا ان اعيش حياة كريمة...لما الكهرباء تغلي والبنزين يغلي وكل حاجة تغلي والحكومة تزود في الرواتب والناس مش فاهمة انه ده تضخم لانه مقابل الزيادة دي مفيش انتاج زيادة يعني زي معمل السادات طبع فلوس بلا مقابل من الاحتياط الاستراتيجي...كده العملة هتنزل قيمتها خالص وممكن تبقي زي السودان(قبل ما ربنا يفتح عليهم) تلاقي شوال فلوس مقابل تلفزيون ولا تلاجة....طيب وبعدين انا معترضش علي الحكومة بس الوضع ده ميرضيش ربنا ....الفساد موجود زي ما هوا وناس بتاخد فوق 10000 جنيه شهريا وناس بتاخد ملاليم...ناس بتتصارع علي السلطة وناس بتصارع الجوع....ناس مؤيدة وناس معارضة ...اكيد دي سنة الحياة منذ بدء الخليقة...بس ربنا انعم علينا بنعمة العقل كي نرفع الظلم عن المظلوم كي نساعد المحتاج....
جميل بس لو الحكومة هتزود البنزين 92 وال90 مش موجود يبقي ابيع العربية واشتري موتسيكل.........
ولو الكهرباء هتزيد اكتر من كده يبقي بلاش تكيف وبلاش اجهزة كهربائية وبلاش عيال تزاكر في البيت ننزهلم يزاكرو تحت عمود النور اللي في الشارع(دا اذا فضل منور).......
كل ده انا موافق عليه ومش هزار بس الي متي؟؟؟؟؟؟؟؟؟؟؟؟؟؟يعني لو الشعب اطحن اكتر ما هوا مطحون نلاقي نتيجة بعد سنة او اتنين او تلاتة...ممكن نستحمل عشان عيلنا متطلعش حرامية وشمامين...بس بيقولوا الفساد عايز سنين طويلة عشان يتحارب(غالبا 30 سنة برضوه) وانا شايف انها حسبة جيدة 30 سنة بنبني فساد اقل واجب 30 سنة عشان تهدمه.......بجد الواحد تعب من كتر التفكير.....
بس الحمد والشكر ليك يا رب احنا احسن من ناس كتير...بس هنصمد لحد امتي علي هذا الوضع الناس ميسورة الحال هتبقي معصورة الحال والناس الفقيرة هتموت من الجوع بس طبعا الاغنياء مش هتفرق معاهم لانه يا هيمشي يا هيشغل فلوسه بره واهوا عايش ملك ..ونصبح زي الكودوفوار قبل 100 سنة طبقة الملوك وطبقة العبيد.......ومحدش يقولي الحكومة تعمل ايه ....تعمل كتير مش هيا الحكومة المفروض تكون عارفة تعمل ايه.......حسبي الله ونعم الوكيل في كل واحد وصلنا للمرحلة دي اي كان منين حتي لو كان ابويا او اخوا........