-
رجرجة عند التسخين
السلام عليكم ورحمة الله وبركاته
لو سمحتم النهاردة وأنا بسخن العربيه الصبح كالمعتاد فوجئت برجرجة غريبه .. قولت أدوس بنزين شويه لقيت الرجرجه خفت,روحت الشغل وركنتها كام ساعة ورجعت اسخنها تاني معملتش الرجرجه دي,أرجو الافاده.
للعلم السيارة لوجان أوتوماتيك 2013 عامله حوالي ألفين كيلو.
-
طيب اثناء الرجرجة مالاحظتش ان كان ال rpm بيزيد و يقل وحده ولا ماخدتش بالك؟
-
لا مكنش بيزيد اللا لما كنت بدوس بنزين
-
لو كان ال rpm بيزيد و يقل لوحده كنت هاقولك المشكلة ف بوابه الهوا انما طالما مفيش خلل ف ال rpm يبقي الموضوع محتاج حد من وحوش اللوجان المخضرمين يشرحهولنا و يوضحلنا ان كان طبيعي ولا لأ .. وان كنت اعتقد انه طبيعي في البرد ده
-
كنت منزل موضوع مشابه للحكايه دي عن الرجرجه عند التسخين ع البارد
بالنسبالي انا إكتشفت إن شداد الموتور عايز يتغير
بس أنا معدي ال82 الف كيلو وحضرتك لسه ف ال2000 كيلو
عامتن فيه إختبار بسيط تعمله تتأكد بيه
شوف سعادتك هاتفتح الكابوت وتعشق ع الاول وتهز العربيه قدام وورا وإنتا باصص علي الموتور
لو لقيته بيتهز جامد يبقي شداد لو لقيته ثابت ف مكانه يبقي شيئ طبيعي
والله الموفق والمستعان
-
متشكر جدا للوحوش هجرب علي الوضع n لاني اوتوماتيك واقولكم عالتفاصيل في اقرب وقت ان شاء الله
-
لو جربت على n العربية ها تتحرك عادى خالص ولن تكتشف شيئا . أعتقد ان هذا الاختبار يصلح فقط للسيارات المانيوال
-
عندك حق فعلا.. الموضوع محصليش تاني ولا امبارح ولا النهارده الحمد لله شكلها كانت رجرجه عارضه وراحت لحالها,, متشكر جدا ليكم وربنا يحرسنا وسياراتنا من كل سؤ.
-
الموضوع ده بسبب البوجيهات بتحصل كل حين و اخر ادام دى بوجيهات الفبريكه
-
بص الموضوع ده حصل معايامرة و غالبا بسبب البنزين مش كويس انا فولت من امارات و حطيت منظف دورة البنزين و محصلتش تانى
Content Relevant URLs by
vBSEO 3.6.0 PL2